ថ្ងៃសុក្រ ទី១៨ ខែមិថុនា ឆ្នាំ២០២១
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
មន្ទីរការងារខេត្តមណ្ឌលគិរី ប្រារព្ធពិធីអបអរសាទរខួបអនុស្សាវរីយ៍លើកទី១៣៥ នៃទិវាពលកម្មអន្តរជាតិ
Fri,07 May 2021 (Time 06:45 PM)
ដោយ ៖ (ចំនួនអ្នកអាន: 47នាក់)

ខេត្តមណ្ឌលគិរី ៖ នៅព្រឹកថ្ងៃទី០៧ ខែឧសភា ឆ្នាំ២០២១នេះ មន្ទីរការងារ និងបណ្ដុះបណ្ដាលវិជ្ជាជីវៈខេត្តមណ្ឌលគិរី បានរៀបចំប្រារព្ធពិធីខួបអនុស្សាវរីយ៍លើកទី១៣៥នៃទិវាពលកម្មអន្តរជាតិថ្ងៃទី ១ ឧសភាឆ្នាំ ២០២១ ក្រោមអធិបតីភាពឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ឯកឧត្តម ណយ ស្រូន សមាជិកព្រឹទ្ធសភាភូមិភាគ ៨ លោក សាយ ម៉េងគីម អភិបាលរងនៃគណៈអភិបាលខេត្ត ដោយមានការអញ្ជើញចូលរួមពីលោកប្រធានមន្ទីរការងារនិងបណ្ដុះបណ្ដាលវិជ្ជាជីវៈខេត្ត លោកអភិបាលស្រុកអូររាំង តំណាងក្រុមហ៊ុនមេហ្គាហ្វឺស ព្រមទាំងមានកម្មករ-និយោជិត ចំនួន ៥០ នាក់ ដែលពិធីនេះធ្វើឡើងនៅក្នុងបរិវេណក្រុមហ៊ុនមេហ្គា ហ្វឺស ផ្លេនថេសិន ស្ថិតនៅក្នុងភូមិភូមិពូឡេះ ឃុំដាក់ដាំ ស្រុកអូររាំងខេត្តមណ្ឌលគិរី ។

លោក សាយ ម៉េងគីម អភិបាលរងខេត្ត បានសំដែងនូវក្ដីរីករាយដោយបានជួបសំណេះសំណាល សួរសុខទុក្ខបងប្អូនកម្មករ-និយោជិតនៅក្នុងក្រុមហ៊ុន ក្នុងឱកាសអបអរសាទរខួបអនុស្សាវរីយ៍លើកទី ១៣៥ នៃទិវាពលកម្មអន្តរជាតិ ១ឧសភាឆ្នាំ ២០២១ ក្រោមប្រធានបទ «សន្តិភាព សន្តិសុខ និងការងារ»។

លោកអភិបាលរងខេត្តបានវាយតម្លៃខ្ពស់និងកោតសរសើរដល់មន្ទីរការងារបណ្ដុះបណ្ដាលវិជ្ជាជីវៈដែលខិតខំប្រឹងប្រែងបំពេញការងារ និងជាពិសេសបានរៀបចំពិធីនេះឡើង ទោះឋិតក្នុងបរិបទនៃការរាលដាលជំងឺកូវីដ១៩ ដើម្បីរំលឹកដល់សមិទ្ធផលនានានៃវិស័យការងារដែលបានបង្កើតនូវបទដ្ឋានការងារសមស្របសម្រាប់កម្មករនិយោជិតដែលជាកម្លាំងស្នូលក្នុងការអភិវឌ្ឍប្រទេសជាតិ។ លោកក៏បាន កោតសរសើរដល់ថ្នាក់ដឹកនាំក្រុមហ៊ុនដែលបានជ្រើសរើសយកខេត្តមណ្ឌលគិរីក្នុងការវិនិយោគ និងបានផ្ដល់ការងារជាច្រើនដល់ប្រជាពលរដ្ឋនៅក្នុងតំបន់នេះ។

