ភ្នំពេញ ៖ វេលាម៉ោង ៤៖៣០នាទីល្ងាចថ្ងៃច័ន្ទនេះ (ម៉ោងនៅកម្ពុជា) ក្រុមបាល់ទាត់ជម្រើសជាតិកម្ពុជា នឹងត្រូវជួបក្រុមជម្រើសជាតិម៉ាឡេស៊ី ដែលជាជំនួបដំបូងក្នុងពូល B នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Suzuki Cup 2020 នៅទឹកដីម្ចាស់ផ្ទះសិង្ហបុរី។នេះគឺជាជំនួបដ៏ជក់ចិត្ត ដែលអ្នកគាំទ្រកម្ពុជាកំពុងទន្ទឹងរង់ចាំ ហើយសង្ឃឹមថា កម្ពុជានឹងអាចធ្វើបាន ដូចកាលក្រុម U22 កម្ពុជា បានលត់ក្រុម U22 ម៉ាឡេស៊ី ៣-១ ឡើងទៅវគ្គពាក់កណ្ដាលផ្ដាច់ព្រ័ត្រជាប្រវត្តិសាស្ដ្រ កាលពីស៊ីហ្គេម ឆ្នាំ២០១៩ នៅហ្វីលីពីន ដ្បិតកីឡាករភាគច្រើនពេលនោះ ក៏ត្រូវបានកោះហៅចូលរួមការប្រកួតពានប្រចាំតំបន់ AFF Suzuki Cup ពេលនេះផងដែរ។គ្រូបង្វឹកក្រុមគោព្រៃកម្ពុជា លោក Ryu Hirose បានបង្ហាញសុទិដ្ឋិនិយមចំពោះកូនក្រុម ដោយរំពឹងពួកគេនឹងធ្វើបានល្អក្នុងជំនួប បើក ឆាកនេះ ។ គ្រូបង្វឹកជនជាតិជប៉ុនរូបនេះ និយាយថា «យើងរំពឹងថា កីឡាករទាំងយុវជន និងកីឡាករដែលមានបទពិសោធន៍ច្រើនពីការប្រកួតអន្ដរជាតិ នឹងបង្ហាញការលេងល្អ និងភាពស៊ីចង្វាក់គ្នាបានល្អសម្រាប់ការប្រកួតនេះ»។ដោយឡែក លោក Tan Cheng Hoe គ្រូបង្វឹកក្រុមជម្រើសជាតិម៉ាឡេស៊ី បានវាយតម្លៃខ្ពស់ ចំពោះក្រុមគោព្រៃកម្ពុជា ក្រោមការដឹកនាំរបស់អ្នកចាត់ការទូទៅក្រុមលោក Keisuke Honda និងគ្រូបង្វឹកលោក Ryu Hirose ជាមួយភាពរីកចម្រើនយ៉ាងឆាប់រហ័សក្នុងការលេងជាក្រុម ។ ដូច្នេះលោកថា ជំនួបលើកនេះ មិនងាយស្រួលសម្រាប់ម៉ាឡេស៊ីនោះទេ។បន្ទាប់ពីជួបម៉ាឡេស៊ីល្ងាចនេះ ក្រុមគោព្រៃកម្ពុជា នឹងបន្ដជួបក្រុមជម្រើសជាតិឥណ្ឌូនេស៊ី នាថ្ងៃទី០៩-ធ្នូ ជួបឡាវ នាថ្ងៃទី១៥-ធ្នូ និងចុងក្រោយត្រូវជួបក្រុមខ្លាំងវៀតណាម នាថ្ងៃទី១៩ ខែធ្នូខាងមុខ៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា