ខេត្តមណ្ឌលគិរី ៖ នាព្រឹកថ្ងៃទី១០ ខែធ្នូ ឆ្នាំ២០២១នេះ លោក សុន សារឿន ប្រធានមន្ទីរព័ត៌មានខេត្តមណ្ឌលគិរីអនុញ្ញាតឲ្យកញ្ញា ស្រី សុធាវី នាយិការអង្គការក្រុមការងារដោះស្រាយទំនាស់ (ACT) និងសហការី បានចូលជួបសំដែងការគួរសម និងពិភាក្សាការងារមួយចំនួន ដែលធ្វើឡើងនៅមន្ទីរព័ត៌មានខេត្តមណ្ឌលគិរី។កញ្ញា ស្រី សុធាវី នាយិការអង្គការក្រុមការងារដោះស្រាយទំនាស់ (ACT) បានលើកឡើងពីគោលបំណង ក្នុងការជួបពិភាក្សានាពេលនេះ គឺដើម្បីធ្វើការសហការជាមួយមន្ទីរព័ត៌មាន ផ្នែកonline និងការជ្រើសរើសក្រុមគោលដៅ ដើម្បីចូលរួមវគ្គបណ្តុះបណ្តាលស្តីពីសារព័ត៌មានសន្តិភាព និងអហិង្សាសម្រាប់គម្រោង ឆ្នាំ២០២២ និងឆ្នាំ២០២៤ នៅខេត្តមណ្ឌលគិរី នាដើមឆ្នាំ២០២២។កញ្ញា ស្រី សុធាវី បានបន្ថែមថា អង្គការក្រុមការងារដើម្បីដោះស្រាយទំនាស់ ជាអង្គការមិនមែនរដ្ឋាភិបាលក្នុងស្រុក បានធ្វើឡើងលើការងារអភិវឌ្ឍ និងពង្រឹងសមត្ថភាពស្ដីអំពីការកសាងសន្តិភាព និងការបំប្លែងទំនាស់។ ការរៀបចំវគ្គបណ្តុះបណ្តាលនេះ ១. ដើម្បីបង្កើនការយល់ដឹងពីសារព័ត៌មានសន្តិភាព ២. កាត់បន្ថយការសរសេរព័ត៌មានបែបហិង្សា ៣. ក្រមសីលធម៌វិជ្ជាជីវៈ និងច្បាប់អ្នកសារព័ត៌មាន។លោក សុន សារឿន ប្រធានមន្ទីរព័ត៌មានខេត្តមណ្ឌលគិរី បានធ្វើការគាំទ្រ ចំពោះការរៀបចំវគ្គបណ្តុះបណ្តាលស្តីពីសារព័ត៌មានសន្តិភាព និងអហិង្សា នៅក្នុងខេត្តមណ្ឌលគិរី នាពេលខាងមុខ។ ទន្ទឺមនោះលោកប្រធានមន្ទីរ ក៏បានណែនាំដល់អង្គការក្រុមការងារដោះស្រាយទំនាស់ ត្រូវសហការជាមួយរដ្ឋបាលខេត្ត និងអាជ្ញាធរពាក់ព័ន្ធ ដើម្បីឲ្យដំណើរការបើកវគ្គបណ្តុះបណ្តាលទទួលបានលទ្ធផលល្អប្រសើរ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា