ថ្ងៃអាទិត្យ ទី៣១ ខែសីហា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ប្រធាន ស.ស.យ.ក ខេត្តអញ្ជើញសួរសុខទុក្ខក្រុមការងារស្ម័គ្រចិត្ត ស.ស.យ.ក ក្នុងយុទ្ធនាការចាក់វ៉ាក់សាំងនៅស្រុកកោះញែក
Wed,28 July 2021 (Time 03:03 PM)
ដោយ ៖ (ចំនួនអ្នកអាន: 438នាក់)

ខេត្តមណ្ឌលគិរី ៖ ដើម្បីលើកទឹកចិត្តដល់ក្រុមការងារស្ម័គ្រចិត្តស.ស.យ.កក្នុងយុទ្ធនាការចាក់វ៉ាក់សាំងជំងឺកូវីដ១៩ នៅព្រឹកថ្ងៃទី២៨ ខែកក្កដា ឆ្នាំ២០២១នេះ លោក ឈឹម កាន ប្រធានសហភាពសហព័ន្ធយុវជនកម្ពុជាខេត្តមណ្ឌលគិរីដោយមានការចូលរួមពីលោកអនុប្រធាន ប្រធាន ស.ស.យ.ក ស្រុកកោះញែក បានអញ្ជើញចុះសួរសុខទុក្ខ និងនាំយកសម្ភារចែកជូនដល់ក្រុមការងារស្ម័គ្រចិត្ត ស.ស.យ.ក ក្នុងយុទ្ធនាការចាក់វ៉ាក់សាំងជំងឺកូវីដ១៩ នៅស្រុកកោះញែក ។

លោក ឈឹម កាន បានកោតសរសើរដល់ក្រុមការងារស្ម័គ្រចិត្ត ស.ស.យ.ក ដែលបានលះបង់កម្លាំងកាយចិត្តនិងពេលវេលា ក្នុងការជួយសម្របសម្រួល និងសហការជាមួយអាជ្ញាធរមូលដ្ឋាន មន្ត្រីសុខាភិបាលជួរមុខ ដើម្បីធ្វើឲ្យការងារចាក់វ៉ាក់សាំងជូនប្រជាពលរដ្ឋ ដំណើរការទៅដោយភាពរលូន មានប្រសិទ្ធភាពនិងសុវត្ថិភាពខ្ពស់ ។

លោកប្រធាន ស.ស.យ.ក ខេត្តមណ្ឌលគិរី បានស្នើសុំឲ្យក្រុមការងារស្ម័គ្រចិត្តទាំងអស់ ត្រូវខិតខំជួយសម្របសម្រួល រៀបចំសណ្ដាប់ ធ្នាប់ រក្សាគម្លាត ជូនប្រជាពលរដ្ឋដែលមកទទួលវ៉ាក់សាំង និងត្រូវថែរក្សាសុខភាព សុវត្ថិភាពរបស់ខ្លួនក្នុងពេលបំពេញការងារព្រមទាំងអនុវត្តវិធានការរបស់រាជរដ្ឋាភិបាល ៣ការពារ ៣ កុំ និងវិធានការនានារបស់ក្រសួងសុខាភិបាល ។ សម្រាប់យុទ្ធនាការចាក់វ៉ាក់សាំងជំងឺកូវិដ១៩ជូនប្រជាពលរដ្ឋនៅស្រុកកោះញែក ស.ស.យ.ក ស្រុក បានដាក់កម្លាំង ស.ស.យ.ក ស្ម័គ្រចិត្តចំនួនជាង៣០នាក់ជារៀងរាល់ថ្ងៃ សម្រាប់ជួយសម្របសម្រួលក្នុងការងារចាក់វ៉ាក់សាំងនេះ។

ក្នុងឱកាសចុះសួរសុខទុក្ខក្រុមការងារស្ម័គ្រចិត្ត ស.ស.យ.ក នេះដែរ លោកប្រធាន ស.ស.យ.ក ខេត្ត បាននាំយកសម្ភារមួយចំនួនឧបត្ថម្ភដល់ក្រុមការងារស្ម័គ្រចិត្ត មានដូចជា ៖ ម៉ាសចំនួន១០ប្រអប់ អាល់កុល៣០លីត្រ របាំងមុខ១០០ ទឹកសុទ្ធ១០កេស ទឹកសុទ្ធដបតូច១០យួរ ទឹកក្រូច១,៥លីត្រ១០យួរ ។

សូមជម្រាបថា សម្រាប់យុទ្ធនាការវ៉ាក់សាំងនេះ ស្រុកកោះញែកទទួលបានវ៉ាក់សាំង Astrazeneca ចំនួន ១០.០៩០ដូស សម្រាប់ចាក់ជូនប្រជាពលរដ្ឋលើកទី១នៅទូទាំងស្រុក៕

ព័ត៌មានគួរចាប់អារម្មណ៍

ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()

ព័ត៌មានគួរចាប់អារម្មណ៍

ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()

ព័ត៌មានគួរចាប់អារម្មណ៍

ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()

ព័ត៌មានគួរចាប់អារម្មណ៍

ឧត្តមសេនីយ៍ទោ ឡោ សុខា អញ្ជើញដឹកនាំកិច្ច​ប្រ​ជុំ​ត្រួតពិនិត្យការ​ងារ​ប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នង​ការដ្ឋាន​នគរបាលខេត្តមណ្ឌលគិរី ()

ព័ត៌មានគួរចាប់អារម្មណ៍

ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()

វីដែអូ

ចំនួនអ្នកទស្សនា

ថ្ងៃនេះ :
619 នាក់
ម្សិលមិញ :
2159 នាក់
សប្តាហ៍នេះ :
9691 នាក់
ខែនេះ :
53805 នាក់
3 ខែនេះ :
128502 នាក់
សរុប :
1284623 នាក់