ខេត្តស្វាយរៀង ៖ រដ្ឋបាលខេត្តស្វាយរៀងពិតជាមានក្តីរន្ធត់ សោកស្តាយ និងចូលរួមរំលែកមរណទុក្ខដ៏ក្រៀមក្រំជាមួយគ្រួសារសព ឧបាសិកា យស់ ស៊ាន ដែលបានទទួលមរណភាពដោយសារជំងឺកូវីដ១៩កាលពីថ្ងៃទី១៩ ខែមិថុនា ឆ្នាំ២០២១ វេលាម៉ោង៤ ៖ ២០នាទីទៀបភ្លឺដោយសារ ជំងឺរ៉ាំរ៉ៃ ជរាពាធ និងមានវិជ្ជមានកូវីដ-១៩ក្នុងជន្មាយុ៧៧។

មរណភាពរបស់ឧបាសិកា យស់ ស៊ាន ជាការបាត់បង់នូវ ម្តាយម្តាយក្មេក ជីដូន សាច់ញាតិជាទីគោរពស្រឡាញ់ និងសូមបួងសួងដួងវិញ្ញាណក្ខន្ធដែលបានស្លាប់បាត់បង់ដោយសារជំងឺកូវីដ-១៩ឆាប់បានចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ។

គួររំលឹកផងដែរថា ស្ត្រីឈ្មោះ យស់ ស៊ាន អាយុ៧៧ឆ្នាំ រស់នៅភូមិក្រសាំងជ្រំ ឃុំគ្រួស ស្រុកស្វាយជ្រំ ខេត្តស្វាយរៀងបានទទួលមរណភាពកាលពីថ្ងៃទី១៩ ខែមិថុនា ឆ្នាំ២០២១ នៅវេលាម៉ោង៤ ៖ ២០នាទីទៀបភ្លឺនៅគេហដ្ឋានរបស់ខ្លួន ហើយត្រូវបានក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវី-១៩។ ខេត្តបានសហការជាមួយក្រុមឆ្លើយតបបន្ទាន់បានធ្វើកោសល្យវិច្ឆ័យយកវត្ថុវិភាគសំណាកតាមរយៈធ្វើតេស្តរហ័សលទ្ធផលវិជ្ជមានកូវីដ-១៩។

តាមការសន្និដ្ឋានរបសក្រុមគ្រូពេទ្យ ស្ត្រីខាងលើទទួលមរណភាពដោយសារ ជំងឺរ៉ាំរ៉ៃ ជរាពាធ និងមានជំងឺកូវីដ-១៩។

ជាមួយគ្នានេះ រដ្ឋបាលខេត្តស្វាយរៀងសូមអំពាវនាវដល់អ្នកដែលបានប្រាស្រ័យទាក់ទង ប៉ះពាល់ដោយផ្ទាល់ឬប្រយោល ជាមួយបុគ្គលវិជ្ជមានកូវីដ១៩ ទាំង៤៣នាក់ខាងលើសូមដាក់ខ្លួនដាច់ដោយឡែកតាមដានសុខភាព រយៈពេល១៤ថ្ងៃ ហើយប្រសិនមានអាការខុសប្រក្រតី ដូចជា ក្តៅខ្លួន ក្អក កណ្តាស់ ឈឺបំពង់ក ពិបាកដកដង្ហើម សូមផ្តល់ព័ត៌មានទៅអាជ្ញាធរមូលដ្ឋាននិងរួសរាន់ទៅយកវត្ថុវិភាគសំណាកឬទាក់ទងមកកាន់លេខទូរស័ព្ទ ០៩៧ ៥០៣ ៤៥៦៧/០៤៤៧១២៥២២និងសូមឲ្យបងប្អូនប្រជាពលរដ្ឋចូលរួមអនុវត្តឲ្យខ្ចាប់ខ្ជួននូវវិធាការការពារតាមណែនាំរបស់ក្រសួងសុខាភិបាលនិងវិធានការទប់ស្តាត់ការពារជំងឺកូវីដ-១៩«៣ ការពារ ៣ កុំ»ស្របតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី៕