ថ្ងៃសុក្រ ទី១៨ ខែមិថុនា ឆ្នាំ២០២១
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
បណ្តាប្រទេសភាគច្រើន ក្នុងអាស៊ីអាគ្នេយ៍ មិនយល់ព្រមនឹងការលើកពេលការធ្វើម្ចាស់ផ្ទះស៊ីហ្គេម របស់វៀតណាម
Fri,11 June 2021 (Time 12:48 AM)
ដោយ ៖ (ចំនួនអ្នកអាន: 12នាក់)

ភ្នំពេញ ៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) បានបញ្ជាក់ថា ប្រទេសភាគច្រើនមិនគាំទ្រការចង់ពន្យារពេលរៀបចំព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២១ របស់ម្ចាស់ផ្ទះវៀតណាមឡើយ។ ការលើកឡើងនេះ ក្រោយបញ្ចប់កិច្ចប្រជុំបន្ទាន់មួយរបស់គណៈអចិន្ដ្រៃយ៍សហព័ន្ធកីឡាអាស៊ីអាគ្នេយ៍ ដែលធ្វើឡើងតាមប្រព័ន្ធ Zoom នៅរសៀលថ្ងៃទី០៩ ខែមិថុនានេះ។

កិច្ចប្រជុំបន្ទាន់ខាងលើរៀបចំឡើងបន្ទាប់ពីវៀតណាម បានជូនដំណឹងផ្លូវការដល់គណៈកម្មាធិការជាតិអូឡាំពិកគ្រប់ប្រទេស ដែលជាសមាជិកក្រុមប្រឹក្សាកីឡាអាស៊ីអាគ្នេយ៍ អំពីការចង់ពន្យារពេលរៀបចំការប្រកួតកីឡាស៊ីហ្គេម នាចុងឆ្នាំ២០២១ ដោយបានធ្វើការពិភាក្សាគ្នា ផ្លាស់ប្ដូរយោបល់គ្នា និងលើកឡើងនូវសេនារីយ៉ូមួយចំនួន តែពុំទាន់មានការសម្រេចណាមួយនោះទេ ស្របពេលសំឡេងភាគច្រើន មិនគាំទ្រការចង់លើកពេលរបស់វៀតណាមឡើយ។

ឯកឧត្តម អគ្គលេខាធិការបន្ថែមថា អ្វីជាលទ្ធផលរួម គឺអនុប្រធានគណៈកម្មាធិការជាតិ វៀតណាមនឹងលើកសំណើចំនួន៣ទៅកាន់រដ្ឋាភិបាលរបស់ខ្លួនរួមមាន ៖ សេនារីយោទី១- គឺគម្រោងការប្រកួតចាស់ដដែល ពីថ្ងៃទី២១ ខែវិច្ឆិកា ដល់ថ្ងៃទី០២ ខែធ្នូ ឆ្នាំ២០២១។ សេនារីយោទី២-គឺអាចពន្យារពេលរហូតដល់ខែឧសភា-មិថុនា ឬខែកក្កដា ឆ្នាំ២០២២។ សេនារីយោទី៣-គឺអាចពន្យារពេលវែង ដែលបន្ទាប់ពីស៊ីហ្គេម ឆ្នាំ២០២៣ នៅកម្ពុជា គឺនៅឆ្នាំ២០២៥ ដែលដល់វេនប្រទេសថៃធ្វើម្ចាស់ផ្ទះ ឬស៊ីហ្គេម ឆ្នាំ២០២៧ ដល់វេនធ្វើម្ចាស់ផ្ទះរបស់ប្រទេសព្រុយណេ ដោយវៀតណាមអាចស្នើសុំធ្វើម្ចាស់ផ្ទះ ក្នុងចន្លោះពីរលើកនេះ ហើយសំខាន់គឺម្ចាស់ផ្ទះទាំងពីរនេះព្រមផ្តល់សិទ្ធិឱ្យវៀតណាម ឬអត់?។ នេះជាការស្ទាបស្ទង់កម្រិតជំនាញប៉ុណ្ណោះ មិនទាន់ឈានដល់កម្រិតការសម្រេចនយោបាយនៅឡើយទេ។

គណៈកម្មាធិការជាតិ អូឡាំពិកកម្ពុជា (NOCC) បានចូលរួមកិច្ចប្រជុំ តាមប្រព័ន្ធអនឡាញ កាលពី ថ្ងៃទី០៩ ខែមិថុនា ឆ្នាំ២០២១ ជាមួយ គណៈអចិន្ត្រៃយ៍ នៃសហព័ន្ធកីឡា អាស៊ីអាគ្នេយ៍ ស្តីពី ការចង់ស្នើសុំពន្យារពេល នៃព្រឹត្តិការណ៍ កីឡាស៊ីហ្គេម លើកទី៣១ ចុងឆ្នាំ២០២១ លើកទៅឆ្នាំ២០២២ ឬលើកពេលរយៈពេលវែង របស់ម្ចាស់ផ្ទះ ស៊ីហ្គេម វៀតណាម។ ប៉ុន្តែបណ្តាប្រទេស ភាគច្រើនមិនយល់ព្រម នោះទេ ដោយសារ ការលើកពេលនេះ នឹងជះឥទ្ធិពលយ៉ាងច្រើន។

បណ្តាប្រទេសទាំងនោះ បានលើកហេតុផល អំពីការប៉ះពាល់យ៉ាងច្រើនអំពីការត្រៀមរៀបចំ របស់ខ្លួន ជាពិសេស គឺនឹងធ្វើឱ្យរងផលប៉ះពាល់ ទៅលើគម្រោងថវិការជាតិរបស់គេនីមួយៗ។ ពីព្រោះគម្រោងថវិកា ដែលចំណាយគឺត្រៀមចូលរួម ប្រកួតស៊ីហ្គេម សម្រាប់ឆ្នាំ២០២១ ខណៈគម្រោងថវិកាសម្រាប់ឆ្នាំ២០២២ គឺសម្រាប់គម្រោងលើព្រឹត្តិការណ៍ប្រកួតអន្តរជាតិផ្សេងៗទៀត ដូចជា កីឡាអាស៊ី កីឡាអូឡាំពិករដូវរងារ ឬសម្រាប់ហ្គេមផ្សេងៗទៀតប៉ុណ្ណោះ។ ដូច្នេះមាន ៦ទៅ៧ប្រទេសហើយដែលជាសំឡេងភាគច្រើនមិនគាំទ្រ ដោយមានការលំបាកខ្លាំង ប្រសិនបើម្ចាស់ផ្ទះវៀតណាម លើកពេលពីឆ្នាំ២០២១ទៅឆ្នាំ២០២២វិញនោះ»។

ឯកឧត្តម អគ្គលេខាធិការ បន្ថែមថា អ្វីជាលទ្ធផលរួម គឺអនុប្រធានគណៈកម្មាធិការជាតិ វៀតណាមនឹងលើកសំណើរចំនួន៣ ទៅកាន់រដ្ឋាភិបាល របស់ខ្លួនដោយ សេនារីយោទី១- គឺគម្រោងការប្រកួតចាស់ដដែល ពីថ្ងៃទី២១ ខែវិច្ឆិកា ដល់ថ្ងៃទី០២ ខែធ្នូ ឆ្នាំ២០២១។ សេនារីយោទី២-គឺអាចពន្យារពេលរហូតដល់ខែឧសភា-មិថុនា ឬខែកក្កដា ឆ្នាំ២០២២ ។ សេនារីយោទី៣-គឺអាចពន្យារពេលវែង ដែលបន្ទាប់ពីស៊ីហ្គេម ឆ្នាំ២០២៣ នៅកម្ពុជា គឺនៅឆ្នាំ២០២៥ ដែលដល់វេនប្រទេសថៃធ្វើម្ចាស់ផ្ទះ ឬស៊ីហ្គេម ឆ្នាំ២០២៧ ដល់វេនធ្វើម្ចាស់ផ្ទះរបស់ប្រទេសព្រុយណេ ដោយវៀតណាមអាចស្នើសុំធ្វើម្ចាស់ផ្ទះ ក្នុងចន្លោះពីរលើកនេះ ហើយសំខាន់គឺម្ចាស់ផ្ទះទាំងពីរនេះព្រមផ្តល់សិទ្ធិឱ្យវៀតណាម ឬអត់?។

ឯកឧត្តមសង្កត់ធ្ងន់ថា នេះជាការស្ទាបស្ទង់កម្រិតជំនាញប៉ុណ្ណោះ មិនទាន់ឈានដល់កម្រិតការសម្រេចនយោបាយនៅឡើយទេ។ ដោយកម្រិតនយោបាយនេះ ដល់ក្រុមប្រឹក្សាកីឡាអាស៊ីអាគ្នេយ៍ ដែលបញ្ហាលើកពេលរបស់ម្ចាស់ផ្ទះវៀតណាម នឹងត្រូវបើកកិច្ចប្រជុំមួយទៀត នៅ២សប្តាហ៍បន្ទាប់ ពោលគឺនៅថ្ងៃទី២៤ ខែមិថុនា ឆ្នាំ២០២១ នឹងមានកិច្ចប្រជុំចុងក្រោយមួយ ថាតើការជ្រើសរើសរបស់រដ្ឋាភិបាលវៀតណាម ក្នុងសេនារីយោណាមួយ ក្នុងចំណោមសេនារីយោ៣នេះ ហើយគណៈកម្មាធិការជាតិអូឡាំពិក ទាំងអស់ ជាសមាជិកនៃក្រុមប្រឹក្សាកីឡាអាស៊ីអាគ្នេយ៍ សម្រេចយកឬក៏អត់?៕

ព័ត៌មានគួរចាប់អារម្មណ៍

អភិបាលខេត្តប៉ៃលិន អញ្ជើញនាំយកនូវ ទេយ្យទាន និងបច្ច័យ ប្រគេនព្រះសង្ឃនៅវត្តរតនសោភ័ណ ()

ព័ត៌មានគួរចាប់អារម្មណ៍

រដ្ឋបាលស្រុកព្រៃនប់ជូនដំណឹងស្តីពីការចាក់វ៉ាក់សាំងបង្ការជំងឺកូវីដ-១៩ជូនប្រជាពលរដ្ឋក្នុងភូមិសាស្រ្តស្រុក ()

ព័ត៌មានគួរចាប់អារម្មណ៍

សាខាកាកបាទក្រហមកម្ពុជាខេត្តព្រះសីហនុបន្តទទួលអំណោយមនុស្សធម៌ពីសប្បុរសជនក្នុងឱកាសអបអរសាទរខួបទី១៥៨ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរីចុះសួរសុខទុក្ខ និងនាំស្បៀងចែកជូនពលរដ្ឋកំពុងជាប់នៅចំណុចបិទខ្ទប់ក្នុងក្រុងសែនមនោរម្យ ()

ព័ត៌មានគួរចាប់អារម្មណ៍

ឯកឧត្តម ស្វាយ សំអ៊ាង សូមគោរពទូលថ្វាយព្រះពរសម្តេចព្រះមហាក្សត្រី នាឱកាសពិធីចំរើនព្រះជន្មគម្រប់៨៥យាងចូល៨៦ព្រះវស្សា ()

វីដែអូ

ចំនួនអ្នកទស្សនា

ថ្ងៃនេះ :
33 នាក់
ម្សិលមិញ :
132 នាក់
សប្តាហ៍នេះ :
1174 នាក់
ខែនេះ :
4083 នាក់
3 ខែនេះ :
11440 នាក់
សរុប :
57071 នាក់