អាជ្ញាធរខេត្តស្ទឹងត្រែងសម្រេចផ្អាក សកម្មភាពអាហារដ្ឋាន «កាឡាក់ស៊ី» ជាបណ្តោះអាសន្នក្រោយរកឃើញអ្នកជំងឺកូវីដជាបន្តបន្ទាប់
ខេត្តស្ទឹងត្រែង ៖ អាជ្ញាធរខេត្តស្ទឹងត្រែង សម្រេចផ្អាកជាបណ្តោះអាសន្នសកម្មភាពអាហារដ្ឋាន «កាឡាក់ស៊ី» ស្ថិតនៅក្នុងភូមិស្រែពោធិ៍ សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង គិតចាប់ពីល្ងាចថ្ងៃទី២៥ ខែមិថុនា ឆ្នាំ២០២១នេះ រហូតមានការជូនដំណឹងជាថ្មី។
បើតាមសេចក្តីសម្រេចដែលទទួលបាននៅថ្ងៃទី២៥ ខែមិថុនា ឆ្នាំ២០២១នេះ បានឱ្យដឹងថា ការសម្រេចបិទខ្ទប់ទីតាំងភោជនីយដ្ឋាន កាឡាក់ស៊ីនេះ ដោយសារតែទីតាំងខាងលើនេះ ត្រូវបានរកឃើញអ្នកជំងឺកូវីដ១៩ លើបុគ្គលិកជាច្រើននាក់៕