ឡុងដ៍ ៖ ថ្នាំព្យាបាលជំងឺកូវីដ-១៩ របស់ក្រុមហ៊ុនផលិតឱសថរបស់ប្រទេសអង់គ្លេស AstraZeneca (AZN.L) បានធ្វើការសាកល្បងព្យាបាលដោយទទួលបានជោគជ័យ ក្នុងការទប់ស្កាត់ជំងឺមិនឲ្យវិវត្តទៅជាធ្ងន់ធ្ងរ ឬការស្លាប់សម្រាប់អ្នកជំងឺដែលឆ្លងនូវវីរុសនេះ។ ដែលនេះជាការសាកល្បង និងសិក្សានៅដំណាក់កាលចុងក្រោយ។ថ្នាំមួយនេះមានឈ្មោះថា AZD7442 ជាថ្នាំដែលអាចជួយកាត់បន្ថយហានិភ័យនៃការវិវត្តរបស់ជំងឺទៅរកសភាពធ្ងន់ធ្ងរ ឬស្លាប់បាន ៥០ ភាគរយ ចំពោះអ្នកជំងឺដែលចេញរោគសញ្ញារយៈពេល ៧ ថ្ងៃដំបូង ឫតិចជាងនេះ។លោក Hugh Montgomery ជាប្រធានផ្នែកស្រាវជ្រាវ និងអភិវឌ្ឍន៍ឱសថ របស់ក្រុមហ៊ុន AstraZeneca បាននិយាយនៅក្នុងសេចក្តីថ្លែងការណ៍មួយថា លទ្ធផលនៃការសាកល្បងគឺមានភាពវិជ្ជមាន ដោយថ្នាំនេះបានបញ្ចេញអង់ទីគ័រ ដែលអាចជួយកាត់បន្ថយការវិវត្តនៃជំងឺទៅរកសភាពធ្ងន់ធ្ងរ ហើយសម្រាប់ថាមពលនៃការការពាររបស់វាមានរយៈពេលជាង ៦ ខែ។ជាមួយគ្នានេះ ក្រុមហ៊ុន AstraZeneca ក៏កំពុងតែអភិវឌ្ឍន៍ថ្នាំលាយផ្សេងទៀត ដើម្បីការពារមនុស្សដែលមិនមានប្រព័ន្ធភាពស៊ាំខ្លាំង ពីការចាក់វ៉ាក់សាំងការពារកូវីដរួចរាល់ទាំង ២ ដូស។ ទន្ទឹមនោះ ក្រុមហ៊ុនក៏បានស្នើសុំការយល់ព្រមជាបន្ទាន់មួយ ពីនិយតករអាមេរិកសម្រាប់ការប្រើប្រាស់ថ្នាំនេះ កាលពីសប្តាហ៍មុន ផងដែរ៕
ព័ត៌មានគួរចាប់អារម្មណ៍
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
ព្រឹកនេះ សម្តេចធិបតី អញ្ជើញសំណេះសំណាលជាមួយមន្ត្រីរាជការ បុគ្គលិក កម្មករនិយោជិត បម្រើការងារនៅកំពង់ផែស្វយ័តក្រុងព្រះសីហនុ ()
សេរីភាពសារព័ត៌មាននៅកម្ពុជាមានលក្ខណៈល្អប្រសើរ ()
នៅកម្ពុជាមានអ្នកសារព័ត៌មានចំនួនប្រមាណ ១មុឺននាក់ដែលកំពុងប្រកបវិជ្ជាជីវៈ ()
សហព័ន្ធសហជីពកម្ពុជាការពារកូនខ្មែរ ជាសមាជិករបស់ សហភាពសហជីពមរតកជាតិកម្ពុជា សូមគោរពគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណនតេជោ ()
វីដែអូ
ចំនួនអ្នកទស្សនា