ខេត្តស្វាយរៀង ៖ លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀង នៅរសៀលថ្ងៃទី១០ ខែមិថុនា ឆ្នាំ២០២១នេះ បានថ្លែងប្រាប់ក្រុមអ្នកសារព័ត៌មានយើងដឹងថា ៖ ស្ថានភាពជំងឺកូវីដ-១៩នៅខេត្តស្វាយរៀង នាបច្ចុប្បន្ននេះមិនទាន់ថមថយនៅឡើយនោះទេ ខណៈដែលក្រុមការងារនៅតែបន្តរកឃើញវិជ្ជមានជំងឺកូវីដ-១៩នៅក្នុងសហគមន៍ និងនៅតាមរោងចក្រ។ ប៉ុន្តែលោកវេជ្ជបណ្ឌិតមាន ប្រសាសន៍ថា មន្ទីរសុខាភិបាលខេត្តនឹងសហការជាមួយអាជ្ញាធរខេត្ត និងភាគីពាក់ព័ន្ធទប់ស្កាត់ ប្រយុទ្ធប្រឆាំងនឹងជំងឺកូវីដ-១៩ បំបាត់ឱ្យអស់ចេញពីខេត្តស្វាយរៀង។លោកវេជ្ជបណ្ឌិតបានបន្ថែមទៀតថា ជំងឺកូវីដ-១៩ នៅសហគមន៍ និងរោងចក្រសហគ្រាស មិនទាន់បានថមថយនោះមូលហេតុ ៖ ទី១ .ក្រុមកម្មករ កម្មការិនីរោងចក្រមិនព្រមយកសំណាកនៅតាមរោងចក្រ និងមិនព្រមធ្វើចត្តាឡីស័កនៅក្នុងរោងចក្រ ពួកគាត់ទៅផ្ទះចម្លងជំងឺកូវីដ-១៩ចូលក្នុងសហគមន៍។ ទី២. មិនរក្សាគម្លាតក្នុងពេលធ្វើដំណើរទៅរោងចក្រសហគ្រាស ដោយមានការប្រមូលផ្ដុំគ្នាជិះរថយន្តរួមគ្នាច្រើន។ ទី៣ .ពលករមួយចំនួនត្រឡប់មកពីប្រទេសថៃ យកជំងឺកូវីដ-១៩ មកជាមួយ និងទី ៤ .ការមិនគោរពតាមវិធានការសុខាភិបាល និងវិធានការ ៣ការពារ ៣កុំ របស់សម្តេចតេជោ ហ៊ុន សែន ។ល។សូមជម្រាបថា យោងរបាយការណ៍បង្ហាញថា គិតត្រឹមថ្ងៃទី៩ ខែមិថុនា ឆ្នាំ២០២១ នៅក្នុងព្រឹតិ្តការណ៍សហគមន៍ ២០កុម្ភៈ ខេត្តស្វាយរៀងមានប្រជាពលរដ្ឋខ្មែរ និងជនបរទេសបានឆ្លងជំងឺកូវីដ-១៩ មានចំនួន១១៧៤នាក់ ស្រី៦៧៦នាក់ ស្លាប់ចំនួន៧នាក់ ព្យាបាលជាសះស្បើយចំនួន៧៣៦នាក់ ស្រី ៤១០នាក់ និងកំពុងធ្វើការព្យាបាលចំនួន៤៣0នាក់ ស្រី២៦៤នាក់៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា