ថ្ងៃអាទិត្យ ទី៣១ ខែសីហា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ឯកឧត្តម ងួន រតនៈ អភិបាលខេត្តកំពង់ធំ អញ្ជើញប្រគល់ផ្ទះ ចំនួន ៥ខ្នង ជាអំណោយកាកបាទក្រហមកម្ពុជាខេត្ត និងចែកអំណោយជូនដល់ប្រជាពលរដ្ឋមានការខ្វះខាតនៅស្រុកចំនួន ៤ ក្នុងថ្ងៃតែមួយ
Fri,26 November 2021 (Time 07:32 AM)
ដោយ ៖ (ចំនួនអ្នកអាន: 477នាក់)

(រដ្ឋបាលខេត្តកំពង់ធំ៖ នៅថ្ងៃទី២៥ ខែវិច្ឆិកា ឆ្នាំ២០២១ ឯកឧត្តម ងួន រតនៈ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំ អញ្ជើញចូលរួមប្រគល់ផ្ទះចំនួន ៥ខ្នង និងចែកអំណោយមនុស្សធម៌របស់សាខាកាកបាទក្រហមកម្ពុជាខេត្តកំពង់ធំ ជូនដល់ប្រជាពលរដ្ឋមានជីវភាពខ្វះខាតចំនួន ៧៥គ្រួសារ នៅស្រុកស្ទោង ស្រុកកំពង់ស្វាយ ស្រុកសន្ទុក និងក្រុងស្ទឹងសែន ក្នុងថ្ងៃតែមួយ។

ថ្លែងក្នុងពិធីនោះដែរឯកឧត្តម ងួន រតនៈ បានពាំនាំការផ្តាំផ្ញើសាកសួរសុខទុក្ខពីសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលសម្ដេចគតិព្រឹទ្ធបណ្ឌិតតែងតែយកចិត្តទុកដាក់ណាស់ ជាមួយនឹងការលំបាករបស់បងប្អូនប្រជាពលរដ្ឋគ្រប់រូប។

ជាមួយគ្នានោះដែរឯកឧត្តម ងួន រតនៈ បានជំរុញដល់អាជ្ញាធរក្រុងស្រុកទាំងអស់ សូមខិតខំចុះសាកសួរសុខទុក្ខជួបបងប្អូនប្រជាពលរដ្ឋនៅក្នុងមូលដ្ឋានរបស់ខ្លួន ដើម្បីស្វែងយល់អំពីជីវភាពរស់នៅរបស់បងប្អូនប្រជាពលរដ្ឋ ជាពិសេសបងប្អូនប្រជាពលរដ្ឋដែលកំពុងតែមានជីវភាពខ្វះខាត ដើម្បីជួយឧបត្ថម្ភជាគ្រឿងឧបភោគបរិភោគដោយមិនទុកឱ្យបងប្អូនណាម្នាក់ ខ្វះខាតស្បៀងដោយមិនមានអាជ្ញាធរមិនបាននបានដឹងនោះទេ។ ឯកឧត្តមបានបញ្ជាក់បន្ថែមទៀតថា អំណោយសប្បុរសធម៌ទាំងនេះ គឺបានមកពីការជួយឧបត្ថម្ភពីសប្បុរសជននានា ទាំងក្នុងស្រុក និងក្រៅស្រុក ជាពិសេសបានមកពីការគៀងគរថវិកានៅក្នុងពិធីទិវា ៦ ឧសភា កាកបាទក្រហម អឌ្ឍចន្ទក្រហម។

ទន្ទឹមនឹងនោះដែរឯកឧត្តម ងួន រតនៈ បានលើកទឹកចិត្តដល់បងប្អូនប្រជាពលរដ្ឋទាំងអស់ សូមខិតខំប្រកបមុខរបរចិញ្ចឹមជីវិតបន្ថែមទៀត ដូចជា ការចិញ្ចឹមសត្វ ការដាំដំណាំរួមផ្សំជុំវិញផ្ទះ ដើម្បីរួមចំណែកកាត់បន្ថយការចំណាយប្រចាំថ្ងៃ។

ឆ្លៀតក្នុងឱកាសនោះដែរ ឯកឧត្តម ងួន រតនៈ បានអបអរសាទរជាមួយនឹងពុកម៉ែបងប្អូនប្រជាពលរដ្ឋ ចំនួន ៥ គ្រួសារ ដែលមានជីវភាពខ្វះខាត ដែលទទួលបានផ្ទះកាកបាទក្រហម ចំនួន ៥ខ្នង ព្រមទាំង អង្ករ ២៥គីឡូ មី ១កេស ទឹកត្រី ១យួរ ទឹកស៊ីអ៉ីវ ១យួរ ត្រីខ ១យួរ ធុងចម្រោះ ១ កន្ទេល ១ ឆ្នាំង ២ និងឃីតមួយកញ្ចប់ ចំណែកឯប្រជាពលរដ្ឋមានការខ្វះខាតទាំង ៧៥គ្រួសារ ក្នុងមួយគ្រួសារទទួលបាន អង្ករ ២៥គីឡូ មី ១កេស ទឹកត្រី ១យួរ ទឹកស៊ីអ៊ីវ ១យួរ ត្រីខ ១យួរ និងឃីតមួយកញ្ចប់៕

ព័ត៌មានគួរចាប់អារម្មណ៍

ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()

ព័ត៌មានគួរចាប់អារម្មណ៍

ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()

ព័ត៌មានគួរចាប់អារម្មណ៍

ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()

ព័ត៌មានគួរចាប់អារម្មណ៍

ឧត្តមសេនីយ៍ទោ ឡោ សុខា អញ្ជើញដឹកនាំកិច្ច​ប្រ​ជុំ​ត្រួតពិនិត្យការ​ងារ​ប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នង​ការដ្ឋាន​នគរបាលខេត្តមណ្ឌលគិរី ()

ព័ត៌មានគួរចាប់អារម្មណ៍

ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()

វីដែអូ

ចំនួនអ្នកទស្សនា

ថ្ងៃនេះ :
1563 នាក់
ម្សិលមិញ :
2159 នាក់
សប្តាហ៍នេះ :
10635 នាក់
ខែនេះ :
54749 នាក់
3 ខែនេះ :
129446 នាក់
សរុប :
1285567 នាក់