ថ្ងៃអាទិត្យ ទី៣១ ខែសីហា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
សម្ដេចព្រះមហាសង្ឃរាជ សម្ដេចព្រះសង្ឃនាយកយាងនិមន្តបង្សុកូលប្រគេនព្រះសពមេគណខេត្តមណ្ឌលគិរី
Wed,24 November 2021 (Time 08:04 AM)
ដោយ ៖ (ចំនួនអ្នកអាន: 472នាក់)

ខេត្តមណ្ឌលគិរី ៖ នាព្រឹកថ្ងៃទី២៣ ខែវិច្ឆិកា ឆ្នាំ២០២១ សម្ដេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជ សម្ដេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្ដេចព្រះសង្ឃនាយក នៃព្រះរាជាណាចក្រកម្ពុជា យាងនិមន្តទៅបង្សុកូលប្រគេនព្រះសព ព្រះវិមលត្ថេរ សៅ យ៉ាន ព្រះរាជាគណៈកិត្តិយស ព្រះមណ្ឌលសោភ័ណ មេគណខេត្តមណ្ឌលគិរី និងជាចៅអធិការវត្តសែនមនោរម្យ ដែលបានអនិច្ចកម្មធម្ម (ជីវិតន្តរាយ) កាលពីថ្ងៃទី០៨ ខែវិច្ឆិកា ឆ្នាំ២០២១ វេលាម៉ោង៩ និង១៣នាទីយប់ ក្នុងព្រះជន្ម ៨៩ព្រះវស្សា ដោយព្រះរាគាពាធ នៅវត្តសែនមនោរម្យ ដែលស្ថិតនៅភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី។

ក្នុងពិធីគោរពវិញ្ញាណក្ខន្ធ និងបង្សុកូលប្រគេនព្រះសព ព្រះវិមលត្ថេរ សៅរ៍ យ៉ាន ព្រះរាជាគណៈកិត្តិយស ព្រះមណ្ឌលសោភ័ណ មេគណខេត្តមណ្ឌលគិរី ដោយមានការអញ្ជើញអមព្រះរាជដំណើរដោយសម្ដេចព្រះរាជាគណៈព្រះមន្ត្រីសង្ឃជាន់ខ្ពស់ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី ឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី រួមទាំងមន្រ្តីរាជការជុំវិញខេត្ត និងប្រជាពលរដ្ឋមកពីបណ្តារាជធានីខេត្តជាច្រើនអង្គ/នាក់ផងដែរ។

ក្នុងឱកាសប្រកបដោយសមានទុក្ខ ដោយសែនសង្រេងនេះ ក្នុងនាមសម្តេច ព្រះមហាសង្ឃរាជ សម្ដេចព្រះសង្ឃនាយក នៃព្រះរាជាណាចក្រកម្ពុជា និងក្នុងនាមគណៈសង្ឃ សូមចូលរួមរំលែកនូវមរណៈទុក្ខដោយក្តីស្រណោះ អាឡោះអាឡៃបំផុត រួមជាមួយព្រះមន្ត្រីសង្ឃ នៃសាលាគណខេត្តមណ្ឌលគិរី ដែលបានបាត់បង់ នូវព្រះបិតាសង្ឃខេត្ត ដែលបានរួមចំណែក យ៉ាងសកម្មក្នុងការលើកស្ទួយ តម្លៃវប្បធម៌ព្រះពុទ្ធសាសនា និងសង្គមជាតិប្រកបដោយស្មារតីទទួលខុសត្រូវខ្ពស់។

ការបាត់បង់ ព្រះវិមលត្ថេរ សៅ យ៉ាន គឺជាការបាត់បង់នូវព្រះមន្ត្រីសង្ឃជាន់ខ្ពស់ និងជាព្រះមេគណខេត្តមួយអង្គដ៏ឆ្នើម ព្រះទាំងជាព្រឹទ្ធមហាថេរ ដែលមានព្រះជន្មវស្សាច្រើន ក្នុងចំណោមព្រះមហាថេរ ទាំងឡាយដ៏តិចតូចរបស់ព្រះពុទ្ធសាសនាកម្ពុជា។ ព្រះមហាសង្ឃរាជ សម្ដេចព្រះសង្ឃនាយក សូមឧទ្ទិសនូវមហាបុញ្ញកុសលផលបុណ្យទាំងឡាយ ប្រគេនចំពោះដួងព្រះវិញ្ញាក្ខន្ធ ព្រះសព ព្រះវិមលត្ថេរ សៅ យ៉ាន បាននិមន្តទៅកាន់សុគតិភពកុំបីឃ្លៀងឃ្លាតឡើយ។

ក្នុងពិធីយាងបង្សុកូលប្រគេនព្រះសព ព្រះវិមលត្ថេរ សៅ យ៉ាន ព្រះរាជាគណៈកិត្តិយស ព្រះមណ្ឌលសោភ័ណ មេគណខេត្តមណ្ឌលគិរី សម្ដេចព្រះមហាសង្ឃរាជ សម្ដេចព្រះសង្ឃនាយក នៃព្រះរាជាណាចក្រកម្ពុជា បានប្រកាសតែងតាំង ព្រះបាឡាត់មណ្ឌលានុរ័ក្ខ ពេជ្រ សុភ័ក្រ្ត ព្រះបាឡាត់គណខេត្តមណ្ឌលគិរី ជាព្រះមេគណស្តីទី បន្តដឹកនាំការងារសាលាគណខេត្តតទៅ៕

ព័ត៌មានគួរចាប់អារម្មណ៍

ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()

ព័ត៌មានគួរចាប់អារម្មណ៍

ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()

ព័ត៌មានគួរចាប់អារម្មណ៍

ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()

ព័ត៌មានគួរចាប់អារម្មណ៍

ឧត្តមសេនីយ៍ទោ ឡោ សុខា អញ្ជើញដឹកនាំកិច្ច​ប្រ​ជុំ​ត្រួតពិនិត្យការ​ងារ​ប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នង​ការដ្ឋាន​នគរបាលខេត្តមណ្ឌលគិរី ()

ព័ត៌មានគួរចាប់អារម្មណ៍

ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()

វីដែអូ

ចំនួនអ្នកទស្សនា

ថ្ងៃនេះ :
2471 នាក់
ម្សិលមិញ :
2159 នាក់
សប្តាហ៍នេះ :
11543 នាក់
ខែនេះ :
55657 នាក់
3 ខែនេះ :
130354 នាក់
សរុប :
1286475 នាក់