ភ្នំពេញ ៖ នៅព្រឹកថ្ងៃទី១៧ ខែធ្នូ ឆ្នាំ២០២១ បន្ទាប់ពីបានអញ្ជើញទទួលជួបពិភាក្សាការងារជាមួយរដ្ឋមន្ត្រីការបរទេសថៃរួចហើយ សម្តេចអគ្គមហាសនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឲ្យ ឯកឧត្តម អ៊ឹមផាយ គីនដាវង្ស (Amphay Kindavong) ឯកអគ្គរដ្ឋទូតសាធារណរដ្ឋប្រជាធិបតេយ្យប្រជាមានិតឡាវ ប្រចាំនៅកម្ពុជា ចូលជួបសម្តែងការគួរសម និងជម្រាបលា ខណះដែលឯកឧត្តមត្រូវចប់អាណត្តិបេសកកម្មការទូតនៅព្រះរាជាណាចក្រកម្ពុជា។ឯកឧត្តម គីនដាវង្ស បានគោរពជម្រាបជូនសម្តេចតេជោថា ឯកឧត្តម បានមកបំពេញបេសកកម្មនៅកម្ពុជាជាង៣ឆ្នាំមកហើយ ហើយក្នុងរយៈពេលជាង៣ឆ្នាំនេះ ឯកឧត្តមសូមគោរពថ្លែងអំណរគុណជូនចំពោះសម្ដេចតេជោ ជូនចំពោះថ្នាក់ដឹកនាំកម្ពុជា ក៏ដូចជាប្រជាជនកម្ពុជាផងដែរ ដែលបានផ្ដល់នូវកិច្ចសហប្រតិបត្តិការយ៉ាងល្អ ធ្វើឲ្យឯកឧត្តមបានបំពេញបេសកកម្មកាទូតនៅកម្ពុជា ទទួលបានជោគជ័យ។ ឯកឧត្តម គីនដាវង្ស ក៏បានគោរពជម្រាបជូនសម្ដេចតេជោបន្ថែមថា រយៈពេលជាង ៣មកនេះ ឯកឧត្តមបានឃើញកម្ពុជា មានការអភិវឌ្ឍជាលំដាប់ ក្នុងន័យនេះ ឯកឧត្តម សូមគោរពសម្ដែងនូវការអបអរសាទរជូនចំពោះប្រជាជនកម្ពុជា រាជរដ្ឋាភិបាលកម្ពុជាជាពិសេស សម្តេចតេជោ ដែលបានដឹកនាំកម្ពុជា ឈានឆ្ពោះទៅកាន់ការអភិវឌ្ឍយ៉ាងឆាប់រហ័ស។ជាមួយគ្នានេះដែរ ឯកឧត្តម គីនដាវង្ស ក៏បានគោរពថ្លែងអំណរគុណចំពោះសម្តេចតេជោផងដែរ ដែលបានផ្ដល់ជាជំនួយដល់ប្រជាជន និងរដ្ឋាភិបាលឡាវ ជាវ៉ាក់សាំង ជារថយន្ត និងជាថវិកា រួមទាំងគ្រឿងបរិក្ខាផងដែរនាពេលកន្លងមកនេះ ។ ឯកឧត្តមមានប្រសាសន៍ថា ប្រជាជនឡាវ រដ្ឋាភិបាលឡាវ ពិតជាមានសេចក្ដីរីករាយ និងដឹងគុណជាអនេកប្បការផងដែរ។ ឯកឧត្តម គីនដាវង្ស ក៏បានគោរពថ្លែងអំណរគុណសម្ដេចតេជោជាថ្មី ហើយបានសំដែងការអបអរសាទរចំពោះចំណុចជោគជ័យដែលទទួលបានយ៉ាងត្រចះត្រចង់ពីកិច្ចប្រជុំអាស៊ានកន្លងមក និងជូនពរសម្ដេចតេជោ ឲ្យទទួលបានជោគជ័យយ៉ាងត្រចះត្រចង់ថែមទៀត ក្នុងការដឹកនាំធ្វើជាប្រធានអាស៊ាននៅឆ្នាំ ២០២២ ខាងមុខ។ជាការឆ្លើយតប សម្តេចតេជោ ហ៊ុន សែន បានថ្លែងអំណរគុណចំពោះ ឯកឧត្តម គីនដាវង្ស នូវពាក្យពេចន៍ដ៏ល្អ ហើយបានជម្រាបជូនឯកឧត្តមថា សម្ដេចសូមវាយតម្លៃខ្ពស់ចំពោះបេសកកម្មការទូតរបស់ ឯកឧត្តម គីនដាវង្ស នៅព្រះរាជាណាចក្រកម្ពុជា ដែលឯកឧត្តមបានធ្វើការយ៉ាងច្រើន ជាពិសេសចូលរួមចំណែកក្នុងការពង្រីក-ពង្រឹងចំណងមិត្តភាពរវាងប្រទេសទាំងពីរ, ពង្រឹង-ពង្រីកកិច្ចសហប្រតិបត្តិការរវាងប្រទេសទាំងពីរ ហើយចំពោះជំនួយដែលកម្ពុជា បានជូនដល់ប្រជាជន និងរដ្ឋាភិបាលឡាវនោះ សម្ដេចបានមានប្រសាសន៍ថា នេះគឺជាជំនួយជួយដល់បងប្អូននៅពេលដែលបងប្អូនកំពុងតែមានសេចក្ដីត្រូវការ។សម្ដេចតេជោ នាយករដ្ឋមន្ត្រី ក៏បានជូនពរដល់ឯកឧត្តម គីនដាវង្ស សូមទទួលបានជោគជ័យជាបន្តបន្ទាប់ទៀតក្នុងបេសកកម្មរបស់ឯកឧត្តម៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា