ខេត្តក្រចេះ ៖ នារសៀលថ្ងៃសុក្រ ១១កើត ខែបឋមាសឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៨ ខែមិថុនា ឆ្នាំ២០២១ ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ បានអញ្ជើញចូលរួមប្រជុំ គណៈអចិន្រ្តៃ ស.ស.យ.កទូទាំងរាជធានីខេត្តក្រោមអធិបតីភាពឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ស្តីពីវឌ្ឍនភាព ពិនិត្យ ពិភាក្សា និងសម្រេចលើសកម្មភាពការងារដែលសម្រេចបានក្នុងរយៈពេលកន្លងទៅ និងលើកទិសដៅការងារបន្តសម្រាប់សហភាពសហព័ន្ធយុវជនកម្ពុជា (ស.ស.យ.ក) ដែលប្រព្រឹត្តទៅតាមប្រព័ន្ធ ZOOM។ក្នុងកិច្ចនោះដែរ ឯកឧត្តម ហ៊ុន ម៉ានី បានធ្វើការផ្តាំផ្ញើលើកទឹកចិត្តដល់សមាជិក សមាជិកាគ្រប់រូប សូមបន្តចូលរួមអនុវត្តន៍តាមការណែនាំរបស់ក្រសួងសុខាភិបាល និងវិធានការ ៣កុំ ៣ការពារ ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ១៩។ឆ្លៀតក្នុងឱកាសនេះផងដែរ ឯកឧត្តមក៏បានថ្លែងអំណរគុណ និងកោតសរសើរដល់ សមាជិក សមាជិកាទាំងអស់នៃក្រុមគ្រួសារសហភាពសហព័ន្ធយុវជនកម្ពុជាទូទាំងប្រទេស ជាពិសេស ក្រុមគ្រូពេទ្យស្ម័គ្រចិត្តនៃ សម្ព័ន្ធគ្រូពេទ្យស.ស.យ.ក. និងក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលកំពុងមមាញឹក សស្រាក់សស្រាំក្នុងការចូលរួមប្រយុទ្ធនឹងជំងឺកូវីដ ១៩ ដ៏កាចសាហាវមួយនេះ ក៏ដូចជាក្នុងយុទ្ធនាការចាក់វ៉ាក់សាំងជូនបងប្អូនប្រជាពលរដ្ឋ។ជាថ្មីម្តងទៀត ស.ស.យ.ក. ប្តេជ្ញាត្រៀមខ្លួននៅជាប់ជានិច្ចជាមួយប្រជាពលរដ្ឋ និងរាជរដ្ឋាភិបាលដើម្បីត្រៀមផ្តល់ជំនួយនានា និងបន្តគៀរគររកជំនួយឧបត្ថម្ភគ្រប់បែបយ៉ាង ចូលរួមក្នុងការប្រយុទ្ធនឹងការឆ្លងរាលដាលនៃជំងឺកូវីដ ១៩ ដ៏កាចសាហាវនេះ៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា