មណ្ឌលគិរី ៖ នារសៀលថ្ងៃទី២៨ ខែតុលា ឆ្នាំ២០២១ លោក ហោ សេរីវឌ្ឍន៍ ប្រធានមូលនិធិកម្ពុជាប្រឆាំងកូវីដ-១៩ និងលោក សាយ ម៉េងគីម អភិបាលរងខេត្តមណ្ឌលគិរី បានអញ្ជើញជាគណៈអធិបតី ក្នុងពិធីចែកអំណោយសប្បុរសធម៌របស់ ឯកឧត្តម ហ៊ុន ម៉ាណែត និងលោកជំទាវ ពេជ ចន្ទមុន្នី ជូនប្រជាពលរដ្ឋខ្វះខាតចំនួន ១០០គ្រួសារ ដែលរងផលប៉ះពាល់ដោយវិបត្តិជំងឺកូវីដ-១៩ នៅភូមិឡៅកា សង្កាត់សុខដុម ក្រុងសែនមនោរម្យ ខេត្តមណ្ឌលគិរី។លោក សាយ ម៉េងគីម អភិបាលរងខេត្ត មានប្រសាសន៍ថា ចាប់ពីព្រឹត្តិការណ៍ ២០ កុម្ភៈឆ្នាំ ២០២០ ដល់ថ្ងៃទី២៧ ខែតុលា ឆ្នាំ២០២១នេះ នៅទូទាំងខេត្តមណ្ឌលគិរី មានការឆ្លងរាលដាលជំងឺកូវីដ-១៩ ចំនួន ១.៩៩៥នាក់ ដែលតា ចំនួន ៥៧នាក់ ជាសះស្បើយ១.៣២៩នាក់ កំពុងសម្រាកព្យាបាលចំនួន ៦៥៨នាក់ ក្នុងនោះ អ្នកស្លាប់ចំនួន ០៨នាក់។លោក អភិបាលរងខេត្តបន្តថា ដោយមានការយកចិត្តទុកដាក់ពីថ្នាក់ដឹកនាំខេត្ត បងប្អូនប្រជាពលរដ្ឋដែលរងគ្រោះពីផលប៉ះពាល់នៃជំងឺកូវីដ១៩ អាជ្ញាធរបានផ្តល់ជំនួយបន្ទាន់ជូនដល់ពួកគាត់ និងអន្តរាគមន៍ផ្តល់ការឧបត្ថម្ភថវិកា សម្ភារ ដល់អ្នកជំងឺកូវីដ-១៩ និងអ្នកធ្វើចត្តាឡីស័ក នៅតាមមណ្ឌលនានា និងនៅតាមផ្ទះ ដែលអាជ្ញាធរមូលដ្ឋានបានរៀបចំ។លោក ហោ សេរីវឌ្ឍន៍ តំណាងឯកឧត្តម ហ៊ុន ម៉ាណែត និងលោកជំទាវ និងជាប្រធានមូលនិធិកម្ពុជាប្រឆាំងកូវីដ-១៩ បានថ្លែងពីភាពរីករាយ ដោយទទួលបានដំណឹងថា បងប្អូនប្រជាពលរដ្ឋស្ទើរ៩០% ក្នុងខេត្តមណ្ឌលគិរី ដែលភាគច្រើនជាជនជាតិដើមភាគតិចបានទទួលការចាក់វ៉ាក់សាំងការពារជំងឺកូវីដ១៩។ លោក ហោ សេរីវឌ្ឍន៍ បន្តថា ដោយការយកចិត្តទុកដាក់និងចង្អុលបង្ហាញពីឯកឧត្តម ហ៊ុន ម៉ាណែត មូលនិធិកម្ពុជាប្រឆាំងកូវីដ-១៩ បាននាំយកនូវអំណោយចែកជូនដល់ប្រជាពលរដ្ឋខ្វះខាតចំនួន ១០០គ្រួសារ រួមមាន៖ អង្ករ ១បេ (២៥ គីឡូ) មី ១កេស ត្រីខ១យួរ ទឹកត្រី ១យួរ ទឹកស៊ីអីវ ១យួរ កញ្ចប់ថ្នាំពេទ្យ និងម៉ាស ១កញ្ចប់ ជែលលាងដៃ ១ដប ទឹកសារ៉ូខ្ញីទឹកឃ្មុំ ១ប្រអប់ ច្រាស់ដុសធ្មេញ ១ដើម កន្ត្រៃកាត់ក្រចក ១ដើម និងសាប៊ូបោកសំលៀកបំពាក់កូនក្មេង ១ដប៕
ព័ត៌មានគួរចាប់អារម្មណ៍
រដ្ឋមន្រ្តីបរិស្ថាន៖ ការពង្រឹងការគ្រប់គ្រងធនធានធម្មជាតិនិងបរិស្ថានជាអាទិភាពក្នុងគោលនយោបាយរបស់រាជរដ្ឋាភិបាល ()
សម្តេចធិបតី ហ៊ុន ម៉ាណែត៖ អ្នកសារព័ត៌មានបើផ្សាយខុស ត្រូវហ៊ានកែសម្រួល ()
សម្តេចធិបតី អំពាវនាវអ្នកសារព័ត៌មាន កុំធ្វើអ្វីនាំឱ្យបាត់បង់ឥទ្ធិពល នៃអំណាចទី៤ ()
សម្តេចធិបតី អំពាវនាវដល់អ្នកសារព័ត៌មាន ទាំងអស់រួមគ្នាប្រឆាំងព័ត៌មានក្លែងក្លាយ «Fake News» ()
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
វីដែអូ
ចំនួនអ្នកទស្សនា