ថ្ងៃសុក្រ ទី១៨ ខែមិថុនា ឆ្នាំ២០២១
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
រដ្ឋបាលខេត្តមណ្ឌលគិរីទទួលអំណោយពីសប្បុរសជនដើម្បីចូលរួមចំណែកក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩
Fri,07 May 2021 (Time 06:41 PM)
ដោយ ៖ (ចំនួនអ្នកអាន: 43នាក់)

ខេត្តមណ្ឌលគិរី ៖ ឯកឧត្តម ស្វាយ សំអ៊ាង អភិបាលខេត្តមណ្ឌលគិរី និងលោក លោកស្រី អភិបាលរងខេត្ត បានអញ្ជើញទទួលអំណោយជាគ្រឿងឧបភោគបរិភោគពីលោក ម៉ុក រ៉ាវី និងលោកស្រី ឡាយ ស្រីពៅ ម្ចាស់ ឡុង ហេង ម៉ូតែល ដើម្បីចូលរួមចំណែក ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩ ដែលប្រព្រឹត្តទៅនៅសាលាខេត្តមណ្ឌលគិរី នារសៀលថ្ងៃទី០៦ ខែឧសភា ឆ្នាំ២០២១។

លោក ម៉ុក រ៉ាវី អនុប្រធានមន្ទីរអភិវឌ្ឍន៍ជនបទខេត្តមណ្ឌលគិរី និងជាម្ចាស់ ឡុង ហេង ម៉ូតែល បានឲ្យដឹងថា សម្ភារដែលផ្តល់ជូនរដ្ឋបាលខេត្តនាពេលនា រួមមាន៖ អង្ករ ៥បេ ស្មើនឹង ២៥០គីឡូក្រាម ទឹកសុទ្ធវិតាល់ ២០កេស ទឹកត្រី ៥យួរ និងទឹកស៊ីអ៊ីវ ៥យួរ ដើម្បីចូលរួមការងារសង្គមជាមួយរដ្ឋបាលខេត្ត និងរាជរដ្ឋាភិបាលកម្ពុជា។

ឯកឧត្តម ស្វាយ សំអ៊ាង អភិបាលខេត្ត បានថ្លែងអំណរគុណយ៉ាងជ្រាវជ្រៅចំពោះ លោក ម៉ុក រ៉ាវី និងលោកស្រី ឡាយ ស្រីពៅ ម្ចាស់ ឡុង ហេង ម៉ូតែល និងក្រុមគ្រួសារ ដែលបានចូលរួមឧបត្ថម្ភជាស្បៀង និងសម្ភារផ្សេងៗ ដល់រដ្ឋបាលខេត្ត ក្នុងការចូលរួមទប់ស្កាត់ ការពារ ការឆ្លងរីករាលដាលនៃជំងឺកូវីដ១៩ ចូលក្នុងសហគមន៍។ ឯកឧត្តម បញ្ជាក់ថា សម្ភារទាំងអស់នេះ នឹងជួយដោះស្រាយមួយចំណែក ក្នុងប្រើប្រាស់ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩ ជូនដល់កងកម្លាំងនៅតាមខ្សែបន្ទាត់ព្រំដែន ក៏ដូចជាកងកម្លាំងដែលឈរជើងនៅតាមព្រំប្រទល់រវាងខេត្ត និងខេត្ត ដើម្បីត្រួតពិនិត្យប្រជាពលរដ្ឋចេញ-ចូល ឆ្លងខេត្តផងដែរ។

ឯកឧត្តម អភិបាលខេត្តបានសូមប្រសិទ្ធិពរ បវរសួស្តីមហាប្រសើរ និងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

ព័ត៌មានគួរចាប់អារម្មណ៍

អភិបាលខេត្តប៉ៃលិន អញ្ជើញនាំយកនូវ ទេយ្យទាន និងបច្ច័យ ប្រគេនព្រះសង្ឃនៅវត្តរតនសោភ័ណ ()

ព័ត៌មានគួរចាប់អារម្មណ៍

រដ្ឋបាលស្រុកព្រៃនប់ជូនដំណឹងស្តីពីការចាក់វ៉ាក់សាំងបង្ការជំងឺកូវីដ-១៩ជូនប្រជាពលរដ្ឋក្នុងភូមិសាស្រ្តស្រុក ()

ព័ត៌មានគួរចាប់អារម្មណ៍

សាខាកាកបាទក្រហមកម្ពុជាខេត្តព្រះសីហនុបន្តទទួលអំណោយមនុស្សធម៌ពីសប្បុរសជនក្នុងឱកាសអបអរសាទរខួបទី១៥៨ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរីចុះសួរសុខទុក្ខ និងនាំស្បៀងចែកជូនពលរដ្ឋកំពុងជាប់នៅចំណុចបិទខ្ទប់ក្នុងក្រុងសែនមនោរម្យ ()

ព័ត៌មានគួរចាប់អារម្មណ៍

ឯកឧត្តម ស្វាយ សំអ៊ាង សូមគោរពទូលថ្វាយព្រះពរសម្តេចព្រះមហាក្សត្រី នាឱកាសពិធីចំរើនព្រះជន្មគម្រប់៨៥យាងចូល៨៦ព្រះវស្សា ()

វីដែអូ

ចំនួនអ្នកទស្សនា

ថ្ងៃនេះ :
76 នាក់
ម្សិលមិញ :
132 នាក់
សប្តាហ៍នេះ :
1217 នាក់
ខែនេះ :
4126 នាក់
3 ខែនេះ :
11483 នាក់
សរុប :
57114 នាក់