ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
សាខាកាកបាទក្រហមកម្ពុជាខេត្តកែបនាំអំណោយចែកជូនអាជីវករលក់ដូរនៅផ្សារសេះដែលរងគ្រោះដោយអគ្គិភ័យឆាបឆេះផ្សារ
Wed,21 July 2021 (Time 07:58 AM)
ដោយ ៖ (ចំនួនអ្នកអាន: 408នាក់)

ខេត្តកែប ៖ សាខាកាកបាទក្រហមកម្ពុជាខេត្តកែបបានរៀបចំពិធីសំណេះសំណាលសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ជាប្រធាន ទៅផ្តល់ជូនប្រជាពលរដ្ឋដែលជាអាជីវករលក់ដូរនៅផ្សារសេះសដែលទទួលរងនូវគ្រោះឧបទ្ទវហេតុអគ្គិភ័យឆេះអស់ទាំងស្រុងចំនួន១៥០គ្រួសារ។

ពិធីនេះធ្វើឡើងនៅព្រឹកថ្ងៃទី២០ ខែកក្កដា ឆ្នាំ២០២១ ក្រោមវត្តមានឯកឧត្តម ជិន ប៊ុនស៊ាន ទេសរដ្ឋមន្រ្តី រដ្ឋមន្ត្រីទទួលបន្ទុកបេសកម្មពិសេស និងជាប្រធានក្រុមការងាររាជរដ្ឋាភិបាលចុះជួយខេត្តកែប,ឯកឧត្តម សំសារីន ប្រធានក្រុមប្រឹក្សាខេត្ត, ឯកឧត្តម សោម ពិសិដ្ឋ អភិបាលខេត្តកែប និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកែប និងលោកជំទាវ រួមដំណើរដោយលោក លោកស្រី អភិបាលរងខេត្ត សមាជិក សមាជិកា គណៈកម្មាធិការសាខាប្រធានមន្ទីរ អង្គភាពជុំវិញខេត្ត ក្រុមប្រតិបត្តិសាខា អនុសាខាក្រុង ស្រុក អ្នកស្ម័គ្រចិត្ត និងយុវជនកាកបាទក្រហមកម្ពុជាខេត្ត ព្រមទាំងមានការចូលរួមពីអាជ្ញាធរមូលដ្ឋាន។

មានប្រសាសន៍ក្នុងឱកាសនោះ ឯកឧត្តម សោម ពិសិដ្ឋ អភិបាលខេត្ត និងជាប្រធានគណៈកម្មាធិការសាខា បានពាំនាំមកនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះបងប្អូនប្រជាពលរដ្ឋមកទទួលអំណោយទាំងអស់ដោយក្តីនឹករលឹក និងសោកស្តាយជាទីបំផុតចំពោះឧបទ្ទវហេតុដែលកើតមានឡើងនាពេលនេះដែលជានិច្ចកាលសម្តេចតែងតែគិតគូរពីសុខទុក្ខរបស់បងប្អូនប្រជាពលរដ្ឋជួបការលំបាកជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់រើសអើង វណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ ពោលគឺ ទីណាមានទុក្ខលំបាក ទីនោះមានកាកបាទក្រហមកម្ពុជា។

ជាមួយគ្នានោះ ឯកឧត្តមក៏ក្រើនរំលឹកដល់បងប្អូនប្រជាពលរដ្ឋទាំងអស់ឲ្យបង្កើនការប្រុងប្រយ័ត្នចំពោះគ្រោះមហន្តរាយផ្សេងៗ ពិសេសគ្រោះអគ្គិភ័យទាំងក្នុងគេហដ្នានផ្ទាល់ខ្លួន និងទីប្រជុំជន ព្រោះអាចនឹងនាំឲ្យបាត់បង់ទ្រព្យសម្បត្តិ និងគ្រោះថ្នាក់ដល់ជីវិតផងដែរ។

.ជាមួយគ្នានេះឯកឧត្តមក៏បានអំពាវនាវដល់សាធារណៈជនទាំងអស់អោយប្រកាន់យកនូវ អនាម័យល្អ រស់នៅស្អាត ហូបស្អាត ផឹកស្អាត និងខិតខំប្រឹងប្រែងឡើងវិញកុំអស់សង្ឃឹម។ ក្រៅពីនេះក៏ត្រូវរួមគ្នាអនុវត្តវិធានការ ៣កុំ ៣ការពារ ដើម្បីចូលរួមកាត់បន្ថយការឆ្លងរាល ដាលជំងឺកូវីដ-១៩។

គួររំលឹកថា ផ្សារសេះសរ ស្ថិតក្នុង ភូមិអូរក្រសារ សង្កាត់អូរក្រសារ ក្រុងកែប ខេត្តកែប ដែលបានលេបត្របាក់អស់ទាំងស្រុងក្នុងហេតុការណ៍អគ្គិភ័យមួយ កាលពីវេលាម៉ោង៦ ល្ងាចថ្ងៃទី១៩ ខែកក្កដា ឆ្នាំ២០២១ បានបណ្តាលអោយខូចខាតដល់តូបលក់ដូរ ឥវ៉ាន និងទ្រព្យសម្បត្តិអាជីវករក្នុងផ្សាសេះប្រមាណ១៥០គ្រួសារ។

អំណោយដែលសាខាកាកបាទក្រហមកម្ពុជាខេត្តកែបនាំមកផ្តល់ជូនដល់អាជីវករនាពេលនោះ ក្នុង១គ្រួសារៗទទួលបាន ៖ អង្ករ២៥គីឡូក្រាម, មី១កេស, ទឹកសុទ្ធ១កេស និងថវិកាចំនួន១០ម៉ឺនរៀល ក្នុងនោះដែរឯកឧត្តម ជិន ប៊ុនស៊ាន ក៏បានឧបត្ថម្ភថវិកាចំនួន១០លានរៀល៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
2108 នាក់
ម្សិលមិញ :
1033 នាក់
សប្តាហ៍នេះ :
5901 នាក់
ខែនេះ :
29359 នាក់
3 ខែនេះ :
113647 នាក់
សរុប :
1095076 នាក់