KNP

ថ្ងៃព្រហស្បតិ៍ ទី១៦ ខែឧសភា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

រដ្ឋបាលក្រុងសែនមនោរម្យទទួលអំណោយពីសប្បុរសជនសម្រាប់ចែកដល់កម្លាំងសមត្ថកិច្ចដែលកំពុងឈរជើងនៅតាមតំបន់បិទខ្ទប់ **|**

រដ្ឋបាលក្រុងសែនមនោរម្យទទួលអំណោយពីសប្បុរសជនសម្រាប់ចែកដល់កម្លាំងសមត្ថកិច្ចដែលកំពុងឈរជើងនៅតាមតំបន់បិទខ្ទប់

ខេត្តមណ្ឌលគិរី ៖ នាព្រឹកថ្ងៃទី២៣ ខែមិថុនា ឆ្នាំ ២០២១នេះ ម្ចាស់អាហាររដ្ឋានសន្តិភាព ស្ថិតនៅក្នុងភូមិកណ្តាល សង្កាត់ស្ពានមានជ័យ ក្រុងសែនមនោរម្យរួមទាំងសប្បុរសជននានាក្នុងខេត្តមណ្ឌលគិរី បាននាំយកនូវទឹកសុទ្ធចំនួន ១០០កេស មីម៉ាម៉ាចំនួន ២៤កេស និងទឹកក្រូចចំនួន ២៤កេស ឧបត្ថម្ភជូនរដ្ឋបាលក្រុងសែនមនោរម្យ សម្រាប់ចាត់ចែងបែកចែកជូនដល់កងកម្លាំងសមត្ថកិច្ចដែលកំពុងឈរជើងនៅតាមតំបន់បិទខ្ទប់ ពាក់ព័ន្ធទៅនឹងជំងឺកូវីដ១៩ នៅក្នុងក្រុងសែនមនោរម្យ ។

នាឱកាសនោះ លោក ហៀក សុផាន អភិបាល នៃគណៈអភិបាលក្រុងសែនមនោរម្យ បានថ្លែងអំណរគុណចំពោះម្ចាស់អាហាររដ្ឋានសន្តិភាព សប្បុរសជនជាអាជីវករនៅក្នុងក្រុងសែនមនោរម្យ ដែលបានឧបត្ថម្ភគាំទ្រដល់រដ្ឋបាលក្រុងសែនមនោរម្យ សម្រាប់ឧបត្ថម្ភដល់កងកម្លាំងសមត្ថកិច្ចឈរឈើងនៅតាមតំបន់បិទខ្ទប់ក្នុងកំឡុងពេលកូវីដ១៩ នេះជាការរួមចំណែកជាមួយរដ្ឋក្រុង រដ្ឋបាលខេត្ត ជាពិសេសជាមួយរាជរដ្ឋាភិបាលកម្ពុជា ក្នុងការប្រយុទ្ធទៅនឹងជំងឺកូវីដ១៩។

ជាមួយគ្នានេះ លោក អភិបាល នៃគណៈអភិបាលក្រុងសែនមនោរម្យ បានអំពាវនាវដល់បងប្អូនប្រជាពលរដ្ឋត្រូវអនុវត្ត ៣កុំ ៣ការពារ របស់រាជរដ្ឋាភិបាល ក៏ដូចក្រសួងសុខាភិបាល ជាពិសេសបងប្អូនប្រជាពលរដ្ឋដែលពាក់ព័ន្ធដោយផ្ទាល់ ឬប្រយោល ជាមួយអ្នកផ្ទុកជំងឺកូវីដ១៩ សូមទៅយកសំណាកនៅមន្ទីរពេទ្យបង្អែកខេត្ត ឬទីតាំងណាមួយ ដែលក្រុមគ្រូពេទ្យបានកំណត់ ។

បន្ទាប់មកលោកអភិបាលក្រុងបានជូនពរដល់ម្ចាស់អាហាររដ្ឋានសន្តិភាព សប្បុរសជនជាអាជីវករនៅក្នុងក្រុងសែនមនោរម្យ សូមមានសុខភាពល្អ ជោគជ័យគ្រប់ភារកិច្ច សមប្រកបតែពុទ្ធពរទាំងបួនប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងចៀសផុតពីជំងឺកូវី១៩ ទាំងអស់គ្នា៕