ខេត្តមណ្ឌលគិរី ៖ លោក សុន សារឿន ប្រធានមន្ទីរព័ត៌មានខេត្តមណ្ឌលគិរី នាព្រឹកថ្ងៃទី១៦ ខែវិច្ឆិកា ឆ្នាំ២០២១ បានអញ្ជើញចូលរួមសិក្ខាសាលា ស្តីពីការអនុវត្តវិជ្ជាជីវៈ និងសេរីភាពសារព័ត៌មាន ក្នុងក្របខណ្ឌច្បាប់នៃព្រះរាជាណាចក្រកម្ពុជា។សិក្ខាសាលានេះប្រារព្ធធ្វើឡើងនៅសណ្ឋាគាររ៉េស៊ីដង់សុខា រាជធានីភ្នំពេញ ក្រោមអធិបតីភាពឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាននិងមានការអញ្ជើញចូលរួមជាសិក្ខាកាមចំនួន១៦៦រូប រួមមានលោក រ៉ា មុនទ័រហ្សង់ អ្នកជំនាញអន្តរជាតិ យូណេស្កូមកពីប្រទេសហ្វីលីពីន និងជានាយកវិទ្យាស្ថានអ្នកកាសែត និងសារគមនាគមន៍អាស៉ី ព្រមទាំងឯកឧត្តម លោកជំទាវជាថ្នាក់ដឹកនាំក្រសួងព័ត៌មាន ប្រធានមន្ទីរព័ត៌មានរាជធានី-ខេត្ត លោកលោកស្រីជាអ្នកសារព័ត៌មានជាតិ និងអន្តរជាតិជាច្រើនរូបទៀត។សិក្ខាសាលាមានគោលបំណងផ្សព្វផ្សាយពីព្រំដែននៃការអនុវត្តវិជ្ជាជីវៈ និងសេរីភាពសារព័ត៌មានដល់អ្នកសារព័ត៌មានក្នុងស្រុក ក៏ដូចជាការលើកយកពីបញ្ហាប្រឈមនានា ក្នុងការបំពេញការងាររបស់អ្នកកាសែត ដោយតំណាងអ្នកកាសែត និងការឡើងផ្តល់នូវបទបង្ហាញស្តីពីក្របខណ្ឌច្បាប់ និងការអនុវត្តវិជ្ជាជីវៈសារព័ត៌មានដល់សិក្ខាកាមដោយវាគ្មិនជាតិ និងអន្តរជាតិផងដែរ៕
ព័ត៌មានគួរចាប់អារម្មណ៍
សហព័ន្ធសហជីពកម្ពុជាការពារកូនខ្មែរ ជាសមាជិករបស់ សហភាពសហជីពមរតកជាតិកម្ពុជា សូមគោរពគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណនតេជោ ()
ថ្នាក់ដឹកនាំខេត្តមណ្ឌលគិរី និងសាខាកាកបាទក្រហមកម្ពុជាខេត្តនាំយកសម្ភារ និងថវិកា ចូលរួមរំលែកទុក្ខគ្រួសារសព៤នាក់ ដែលបានស្លាប់ និងរបួស២នាក់ ដោយសារផ្ទុះគ្រាប់មិនទាន់ផ្ទុះ នៅភូមិស្រែអ៊ី ()
កម្ពុជា-ចិន ចុះហត្ថលេខាលើលិខិតប្តូរសារ ស្តីពីការផ្តល់ជំនួយរបស់ចិន សម្រាប់ការផ្គត់ផ្គង់ទឹកស្អាតនៅជនបទ ដំណាក់កាលទី២ ()
សម្តេចធិបតី អញ្ជើញមាតុភូមិនិវត្តន៍ ដោយសុវត្ថិភាព បន្ទាប់ពីបញ្ចប់បេសកកម្ម ដោយជោគជ័យ នៅបាងកក ()
កម្ពុជា និងគណ:កម្មការ ESCAP បន្តពង្រឹងកិច្ចសហប្រតិបត្តិការក្នុងការជំរុញនវានុវត្តន៍ឌីជីថល និងការអភិវឌ្ឍប្រកបដោយចីរភាព ()
វីដែអូ
ចំនួនអ្នកទស្សនា