ខេត្តបន្ទាយមានជ័យ ៖ ថវិកាចំនួន៤លានរៀល និងម៉ាសមួយចំនួនដែលជាអំណោយដ៏ថ្លៃថ្លារបស់ឯកឧត្តម ឧបនាយករដ្ឋមន្ត្រី កែ គឹមយ៉ាន តំណាងរាស្រ្ត ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ និងនិងលោកជំទាវ ឧកញ៉ា ហេម ចិត្តាមហាឧបាសិកាពុទ្ធសាសនូបត្ថម្ភ ម៉ៅ ម៉ាល័យ ត្រូវបានប្រគល់ជូនក្រុមការងារជួសជុលព្រះពន្លាជ័យបារាយណ៌មេបុណ្យ នៃប្រាសាទបន្ទាយឆ្មារ នៅថ្ងៃទី៩ ខែមេសា ឆ្នាំ២០២១នេះ។ ដែលពិធីប្រគល់-ទទួលអំណោយដ៏ថ្លៃថ្លានេះ ប្រព្រឹត្តទៅតាមរយ:ឯកឧត្តម ឧត្តមសេនីយ៍ឯក ឡាយ គឹមលី នាយកខុទ្ទកាល័យ ឯកឧត្ដមឧបនាយករដ្ឋមន្ត្រី និងជាអគ្គលេខាធិការរងអាជ្ញាធរជាតិប្រយុទ្ធប្រឆាំងគ្រឿងញៀន។សូមបញ្ជាក់ថា ប្រាសាទបន្ទាយឆ្មារត្រូវបានកសាងឡើងនៅចុងសតវត្សរ៍ទី១២ ដល់ដើមសតវត្សរ៍ទី១៣ ក្នុងរជ្ជកាលព្រះបាទជ័យវរ្ម័នទី៧ ដើម្បីឧទ្ទិសដល់បុត្រា និងមេទ័ព៤នាក់របស់ព្រះអង្គ ដែលបានពលីជិវិតក្នុងសមរភូមិប្រយុទ្ធជាមួយចាមនៅឆ្នាំ១១៧៧។ ប្រសាទបន្ទាយឆ្មារមានទីតាំងស្ថិតនៅភូមិបន្ទាយឆ្មារ ឃុំបន្ទាយឆ្មារ ស្រុកពួក ខេត្តបន្ទាយមានជ័យ ចម្ងាយប្រមាណជា៦០គីឡូម៉ែត្រ ពីទីរួមខេត្តបន្ទាយមានជ័យ ហើយប្រាសាទនេះត្រូវបោះបង់ចោលជាច្រេីនឆ្នាំ និងបានទទួលរងខ្ទេចខ្ទាំដោយសារសង្រ្គាម ធម្មជាតិ និងមនុស្ស ដែលធ្វេីឲ្យនិងតួប្រាង្គនៃប្រាសាទទាំងមូលដួលរាបដល់ដីស្ទេីរគ្មានសល់ ហេីយក្រោមគំនិតផ្តួចផ្តេីមរបស់ឯកឧត្តម ឧបនាយករដ្ឋមន្ត្រី កែ គឹមយ៉ាន និងលោកជំទាវម៉ៅ ម៉ាល័យ ប្រាសាទនេះត្រូវបានជួសជុលលម្អវិញជាបណ្តេីរៗ៕
ព័ត៌មានគួរចាប់អារម្មណ៍
រដ្ឋមន្រ្តី ឆាយ ឫទ្ធិសែន ដឹកនាំកិច្ចប្រជុំស្តីពីយុទ្ធសាស្ត្រផ្គត់ផ្គង់ទឹកស្អាត និងអនាម័យនៅជនបទ ដើម្បីកម្ពុជាឈានទៅសម្រេចឱ្យបាន១០០% នៅឆ្នាំ២០៣០ ()
សម្តេចតេជោ ជឿជាក់ថាព្រឹទ្ធសភានឹងដំណើរការល្អបន្ទាប់ពីសម្តេចជួបសន្ទនាជាមួយសមាជិកព្រឹទ្ធសភា មកពីគណបក្សឆន្ទៈខ្មែរ ()
កម្ពុជាអរគុណ សាធារណរដ្ឋកូរ៉េ ចំពោះកិច្ចសហការ យ៉ាងល្អលើវិស័យការងារ ()
ក្រសួងបរិស្ថានគ្រោងបង្កើតរបៀងគោលដៅលំហែបៃតងនៅក្នុងឧទ្យានជាតិព្រះជ័យវរ្ម័ន-នរោត្តម«ភ្នំគូលែន» ()
សម្តេចធិបតី៖ កិច្ចការពារជាតិ ត្រូវធ្វើជាប់ជាប្រចាំ ដែលទាមទារឲ្យយកចិត្តទុកដាក់ លើគុណភាពធនធានមនុស្ស ()
វីដែអូ
ចំនួនអ្នកទស្សនា