លោក សាយ ម៉េងគីម ក៏បានស្នើដល់តំណាងក្រុមហ៊ុន ត្រូវចូលរួមអនុវត្តតាមលិខិតបទដ្ឋាននានារបស់ក្រសួងការងារ និងបណ្ដុះបណ្ដាលវិជ្ជាជីវៈ ព្រមទាំងការអនុវត្តវិធានការរបស់រាជរដ្ឋាភិបាលក៏ដូចជាក្រសួងសុខាភិបាលក្នុងការពារការឆ្លងជំងឺកូវីដ១៩ ដល់កម្មករនិយោជិត។ ដោយឡែកកម្មករនិយោជិត ក៏ត្រូវខិតខំប្រឹងប្រែងបំពេញការងារតាមតួនាទីរបស់ខ្លួន ប្រកបដោយភាពស្មោះត្រង់និងការទទួលខុសត្រូវ និងត្រូវចូលរួមថែរក្សាអនាម័យ ជាពិសេសត្រូវអនុវត្តវិធានការ ៣ការពារ ៣កុំ ដើម្បីការពារខ្លួនពីការឆ្លងជំងឺកូវីដ១៩។

លោក ណយ ច័ន្ទតារា ប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្ត បានជម្រាបជូនអង្គពិធីថា តាមការធ្វើជំរឿនសហគ្រាសឆ្នាំ ២០២១ ខេត្តមណ្ឌលគិរី មានសហគ្រាសធុនតូចនិងមធ្យមចំនួន ១៧៣ សហគ្រាស ដែលផ្ដល់ការងារសរុបបានចំនួន ៤៤៩៤ នាក់ ស្រី ១៦៨៨នាក់ និង កម្មករនិយោជិតជនបរទេសសរុប ២៣១ នាក់ស្រី ៣៩ នាក់។ ក្រៅពីនេះមន្ទីរការងារនិងបណ្ដុះបណ្ដាលវិជ្ជាជីវៈខេត្ត បានបណ្ដុះបណ្ដាលដល់ប្រជាពលរដ្ឋទាំងពីរភេទសរុបចំនួន៣៣២នាក់ ស្រី២២២នាក់ លើមុខជំនាញចំនួន២១ ដើម្បីផ្ដល់ឱកាសការងារនិងមុខរបរដល់ប្រជាពលរដ្ឋ ក្នុងគោលបំណងលើកកំពស់ជីវភាពគ្រួសារ នឹងកាត់បន្ថយភាពក្រីក្រ។

ក្នុងឱកាសនោះដែរមន្ទីរការងារ និងបណ្ដុះបណ្ដាលវិជ្ជាជីវៈក៏បាននាំចេញនូវអំណោយមួយចំនួនចែកជូនដល់កម្មករនិយោជិតក្រុមហ៊ុនចំនួន៥០នាក់ ដោយក្នុងម្នាក់ៗទទួលបាន ៖ មី១កេស ម៉ាស់១ប្រអប់ ក្រម៉ា១ អាល់កុល១ដប និងថវិកា១ម៉ឺនរៀល៕

ព័ត៌មានគួរចាប់អារម្មណ៍

អភិបាលខេត្តប៉ៃលិន អញ្ជើញនាំយកនូវ ទេយ្យទាន និងបច្ច័យ ប្រគេនព្រះសង្ឃនៅវត្តរតនសោភ័ណ ()

ព័ត៌មានគួរចាប់អារម្មណ៍

រដ្ឋបាលស្រុកព្រៃនប់ជូនដំណឹងស្តីពីការចាក់វ៉ាក់សាំងបង្ការជំងឺកូវីដ-១៩ជូនប្រជាពលរដ្ឋក្នុងភូមិសាស្រ្តស្រុក ()

ព័ត៌មានគួរចាប់អារម្មណ៍

សាខាកាកបាទក្រហមកម្ពុជាខេត្តព្រះសីហនុបន្តទទួលអំណោយមនុស្សធម៌ពីសប្បុរសជនក្នុងឱកាសអបអរសាទរខួបទី១៥៨ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរីចុះសួរសុខទុក្ខ និងនាំស្បៀងចែកជូនពលរដ្ឋកំពុងជាប់នៅចំណុចបិទខ្ទប់ក្នុងក្រុងសែនមនោរម្យ ()

ព័ត៌មានគួរចាប់អារម្មណ៍

ឯកឧត្តម ស្វាយ សំអ៊ាង សូមគោរពទូលថ្វាយព្រះពរសម្តេចព្រះមហាក្សត្រី នាឱកាសពិធីចំរើនព្រះជន្មគម្រប់៨៥យាងចូល៨៦ព្រះវស្សា ()

វីដែអូ

ចំនួនអ្នកទស្សនា

ថ្ងៃនេះ :
54 នាក់
ម្សិលមិញ :
132 នាក់
សប្តាហ៍នេះ :
1195 នាក់
ខែនេះ :
4104 នាក់
3 ខែនេះ :
11461 នាក់
សរុប :
57092 នាក់