KNP

ថ្ងៃអាទិត្យ ទី៣១ ខែសីហា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

ឯកឧត្តម គង់ គឹមនី អញ្ជើញដឹកកិច្ចប្រជុំស្តីពីពិនិត្យបច្ចុប្បន្នភាព លទ្ធផលការងារបច្ចេកទេសយានយន្ត និងបញ្ហាប្រឈមនានា **|**

ឯកឧត្តម គង់ គឹមនី អញ្ជើញដឹកកិច្ចប្រជុំស្តីពីពិនិត្យបច្ចុប្បន្នភាព លទ្ធផលការងារបច្ចេកទេសយានយន្ត និងបញ្ហាប្រឈមនានា

ខេត្តក្រចេះ ៖ នារសៀលថ្ងៃអង្គារ ៥រោច ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៦ ខែតុលា ឆ្នាំ២០២១ ឯកឧត្តម គង់ គឹមនី អភិបាលរងខេត្តក្រចេះ និងជាប្រធានក្រុមការងារត្រួតពិនិត្យលក្ខណៈបច្ចេកទេសយានយន្តថ្នាក់ខេត្តតំណាងឯកឧត្តម វ៉ា ថន អភិបាល នៃគណៈអភិបាលខេត្តក្រចេះ បានអញ្ជើញដឹកនាំកិច្ចប្រជុំស្តីពី ពិនិត្យលទ្ធផលការងារបច្ចេកទេសយានយន្ត និងការដឹកជញ្ជូនលើសទម្ងន់កម្រិតកំណត់របស់រដ្ឋ និងបញ្ហាប្រឈមនានា ដែលមានពីរស្ថានីយ គឺស្ថានីយមានជ័យ និងស្ថានីយកាំពី នៅក្នុងភូមិសាស្រ្តនៃទឹកដីខេត្តក្រចេះ។

ក្នុងអង្គប្រជុំនេះផងដែរបានប្រព្រឹត្តទៅនៅបរិវេណសាលាស្រុកស្នួលដោយមានការអញ្ជើញចូលរួមពីលោកអភិបាលស្រុកស្នួល លោកប្រធានមន្ទីរសាធារណការខេត្ត កងកម្លាំងទាំងបីប្រភេទ និងអាជ្ញាធរពាក់ព័ន្ធជារូបទៀត។

ឯកឧត្តម គង់ គឹមនី បានមានប្រសាសន៏ថា ដើម្បីជាប្រយោជន៍រួម ក៏ដូចប្រយោជន៍សាធារណៈ និងនិយាយដោយឡែកជាប្រយោជន៍ជាតិ យើងទាំងអស់គ្នា យើងគប្បីចូលរួមអភិរក្ស ថែរក្សាសម្បត្តិជាតិទាំងអស់នេះនៅតាមផ្នែកនីមួយៗ ឲ្យគង់វង្ស និងយូរអង្វែង ដោយបច្ចុប្បន្នរដ្ឋមិនអនុញ្ញាតឲ្យជនណាមកបំផ្លិចបំផ្លាញនូវទ្រព្យសាធារណៈ ដែលជាទ្រព្យសម្បត្តិរបស់រដ្ឋតាមរយៈការដឹកជញ្ជូនបានផ្ទុកលើសទម្ងន់ជាដាច់ខាត ដែលមន្រ្តីនៅតាមស្ថានីយមិនបានត្រួតពិនិត្យឲ្យហ្មត់ចត់ ជាហេតុបង្កឲ្យមានការបាក់ស្រុតដូចជា ស្ពាន ផ្លូវថ្នល់ជាដើម។

ជាមួយគ្នានេះ ឯកឧត្តម គង់ គឹមនី បានសំណូមពរដល់មន្ទីរជំនាញ និងមន្រ្តីពាក់ព័ន្ធទាំងត្រូវអនុវត្ត និងមានវិធានការទៅច្បាប់របស់រដ្ឋដែលបានចែង ដើម្បីទប់ស្កាត់ និងកាត់បន្ថយបានបទល្មើសនៃការដឹកជញ្ជូនលើសបន្ទុកនៃច្បាប់បានកំណត់ នៅតាមដងផ្លូវ និយាយរួមគឺផ្តើមចេញពីយើងទាំងអស់គ្នា៕

ព័ត៌មានគួរចាប់អារម្មណ៍

ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()

ព័ត៌មានគួរចាប់អារម្មណ៍

ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()

ព័ត៌មានគួរចាប់អារម្មណ៍

ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()