វ៉ាស៊ីនតោន ៖ មជ្ឈមណ្ឌលគ្រប់គ្រង និងការពារជំងឺឆ្លងអាមេរិក (CDC) បានឲ្យដឹង កាលពីថ្ងៃអង្គារថា សហរដ្ឋអាមេរិកនឹងផ្លាស់ប្តូររបៀបធ្វើតេស្តរកមេរោគកូវីដ១៩ ដោយតម្រូវឱ្យអ្នកដំណើរតាមផ្លូវអាកាសទាំងអស់ដែលចូលប្រទេសនេះ បង្ហាញពីលទ្ធផលធ្វើតេស្តអវិជ្ជមាន ដែលធ្វើឡើងក្នុងរយៈពេល១ថ្ងៃមុននឹងចាកចេញ ដើម្បីឆ្លើយតបទៅនឹងក្តីបារម្ភអំពីវីរុសកូវីដ១៩ ប្រភេទថ្មី Omicron ។ដោយបច្ចុប្បន្ននេះ អ្នកដំណើរតាមផ្លូវអាកាសទាំងអស់ ដែលបានចាក់វ៉ាក់សាំងត្រូវបង្ហាញលទ្ធផលតេស្តអវិជ្ជមានដែលទទួលបានក្នុងរយៈពេល៣ថ្ងៃ។ អ្នកដំណើរទាំងអស់ត្រូវតែចាំបាច់ចាក់វ៉ាក់សាំងឲ្យបានគ្រប់ដូសកំណត់ ទើបអនុញ្ញាតឲ្យចូលអាមេរិក។ អ្នកដំណើរដែលមិនទាន់ចាក់វ៉ាក់សាំងត្រូវតែទទួលបានលទ្ធផលអវិជ្ជមានក្នុងរយៈពេល ១ ថ្ងៃនៃការទៅដល់។មជ្ឈមណ្ឌលដដែល បានបន្តថា រដ្ឋាភិបាលអាមេរិកក៏កំពុងពិចារណាថាតើតម្រូវឲ្យអ្នកដំណើរត្រូវធ្វើតេស្តកូវីដ-១៩ក្នុងរយៈពេល ៣ ទៅ ៥ ថ្ងៃ បន្ទាប់ពីទៅដល់សហរដ្ឋអាមេរិកឬយ៉ាងណា។សូមជម្រាបថា ការរឹតបន្តឹងនេះគ្រោងនឹងចាប់ផ្ដើមឲ្យអនុវត្តន៍នៅថ្ងៃព្រហស្បតិ៍ស្អែកនេះ តែគេនៅមិនទាន់ដឹងថា វាមានប្រសិទ្ធភាពខ្លាំងប៉ុណ្ណានោះទេ៕
ព័ត៌មានគួរចាប់អារម្មណ៍
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
ព្រឹកនេះ សម្តេចធិបតី អញ្ជើញសំណេះសំណាលជាមួយមន្ត្រីរាជការ បុគ្គលិក កម្មករនិយោជិត បម្រើការងារនៅកំពង់ផែស្វយ័តក្រុងព្រះសីហនុ ()
សេរីភាពសារព័ត៌មាននៅកម្ពុជាមានលក្ខណៈល្អប្រសើរ ()
នៅកម្ពុជាមានអ្នកសារព័ត៌មានចំនួនប្រមាណ ១មុឺននាក់ដែលកំពុងប្រកបវិជ្ជាជីវៈ ()
សហព័ន្ធសហជីពកម្ពុជាការពារកូនខ្មែរ ជាសមាជិករបស់ សហភាពសហជីពមរតកជាតិកម្ពុជា សូមគោរពគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណនតេជោ ()
វីដែអូ
ចំនួនអ្នកទស្សនា