នាព្រឹកថ្ងៃចន្ទទី២១ ខែមិថុនា ឆ្នាំ២០២១នេះ នៅសាលប្រជុំនន្ទី អគារ ខ សាលាខេត្ក ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង និងជាប្រធានគណៈកម្មការប្រយុទ្ធប្រឆាំងនឹងជំងឺកូវីដ-១៩ ខេត្ត បានអញ្ជើញដឹកនាំកិច្ចប្រជុំពង្រឹងវិធានការទប់ស្កាត់ការឆ្លងរីករាលដាល នៃជំងឺកូវីដ-១៩ ក្នុងខេត្តស្វាយរៀង។ អញ្ជើញចូលរួមក្នុងកិច្ចប្រជុំនេះរួមមាន ឯកឧត្តមអភិបាលរងខេត្ត លោកនាយករដ្ឋបាលសាលាខេត្ត លោកស្នងការនគរបាលខេត្ត លោកមេបញ្ជាការរងកងរាជអាវុធហត្ថខេត្ត លោកប្រធានមន្ទីរសុខាភិបាល នៃរដ្ឋបាលខេត្ត លោកប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត លោកអភិបាលក្រុង ស្រុកទាំង៨ និងមន្ត្រីពាក់ព័ន្ធមួយចំនួនទៀត។ ក្នុងកិច្ចប្រជុំនេះបានពិភាក្សា និងប្រមូលបាននូវធាតុចូលសំខាន់ៗមួយចំនួន សម្រាប់គាំទ្រដល់ការអនុវត្តវិធានការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ-១៩ ក្នុងភូមិសាស្ត្រខេត្តស្វាយរៀង ទាំងក្នុងវិធានការបង្ការការពារ វិធានការអប់រំផ្សព្វផ្សាយ វិធានការព្យាបាល វិធានការស្រាវជ្រាវរកអ្នកប៉ះពាល់ជាមួយអ្នកជំងឺកូវីដ-១៩ ជាពិសេសកិច្ចការពង្រឹងវិធានការចត្តាឡីស័កចំពោះរាល់អ្នកពាក់ព័ន្ធនឹង អ្នកជំងឺកូវីដ-១៩ ទាំងការធ្វើចត្តាឡីស័កនៅតាមមណ្ឌល និងការធ្វើចត្តាឡីស័កនៅតាមផ្ទះ ឲ្យបានម៉ឺងម៉ាត់ និងគត់ម៉ត់បំផុត ទន្ទឹមនេះ កិច្ចប្រជុំក៏បានសម្រេចឲ្យមានការរៀបចំបន្ថែមទៀតនូវ មណ្ឌលចត្តាឡីស័កថ្នាក់ក្រុង ស្រុកនៅតាមមូលដ្ឋាន ដើម្បីធ្វើការគ្រប់គ្រង និងដាក់ឲ្យធ្វើចត្តាឡីស័ក ចំពោះមុខសញ្ញាដែលមានការពាក់ព័ន្ធផ្ទាល់ជាមួយនឹងអ្នកជំងឺកូវីដ-១៩៕
ព័ត៌មានគួរចាប់អារម្មណ៍
អធិការដ្ឋាននគរបាលស្រុកគាស់ក្រឡ បង្ក្រាបករណីក្មេងទំនើងបង្កហិង្សា ឃាត់ខ្លួនចំនួន08នាក់ អនុវត្តតាមច្បាប់ ()
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
វីដែអូ
ចំនួនអ្នកទស្សនា