KNP

ថ្ងៃអង្គារ៍ ទី២១ ខែឧសភា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

រដ្ឋបាលខេត្តតាកែវ ទទួលអំណោយពីសាខាគយ និងរដ្ឋាករខេត្ត ដើម្បីចែកជូនពលរដ្ឋកំពុងមានជីវភាពខ្វះខាត និងពលរដ្ឋកំពុងធ្វើចត្តាឡីស័កតាមលំនៅឋាន គ្រប់បណ្ដាក្រុងស្រុក **|**

រដ្ឋបាលខេត្តតាកែវ ទទួលអំណោយពីសាខាគយ និងរដ្ឋាករខេត្ត ដើម្បីចែកជូនពលរដ្ឋកំពុងមានជីវភាពខ្វះខាត និងពលរដ្ឋកំពុងធ្វើចត្តាឡីស័កតាមលំនៅឋាន គ្រប់បណ្ដាក្រុងស្រុក

តាកែវ៖ រដ្ឋបាលខេត្តតាកែវ នៅរសៀលថ្ងៃទី២២ ខែមេសា ឆ្នាំ២០២១នេះ បានទទួលអំណោយជាទឹកសុទ្ធ១០០កេះ ទឹក្រូច៨០កេះ និងម៉ាស់ ២កេះធំ ស្មើនឹង ៥០០០ម៉ាស់ ពីសាខាគយ និងរដ្ឋាករខេត្តតាកែវ ។ ពិធីប្រគល់ និងទទួលនេះ បានធ្វើឡើងនៅបរិវេណ សាលាខេត្តតាកែវ ក្រោមវត្តមានចូលរួម ឯកឧត្តម អ៊ូច ភា អភិបាល នៃគណៈអភិបាល ខេត្តតាកែវ លោក កែវ វ៉ាន្នី ប្រធានសាខាគយ និងរដ្ឋករខេត្តតាកែវ ដើម្បីចូលរួមជាមួយរដ្ឋបាលខេត្ត ទុកចែកជូនពលរដ្ឋកំពុងមានជីវភាពខ្វះខាត ក៏ដូចជាពលរដ្ឋកំពុងធ្វើចត្តាឡី ស័កតាមលំនៅឋាន គ្រប់បណ្ដាក្រុងស្រុក អំឡុង ពេលជំងឺកូវីដ-១៩ កំពុងរាតត្បាតជាខ្លាំង។

ជាមួយគ្នានេះដែរ ឯកឧត្តម អ៊ូច ភា អភិបាលខេត្ត ក៏បានថ្លែងអំណរគុណយ៉ាង ជ្រោលជ្រៅ ចំពោះ លោក កែវ វ៉ាន្នី និងមន្រ្តីក្រោមឱវាទទាំងអស់ ដែលបានផ្តល់ជូនអំណោយ ជាគ្រឿងឧបភោគ បរិភោគទាំងនេះមករដ្ឋបាលខេត្ត ក្នុងស្ថានភាពដែលប្រទេសកម្ពុជា យើងកំពុងតែ ប្រយុទ្ធប្រឆាំង និងការពារទប់ស្កាត់ជំងឺកូវីដ១៩នេះ។ ក្នុងនាម តំណាងឱ្យរដ្ឋបាលខេត្ត និងខ្លួនខ្ញុំផ្ទាល់ ក៏សូមប្រសិទ្ធពរជ័យ បវរសួរស្តី ជួបតែសុខសុភមង្គល ទទួលបានជោគជ័យគ្រប់ភារកិច្ច និងមានសុខភាពល្អ សូមប្រកបដោយ ពុទ្ធពរទាំងបួន ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សម្ភារៈដែលបានប្រគល់ជូនរដ្ឋបាលខេត្តនាឱកាសនោះដែររួមមាន៖ ទឹកបរិសុទ្ធ១០០កេស ទឹកក្រូច ៨០កេស និងម៉ាស់២កេសធំស្មើនឹង៥០០០ម៉ាស់ ដើម្បីរួមចំណែកជាមួយរដ្ឋបាលខេត្តតាកែវ៕