KNP

ថ្ងៃសុក្រ ទី១៧ ខែឧសភា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

អាជ្ញាធរខេត្តកោះកុង បើកកិច្ចប្រជុំពិភាក្សាលើករណីប្រជាពលរដ្ឋមួយគ្រួសារ បានចូលទន្រ្ទាន និងបោះបង្គោលហ៊ុំព័ទ្ធយកដីរដ្ឋ នៅសង្កាត់ស្មាច់មានជ័យ ក្រុងខេមរភូមិន្ទ **|**

អាជ្ញាធរខេត្តកោះកុង បើកកិច្ចប្រជុំពិភាក្សាលើករណីប្រជាពលរដ្ឋមួយគ្រួសារ បានចូលទន្រ្ទាន និងបោះបង្គោលហ៊ុំព័ទ្ធយកដីរដ្ឋ នៅសង្កាត់ស្មាច់មានជ័យ ក្រុងខេមរភូមិន្ទ

ថ្ងៃចន្ទទី៧ ខែមិថុនា ឆ្នាំ២០២១ លោក សុខ សុទ្ធី អភិបាលរង នៃគណ:អភិបាលខេត្តកោះកុង និងជាអនុប្រធានគណ:កម្មាធិការគ្រប់គ្រងដីរដ្ឋថ្នាក់ខេត្ត តំណាងលោកជំទាវអភិបាលខេត្ត បានដឹកនាំកិច្ចប្រជុំពិភាក្សាជាមួយមន្ទីរ អង្គភាព ជំនាញ និងអាជ្ញាធរពាក់ព័ន្ធ លើករណីប្រជាពលរដ្ឋមួយគ្រួសារ បានចូលទន្រ្ទាន និងបោះបង្គោលហ៊ុំព័ទ្ធយកដីរដ្ឋ នៅចំណុចទីសក្ការបូជាយាយម៉ៅ ស្ថិតក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។

ជាលទ្ធផល នៃកិច្ចប្រជុំ បានសម្រេចឯកភាព ដូចខាងក្រោម÷
១-បានពិនិត្យឃើញថា ទីតាំងដែលបានបោះបង្គោលនោះ គឺស្ថិតនៅក្នុងដែនគ្របដណ្តប់របស់អនុក្រឹត្យលេខ ៨០ អនក្រ.បក ចុះថ្ងៃទី០៩ ខែឧសភា ឆ្នាំ២០១៦ ស្តីពីការបង្កើតដែនជម្រកសត្វព្រៃតាតៃ

២-បានធ្វើកិច្ចសន្យា ជាមួយបុគ្គល ដែលបានអះអាងជាម្ចាស់ដី ឲ្យរុះរើបង្គោលរបងទាំងអស់ចេញពីទីតាំងខាងលើ ត្រឹមថ្ងៃស្អែក ទី០៨ ខែមិថុនា ឆ្នាំ២០២១ ជាកំហិត ដោយប្រគល់ការត្រួតពិនិត្យ ជូនមន្ទីរបរិស្ថានខេត្ត និងអាជ្ញាធរក្រុងខេមរភូមិន្ទ សហការ-អនុវត្ត៕