ខេត្តស្ទឹងត្រែង ៖ នៅថ្ងៃទី០៥ ខែមិថុនា ឆ្នាំ២០២១ ស្ថានទូតឡាវសហការជាមួយស្ថានអគ្គកុងស៊ុលកម្ពុជា នៅទីក្រុងប៉ាក់សេ បានបញ្ជូនពលករខ្មែរចំនួន០៤នាក់ ដោយជួយសម្រួលដំណើរ និងបំពេញបែបបទនៅច្រកទ្វារព្រំដែនអន្តរជាតិណងណុកខៀន-(ត្រពាំងក្រៀល)។ រីឯពលករម្នាក់ក្នុងចំណោម៤នាក់ ដែលលួចឆ្លងដែននោះមាន ឈ្មោះ សន ខាំគន់ ភេទប្រុស អាយុ២៧ឆ្នាំ មានស្រុកកំណើតនៅខេត្តក្រចេះ ត្រូវបានសមត្ថកិច្ចឃាត់ខ្លួនកាលពីថ្ងៃទី២៦ ខែមេសា ឆ្នាំ២០២១ ពីបទឆ្លងដែនចូលឡាវខុសច្បាប់ និងពិន័យជាប្រាក់ចំនួន១០០ដុល្លារអាមេរិក។ ក្នុងនោះដែរស្ថានទូតបានជួយអន្តរាគមន៍ដោះលែង និងជួយបង់ប្រាក់ពិន័យខាងលើ។ស្ថានទូតបានផ្តល់ការស្នាក់នៅ និងអាហារហូបចុករយៈពេល១០ថ្ងៃ និងទិញសម្លៀកបំពាក់ ព្រមទាំងបង់ថ្លៃធ្វើតេស្តជំងឺកូវីដ-១៩ និងថវិកាចំនួន១៥០ដុល្លារសម្រាប់ដាក់តាមខ្លួនដល់ពលករខាងលើ។ដោយរដ្ឋាភិបាលឡាវបន្តបិទប្រទេសរហូតដល់ថ្ងៃទី១៩ ខែមិថុនា ឆ្នាំ២០២១ មិនអនុញ្ញាតឱ្យរថយន្តដឹកអ្នកដំណើរចេញ-ចូលឆ្លងខេត្តបាន។ស្ថានទូតបានជួយសម្រួលដំណើរដល់ពលរដ្ឋខ្មែរចំនួន ០៣នាក់ទៀត ដែលបម្រើការនៅកាស៊ីណូ នាទីក្រុងវៀងច័ន្ទ ត្រូវ ចប់អាណត្តិការងារអាចវិលត្រឡប់ទៅកម្ពុជានៅថ្ងៃនេះផងដែរ៕
ព័ត៌មានគួរចាប់អារម្មណ៍
សម្តេចធិបតី និងលោកជំទាវបណ្ឌិត បានអញ្ជើញចាកចេញពីរាជធានីភ្នំពេញហើយ ដើម្បីបំពេញទស្សនកិច្ចផ្លូវការនៅកូរ៉េខាងត្បូង ()
រដ្ឋបាលខេត្តមណ្ឌលគិរី ប្រារព្ធពិធីបុណ្យចម្រើនព្រះជន្មព្រះមហាក្សត្រ ()
រដ្ឋមន្រ្តីមហាផ្ទៃ បន្តសង្កត់ធ្ងន់ពីភាពចាំបាច់នៃការរឹតបន្តឹងការអនុវត្តច្បាប់ ខណៈគ្រោះថ្នាក់ចរាចរណ៍នៅតែប្រឈមខ្លាំង ()
៤ខែរាជរដ្ឋាភិបាល អនុម័ត គម្រោងថ្មីនិងពង្រីក១២៨គម្រោង ជាមួយទុនវិនិយោគ ជាង២ពាន់លានដុល្លារ ()
អយ្យការអមសាលាដំបូងរាជធានីភ្នំពេញ ចេញសេចក្តីប្រកាសព័ត៌មាន ជុំវិញការចាប់ខ្លួនលោក ស៊ុន ចន្ធី ប្រធានគណបក្សកម្លាំងជាតិ ()
វីដែអូ
ចំនួនអ្នកទស្សនា