ខេត្តបន្ទាយមានជ័យ ៖ នៅព្រឹកថ្ងៃទី១០ ខែធ្នូ ឆ្នាំ២០២១ ឯកឧត្ដម ឧបនាយករដ្ឋមន្ត្រី កែ គឹមយ៉ាន សមាជិកគណៈអចិន្រ្តៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តបន្ទាយមានជ័យ បានអញ្ជើញជាអធិបតីដឹកនាំកិច្ចប្រជុំឆ្លងលំដាប់លេខរៀងបេក្ខជនក្រុមប្រឹក្សាឃុំសង្កាត់អាណត្តិទី៥ឆ្នាំ២០២២ដែលមានការអញ្ជើញចូលរួមពីក្រុមការងារគណបក្សចុះមូលដ្ឋានពីថ្នាក់ជាតិ ខេត្ត ក្រុង ស្រុក ឃុំ សង្កាត់ នៅទីស្នាក់ការគណបក្សប្រជាជនកម្ពុជា ខេត្តបន្ទាយមានជ័យ។ក្នុងនាមក្រុមការងារគណបក្ស នាឱកាសនោះ ឯកឧត្ដម ឧបនាយករដ្ឋមន្ត្រី កែ គឹមយ៉ាន បានថ្លែងសាទរ និងកោតសរសើរដល់ក្រុមការងារគណបក្សគ្រប់ជាន់ថ្នាក់ដែលបានខិតខំប្រឹងប្រែងអនុវត្តន៍គោលនយោបាយ ផែនការ គណបក្ស ដែលថ្នាក់លើបានប្រគល់ឲ្យសំដៅបម្រើផលប្រយោជន៍ ការពារបាននូវសុខសន្តិភាព សណ្តាប់ធ្នាប់ ការអភិវឌ្ឍ លើកកម្ពស់ជីវភាពរស់នៅរបស់ប្រជាពលរដ្ឋ ចូលរួមទប់ស្កាត់រោគរាតត្បាតកូវីដ-១៩ និងបញ្ហាអសន្តិសុខមូលដ្ឋាននានា ពិសេសបញ្ហាគ្រឿងញៀន។ជាមួយគ្នានេះ ឯកឧត្តមឧបនាយករដ្ឋមន្រ្តី កែ គឹមយ៉ាន បានផ្តាំផ្ញើដល់អ្នកពាក់ព័ន្ធទាំងអស់សូមបន្តអនុវត្តន៍ការងារតាមគោលនយោបាយ និងផែនការដើម្បីចូលរួមថែរក្សា ការពារសន្តិភាព សាមគ្គីភាពផ្ទៃក្នុង មានចក្ខុវិស័យច្បាស់លាស់ក្នុងការអភិវឌ្ឍមូលដ្ឋាន ផ្តល់សេវាសាធារណៈឲ្យកាន់តែល្អប្រសើរ ដោះស្រាយបញ្ហានានាជូនប្រជាពលរដ្ឋ ពិសេសរៀបចំផែនការវិធានការឱ្យបានល្អឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំសង្កាត់នៅឆ្នាំ២០២២ បន្តការអភិវឌ្ឍមូលដ្ឋានឲ្យរីកចម្រើនទៅមុខបានឆាប់រហ័សនិងផ្សព្វផ្សាយឱ្យបានទូលំទូលាយនូវព័ត៌មាននយោបាយដល់ប្រជាពលរដ្ឋចៀសវាងការចាញ់បោកនូវព័ត៌មានយោបាយមិនពិតនានា ចេញពីជនអគតិមួយចំនួនតូចដែលតែងតែបង្កអសន្តិសុខនយោបាយដល់កម្ពុជា៕
ព័ត៌មានគួរចាប់អារម្មណ៍
រដ្ឋមន្រ្តីបរិស្ថាន៖ ការពង្រឹងការគ្រប់គ្រងធនធានធម្មជាតិនិងបរិស្ថានជាអាទិភាពក្នុងគោលនយោបាយរបស់រាជរដ្ឋាភិបាល ()
សម្តេចធិបតី ហ៊ុន ម៉ាណែត៖ អ្នកសារព័ត៌មានបើផ្សាយខុស ត្រូវហ៊ានកែសម្រួល ()
សម្តេចធិបតី អំពាវនាវអ្នកសារព័ត៌មាន កុំធ្វើអ្វីនាំឱ្យបាត់បង់ឥទ្ធិពល នៃអំណាចទី៤ ()
សម្តេចធិបតី អំពាវនាវដល់អ្នកសារព័ត៌មាន ទាំងអស់រួមគ្នាប្រឆាំងព័ត៌មានក្លែងក្លាយ «Fake News» ()
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
វីដែអូ
ចំនួនអ្នកទស្សនា