ខេត្តក្រចេះ បន្តរកឃើញអ្នកវិជ្ជមានកូវីដ១៩ ចំនួន២នាក់ នៅថ្ងៃទី២៥ ខែមិថុនា
ខេត្តក្រចេះ ៖ រដ្ឋបាលខេត្តក្រចេះ នៅរសៀលថ្ងៃសុក្រទី១រោច ខែបឋមាសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃសុក្រទី២៥ ខែមិថុនា ឆ្នាំ២០២១ បានចេញសេចក្តីប្រកាសស្តីពីការរកឃើញមនុស្សចំនួន០២នាក់ដែលនៅស្រុកផ្សេងពីរគ្នា ម្នាក់នៅភូមិ អូថ្មទោង ឃុំសោប ស្រុកព្រែកប្រសព្វ និងម្នាក់ទៀតនៅ ភូមិក្រចេះ សង្កាត់ក្រចេះ ក្រុងក្រចេះ ខេត្តក្រចេះ តាមរយៈការធ្វើតេស្តរហ័ស (Rapid Test)។
អ្នកជំងឺទាំងពីរនាក់រួមមាន ៖ ទី១- មានឈ្មោះ ឈិន រ៉េត ភេទប្រុស អាយុ៣០ ឆ្នាំជាកម្មករចំការស៊ូ និងទី២- ឈ្មោះ មូល ចាន់ វាសនា ភេទប្រុស អាយុ៣៣ ឆ្នាំជាមន្រ្តីសុខាភិបាលក្រុងក្រចេះ ខេត្តក្រចេះ។
បើតាមសេចក្តីរបស់រដ្ឋបាលខេត្តក្រចេះបានឲ្យដឹងថា អ្នកទាំងពីរនាក់ត្រូវគ្រូពេទ្យយកមកព្យាបាលកន្លែងពីរផ្សេងគ្នា ម្នាក់ព្យាលបាលនៅមន្ទីរពេទ្យបង្អែកស្រុកឆ្លូង និងម្នាក់ទៀតព្យាបាលនៅមន្ទីរពេទ្យបង្អែកខេត្តក្រចេះ៕