ខេត្តមណ្ឌលគិរី៖ នារសៀលថ្ងៃទី ១៨ ខែ តុលា ឆ្នាំ២០២១នេះ នៅសាលប្រជុំរដ្ឋបាលខេត្តមណ្ឌលគិរី បានបើកកិច្ចប្រជុំ ស្តីពីការជួសជុលស្តារឡើងវិញ នូវប្រព័ន្ធធារាសាស្រ្តទំនប់អូរទេ ប្រព័ន្ធធារាសាស្រ្តទំនប់លើ និងប្រព័ន្ធធារាសាស្រ្តទំនប់ក្រោម ស្ថិតនៅក្នុងក្រុងសែនមនោរម្យ។កិច្ចប្រជុំនេះប្រព្រឹត្តទៅ ក្រោមអធិបបតីភាព ឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី ដោយមានការអញ្ជើញចូលរួមពីសំណាក់ លោក ជាក់ ម៉េងហ៊ាង អភិបាលរងខេត្ត លោក ស៊ន សារុន នាយករដ្ឋបាលសាលាខេត្ត ព្រមទាំងកងកម្លាំង ប្រធាន អនុប្រធានមន្ទីរ/អង្គភាព លោកអភិបាលក្រុង/ស្រុកពាក់ព័ន្ធ។កិច្ចប្រជុំនេះប្រព្រឹត្តទៅ ក្នុងគោលបំណង ដើម្បីឱ្យក្រសួងធនធានទឹក និងឧតុនិយម ធ្វើការអនុវត្តផែនការ ក្នុងការគ្រប់គ្រងទឹក ប្រើប្រាស់ទឹក និងបញ្ជាទឹក ទទួលបានសន្តិសុខ និងសុវត្ថិភាព លើការងារជួសជុលនូវប្រព័ន្ធធារាសាស្រ្តទំនប់អូរទេ ប្រព័ន្ធធារាសាស្រ្តទំនប់លើ និងប្រព័ន្ធធារាសាស្រ្តទំនប់ក្រោម ស្ថិតនៅក្នុងក្រុងសែនមនោរម្យ ដោយចាប់អនុវត្តពីខែ តុលា ឆ្នាំ២០២១នេះតទៅ។នាឱកាសនោះ ឯកឧត្តម ថង សាវុន អភិបាល បានស្នើដល់កងកម្លាំង មន្ទីរ/អង្គភាព អភិបាលក្រុង/ស្រុកពាក់ព័ន្ធ ត្រូវចូលរួមសហការ ជាមួយមន្រ្តីបច្ចេកទេស ដែលកំពុងប្រតិបត្តិការ ក្នុងតំបន់អនុគម្រោង ឱ្យបានហ្មត់ចត់បំផុត លើវិធានការសន្តិសុខ ដើម្បីធានាបាននូវសុវត្ថិភាព ដល់ក្រុមការងារ ក៏ដូចជាគ្រឿងចក្រ កម្លាំងពលករ ដែលកំពុងអនុវត្តគម្រោង។
ព័ត៌មានគួរចាប់អារម្មណ៍
រដ្ឋមន្រ្តីបរិស្ថាន៖ ការពង្រឹងការគ្រប់គ្រងធនធានធម្មជាតិនិងបរិស្ថានជាអាទិភាពក្នុងគោលនយោបាយរបស់រាជរដ្ឋាភិបាល ()
សម្តេចធិបតី ហ៊ុន ម៉ាណែត៖ អ្នកសារព័ត៌មានបើផ្សាយខុស ត្រូវហ៊ានកែសម្រួល ()
សម្តេចធិបតី អំពាវនាវអ្នកសារព័ត៌មាន កុំធ្វើអ្វីនាំឱ្យបាត់បង់ឥទ្ធិពល នៃអំណាចទី៤ ()
សម្តេចធិបតី អំពាវនាវដល់អ្នកសារព័ត៌មាន ទាំងអស់រួមគ្នាប្រឆាំងព័ត៌មានក្លែងក្លាយ «Fake News» ()
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
វីដែអូ
ចំនួនអ្នកទស្សនា