ថ្ងៃពុធ ទី០៨ ខែធ្នូ ឆ្នាំ២០២១
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
អាជ្ញាធរខេត្តមណ្ឌលគិរីរៀបចំសោភ័ណ្ឌភាពនៅវិមានឯករាជ្យដើម្បីត្រៀមប្រារព្ធពិធីបុណ្យឯករាជ្យជាតិ៩វិច្ឆិកា និងដើម្បីទាក់ទាញភ្ញៀវទេសចរ
Wed,27 October 2021 (Time 08:15 AM)
ដោយ ៖ (ចំនួនអ្នកអាន: 30នាក់)

ខេត្តមណ្ឌលគិរី ៖ នៅថ្ងៃទី២៦ខែតុលាឆ្នាំ២០២១នេះ សំណង់វិមានឯករាជ្យដ៏ល្អប្រណីតមួយត្រូវបានរំលេចឡើងជារូបរាងនៅចំកណ្ដាលក្រុងសែនមនោរម្យ នៃខេត្តមណ្ឌលគិរី ធ្វើឲ្យមានការទាក់ទាញជាខ្លាំង និងជាទីគួរឲ្យចាប់អារម្មណ៍របស់អ្នកទេសចរដែលធ្វើដំណើរឆ្លងកាត់ចំណុចនេះរៀងរាល់ថ្ងៃ។ ថ្វីត្បិតសំណង់វិមានឯករាជ្យបានសាងសង់រួចរាល់ជាស្ថាពរ ប៉ុន្តែរដ្ឋបាលខេត្តមណ្ឌលគិរី កំពុងយកចិត្តទុកដាក់រៀបចំផ្នែកសោភ័ណ្ឌភាពនៅជុំវិញសំណង់វិមានឯករាជ្យឲ្យស្រស់ស្អាតជាងនេះថែមទៀត ដើម្បីត្រៀមប្រារព្ធពិធីបុណ្យឯករាជ្យជាតិ០៩ វិច្ឆិកាខាងមុខ និងជាផ្នែកទាក់ទាញអ្នកទេសចរផងដែរ ។

ប្រធានមន្ទីរសាធារណការ និងដឹកជញ្ជូនខេត្តមណ្ឌលគិរី លោក រស់ គីមធន់ បានឲ្យដឹងថា ការរៀបចំផ្នែកហេដ្ឋារចនាសម្ព័ន្ធសំណង់វិមានឯករាជ្យ គឺមានក្រាលថ្មមិចកិនបង្ហាប់នៅជុំវិញ និងរៀបចំទីតាំងទំហំ៤០គុណ៦០ សម្រាប់ឈរគោរពពិធីបុណ្យឯករាជ្យជាតិ ។ លោកប្រធានមន្ទីរបញ្ជាក់ថា បើតាមគម្រោងរបស់ឯកឧត្ដម ថង សាវុន អភិបាលខេត្តមណ្ឌលគិរី គឺឲ្យរៀបចំកែលំអទីលានវិមានឯករាជ្យនេះឲ្យទៅជាតំបន់កម្សាន្តផ្សេងៗទៀតជាច្រើន ដើម្បីទាក់ទាញទេសចរ ក៏ប៉ុន្តែនឹងធ្វើនៅជំហ៊ានបន្ទាប់ ដោយដំណាក់កាលទីមួយ គឺរៀបចំនៅជុំវិញវិមានឯករាជ្យសិន ។

កាលពីពេលថ្មីៗនេះ នាឱកាសចុះពិនិត្យមើលសោភ័ណ្ឌភាពនិងសណ្ដាប់ធ្នាប់ក្នុងក្រុងសែនមនោរម្យ ឯកឧត្តម ថង សាវុន បានធ្វើការណែនាំដល់មន្ទីរអង្គភាពពាក់ព័ន្ធ ពិសេសរដ្ឋបាលក្រុងសែនមនោរម្យ ត្រូវយកចិត្តទុកដាក់គិតគូរពីសោភ័ណ្ឌភាព បរិស្ថាន សណ្ដាប់ធ្នាប់សាធារណៈ នៅក្នុងក្រុង រៀបចំសំអាតបរិវេណសួនឧទ្យាន ចាប់ពីរូបសំណាកដំរីដែករហូតដល់វិមានឯករាជ្យ ។ ឯកឧត្តមអភិបាលខេត្ត បានស្នើដល់សមត្ថកិច្ចជំនាញ និងអាជ្ញាធរក្រុង ត្រូវរៀបចំកន្លែងលក់ដូរថ្មីសមរម្យ សម្រាប់អាជីវករដែលលក់ដូរតាមរទេះនៅជុំវិញបរិវេណរង្វង់មូលគោព្រៃ ដើម្បីរៀបចំសណ្តាប់ធ្នាប់ជុំវិញបរិវេណរង្វង់មូលនេះឱ្យមានសោភ័ណ្ឌភាពល្អ សម្រាប់ទាក់ទាញ់ភ្ញៀវទេសចរជាតិ អន្តរជាតិ មកទស្សនាកំសាន្តនៅលើទឹកដីដ៏ស្រស់បំព្រង នៃខេត្តមណ្ឌលគិរី ៕

ព័ត៌មានគួរចាប់អារម្មណ៍

ឯកឧត្តម នាយឧត្តមសេនីយ៍ សៅ សុខា អញ្ជើញបញ្ចុះបឋមសិលាអគារមន្ទីរពេទ្យបង្អែករមាសហែក ()

ព័ត៌មានគួរចាប់អារម្មណ៍

សម្តេច ស ខេង ចេញលិខិតប្រកាសគោរពតាមការសម្រេចរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធាន ក្នុងការជ្រើសរើសបេក្ខភាពនាយករដ្ឋមន្ត្រី ()

ព័ត៌មានគួរចាប់អារម្មណ៍

រដ្ឋបាលខេត្តមណ្ឌលគិរី ៖ ប្រជាពលរដ្ឋខ្វះខាតចំនួន ១១០គ្រួសារ នៅស្រុកពេជ្រាដា ទទួលអំណោយសង្គ្រោះបន្ទាន់ពីរាជរដ្ឋាភិបាល ()

ព័ត៌មានគួរចាប់អារម្មណ៍

អគារវះកាត់ និងសម្ភពមួយខ្នងនៃមន្ទីរពេទ្យបង្អែកខេត្តក្រចេះដែលជាជំនួយរបស់រដ្ឋាភិបាលជប៉ុនត្រូវបានសម្ពោធដាក់ឲ្យប្រើប្រាស់ជាផ្លូវការ ()

ព័ត៌មានគួរចាប់អារម្មណ៍

ថ្នាក់ដឹកនាំខេត្តអញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនអ្នកកាន់កាប់ដី នៅភូមិពូតាំង សង្កាត់រមនា ក្រុងសែនមនោរម្យ ()

វីដែអូ

ចំនួនអ្នកទស្សនា

ថ្ងៃនេះ :
358 នាក់
ម្សិលមិញ :
411 នាក់
សប្តាហ៍នេះ :
3965 នាក់
ខែនេះ :
9589 នាក់
3 ខែនេះ :
25960 នាក់
សរុប :
102757 នាក់