ឥណ្ឌូណេស៊ីរកឃើញអ្នកឆ្លងកូវីដ-១៩ ចំនួន ៣៦,១៩៧នាក់ និងស្លាប់ ១,០០៧នាក់
ហ្សាការតា ៖ ក្រសួងសុខាភិបាលឥណ្ឌូណេស៊ី នៅថ្ងៃអាទិត្យម្សិលមិញបានរាយការណ៍ពីការរកឃើញអ្នកឆ្លង COVID-19 ចំនួន ៣៦,១៩៧នាក់ ក្នុងរយៈពេល២៤ម៉ោងចុងក្រោយនេះ នាំឱ្យអ្នកឆ្លងសរុបទូទាំងប្រទេសកើនដល់ ២,៥២៧,២០៣នាក់។ នេះបើតាមការចេញផ្សាយដោយទីភ្នាក់ងារព័ត៌មានចិនស៊ីនហួរ។
បើតាមក្រសួងសុខាភិបាលឥណ្ឌូណេស៊ី ក្នុងរយៈពេលដូចគ្នា អ្នកជំងឺ COVID-19 ចំនួន ១,០០៧នាក់ក៏ត្រូវបានរាយការណ៍ថាបានស្លាប់ផងដែរ ធ្វើឱ្យអ្នកស្លាប់សរុបកើនដល់ ៦៦,៤៦៤នាក់ ខណៈ២,០៨៤,៧២៤នាក់ជាសះស្បើយឡើងវិញ។
គួរបញ្ជាក់ថា ក្នុងរយៈពេល២៤ម៉ោងចុងក្រោយនេះ រដ្ឋធានីហ្សាការតានៅមានចំនួនអ្នកឆ្លងច្រើនជាងគេចំនួន ១៣,១៣៣នាក់ និងខេត្តជ្វាភាគខាងលិច ចំនួន ៦,៧០៤នាក់៕
![]()
![]()
![]()