វ៉ាស៊ីនតោន ៖ អាជ្ញាធរនៅសហរដ្ឋអាមេរិកបានឲ្យដឹង កាលពីថ្ងៃអង្គារថា មានសិស្សម្នាក់បានបើកការបាញ់ប្រហារនៅក្នុងវិទ្យាល័យមួយកន្លែង នៅភាគខាងជើងនៃទីក្រុង Detroit រដ្ឋ Michigan ដោយបានសម្លាប់សិស្សចំនួន៣នាក់ និងមនុស្ស៨នាក់ផ្សេងទៀតបានរងរបួស រួមទាំងគ្រូបង្រៀនម្នាក់ផងដែរ។លោក Michael McCabe មន្ត្រីប៉ូលីសក្នុងតំបន់ Oakland បានប្រាប់ឲ្យដឹងថា សិស្ស ៣ នាក់ត្រូវបានសម្លាប់នៅក្នុងការបាញ់ប្រហារមួយ កាលពីរសៀលថ្ងៃអង្គារ នៅឯវិទ្យាល័យមួយកន្លែងក្នុងទីក្រុង Oxford ដែលជាសហគមន៍ជាយក្រុងតូចមួយដែលមានចម្ងាយ ៤៨ គីឡូម៉ែត្រ (៣០ ម៉ាយ) ពីទីក្រុង Detroit ។លោកបន្ត ជនសង្ស័យដែលជាសិស្សវិទ្យាល័យដែរនោះមានអាយុ១៥ឆ្នាំ ត្រូវបានចាប់ខ្លួនភ្លាមៗ ផងដែរ ក្រោយពេលកើតហេតុ។ ជនសង្ស័យបានធ្វើការបាញ់ជាច្រើនគ្រាប់ ដែលបណ្ដាលឲ្យមនុស្សជាច្រើននាក់បានរងរបួស និងឈានដល់ការសម្លាប់មនុស្ស ៣ នាក់ផងដែរ។ ទន្ទឹមនោះ ក្រុមមន្ត្រី ក៏បានដកហូតកាំភ្លើងខ្លីពាក់កណ្តាលស្វ័យប្រវត្តិ ១ ដើមពីជនសង្ស័យនោះ។សូមជម្រាបថា ក្នុងហេតុការណ៍បាញ់ប្រហារដ៏រន្ធត់នេះបានបណ្ដាលឲ្យមនុស្ស ៣ នាក់ស្លាប់ ដែលសុទ្ធតែជាសិស្សវិទ្យាល័យទាំងអស់ ហើយមានអាយុក្រោម២០ឆ្នាំ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា