ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ថ្នាក់ដឹកនាំខេត្តមណ្ឌលគិរីទទួលគ្រឿងឧបភោគបរិភោគពីវត្តព្រះពុទ្ធមណ្ឌលគិរី
Sat,19 June 2021 (Time 09:10 AM)
ដោយ ៖ (ចំនួនអ្នកអាន: 414នាក់)

ខេត្តមណ្ឌលគិរី ៖ នារសៀលថ្ងៃទី ១៧ ខែមិថុនា ឆ្នាំ២០២១នេះ លោក សាយ ម៉េងគីម អភិបាលរងខេត្តតំណាងដ៏ខ្ពង់ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី អមដំណើរដោយ លោក នាង វណ្ណៈ នាយកទីចាត់ការរដ្ឋបាលសាលាខេត្ត បានអញ្ជើញទទួលនូវគ្រឿងឧបភោគ បរិភោគ នៅវត្តព្រះពុទ្ធមណ្ឌលគិរីតាមរយះ ព្រះញាណរង្សី ឈិន ហន ព្រះរាជាគណៈថ្នាក់ត្រី និងជាព្រះគិរីមណ្ឌលមេធា ព្រះមេគុណគណៈធម្មយុត្តិកនិកាយ ខេត្តមណ្ឌលគិរី ព្រមទាំងមន្រ្តីសង្ឃគណៈធម្មយុត្តិទូទាំងខេត្តមណ្ឌលគិរី បានឧបត្ថម្ភដល់រដ្ឋបាលមណ្ឌលគិរី ក្នុងកំឡុងកូវីដ១៩។

នាឱកាសនោះ លោក សាយ ម៉េងគីម អភិបាលរងខេត្តមណ្ឌលគិរី បានថ្លែងអំណរគុណដល់ ព្រះញាណរង្សី ឈិន ហន ព្រះរាជាគណៈថ្នាក់ត្រី និងជាព្រះគិរីមណ្ឌលមេធា ព្រះមេគុណគណៈធម្មយុត្តិកនិកាយ ខេត្តមណ្ឌលគិរី ព្រមទាំងមន្រ្តីសង្ឃគណៈធម្មយុត្តិទូទាំងខេត្តមណ្ឌលគិរី ដែលបានចូលរួមចំណែកជាមួយរដ្ឋបាលខេត្តមណ្ឌលគិរី ក៏ដូចជារាជរដ្ឋាភិបាលកម្ពុជា តាមរយៈការឧបត្ថម្ភនូវគ្រឿងឧបភោគបរិភោគ និងសម្ភារមួយចំនួនទៀត ក្នុងការប្រយុទ្ធនឹងជំងឺកូវីដ១៩។

លោកអភិបាលរងខេត្តបានបន្តថា អំណោយទាំងនេះ រដ្ឋបាលខេត្តនឹងយកទៅប្រើប្រាស់ ចាត់វិធានការប្រយុទ្ធនឹងជំងឺកូវីដ១៩ នៅក្នុងខេត្តមណ្ឌលគិរី ដែលកំពុងមានតម្រូវការចាំបាច់ សម្រាប់មន្រ្តីជំនាញ និងសមត្ថកិច្ច ដែលកំពុងឈរជើងនៅតាមតំបន់បិទខ្ទប់មួយចំនួន ក្នុងក្រុងសែនមនោរម្យ បន្ទាប់ពីរកឃើញករណីស្លាប់ ១នាក់ និងមានវិជ្ជមានជំងឺកូវីដ១៩ ជាច្រើននាក់ ដែលពាក់ព័ន្ធនឹងព្រឹត្តិការសហគមន៍ ២០ កុម្ភៈ ។ ម្យ៉ាងទៀត ដើម្បីចែកជូនបងប្អូនពលរដ្ឋរស់នៅក្នុងតំបន់បិទខ្ទប់ អ្នកធ្វើចត្តាឡីស័ក និងអ្នកមានវិជ្ចមានជំងឺកូវីដ១៩ ដែលកំពុងសម្រាក់ព្យាបាល។

នាឱកាសនោះដែរ ព្រះញាណរង្សី ឈិន ហន ព្រះរាជាគណៈថ្នាក់ត្រី និងជាព្រះគិរីមណ្ឌលមេធា ព្រះមេគុណគណៈធម្មយុត្តិកនិកាយ ខេត្តមណ្ឌលគិរី បានប្រសិទ្ធិពរជ័យសិរីសួស្ដី ជូនដល់ថ្នាក់ដឹកនាំខេត្ត ក៏ដូចសមាជិក សមាជិកា រាជរដ្ឋាភិបាលកម្ពុជាគ្រប់លំដាប់ថ្នាក់ ព្រមទាំងប្រជាពលរដ្ឋនៅក្នុងប្រទេសកម្ពុជា សូមឱ្យមានសុខភាពល្អ ឈ្នះអស់មារសត្រូវ មានជ័យជំនះគ្រប់ភារកិច្ច និងសមប្រកបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមឲ្យជៀសផុតពីជំងឺកូវីដ១៩ ទាំងអស់គ្នា៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
2177 នាក់
ម្សិលមិញ :
1033 នាក់
សប្តាហ៍នេះ :
5970 នាក់
ខែនេះ :
29428 នាក់
3 ខែនេះ :
113716 នាក់
សរុប :
1095145 នាក់