ខេត្តមណ្ឌលគិរី ៖ នាព្រឹកថ្ងៃទី២៦ ខែមិថុនា ឆ្នាំ២០២១នេះ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរីអមដំណើរដោយ លោក សាយ ម៉េងគីម អភិបាលរងខេត្ត លោកលោក ហៀក សុផាន អភិបាលក្រុងសែនមនោរម្យ ឧត្តមសេនីយ៍ទោ ឡោ សុខា ស្នងការនគរបាលខេត្ត លោក ហែម ប៊ូណារ៉ែល មេបញ្ជាការកងរាជអាវុធហត្ថខេត្ត បានអញ្ជើញចុះជួបសំណេះសំសួរសុខទុក្ខបងប្អូនប្រជាពលរដ្ឋរស់នៅក្នុងតំបន់បិទខ្ទប់ ក្នុងក្រុងសែនមនោរម្យ បន្ទាប់ពីបានរកឃើញមានអ្នកវិជ្ជមានជំងឺកូវីដ១៩ ក្នុងព្រឹត្តការណ៍ ២០កុម្ភៈ។

នាឱកាសនោះ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី បានមានប្រសាសន៍ថា៖ ដោយអនុវត្តទៅតាមការណែនាំក្រសួងសុខាភិបាល ក៏ដូចរាជរដ្ឋាភិបាលកម្ពុជាឱ្យមានប្រសិទ្ធិភាពខ្ពស់ ក្នុងការទប់ស្កាត់ការរីករាលដាល នៃជំងឺកូវីដ១៩ក្នុងនាមអាជ្ញាធរខេត្តត្រូវធ្វើការបិទខ្ទប់នៅតាមតំបន់ដែលមានវិជ្ជមានជំងឺកូវីដ១៩ ដើម្បីគ្រប់គ្រងស្ថានការនេះកុំឱ្យមានការរីករាលបន្តទៀត ។ ដូច្នេះសូមសំណូមពរដល់បងប្អូនប្រជាពលរដ្ឋសូមមានការអត់ធ្មត់ និងយោគយល់ដល់រដ្ឋបាលខេត្តដែលបានធ្វើការបិទខ្ទប់នៅក្នុងតំបន់ដែលបងប្អូនរស់នៅ។

ឯកឧត្តម អភិបាលខេត្តបន្តថា មកទល់ពេលនេះរដ្ឋបាលខេត្តមណ្ឌលគិរី បានគ្រប់គ្រង់ស្ថានការការឆ្លងរីករាលដាលជំងឺកូវីដ១៩ដោយមានការថយចុះនៃការចម្លង ទន្ទឹមនោះសូមស្នើឱ្យបងប្អូនប្រជាពលរដ្ឋត្រូវអនុវត្ត ៣កុំ ៣ការពារ ២ចូលរួមតាមការណែនាំរបស់ក្រសួងសុខាភិបាល ជាពិសេសរបស់រាជរដ្ឋាភិបាលកម្ពុជា ដើម្បីចូលរួមទប់ស្កាត់ការរីករាលដាលជំងឺកូវីដ១៩។

បន្ទាប់មកឯកឧត្តម បានជូនពរដល់បងប្អូនប្រជាពលរដ្ឋ សូមមានសុខភាពល្អ សមប្រកបតែពុទ្ធពរទាំងបួនប្រការគឺ អាយុ វណ្ណៈ សុខៈពលៈ កុំបីឃ្លៀង ឃ្លាតឡើយ និងសូមឱ្យចៀសផុតពីជំងឺកូវីដ១៩។ក្នុងឱកាសអញ្ជើញចុះជួបសំណេះសំណាលសួរសុខទុក្ខបងប្អូនប្រជាពលរដ្ឋនៅក្នុងតំបន់បិទខ្ទប់ ខាងលើ ឯកឧត្តម អភិបាលខេត្តបាននាំយកនូវសម្ភារមួយចែកជូនផងដែរ ក្នុងមួយគ្រួសារទទួលបាន អង្ករចំនួន ៥០គីឡូក្រាម មី ១កេស ត្រីខ ១យួរ ទឹកត្រី ១ដប ទឹកស៉ីអ៉ីវ ១ដប ប្រេងឆា ១ដប អំបិន ១គីឡូក្រាម ស្ករ ១គីឡូក្រាមនិងម៉ាស ១ប្រអប់៕