ថ្ងៃពុធ ទី២២ ខែកញ្ញា ឆ្នាំ២០២១
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ថ្នាក់ដឹកនាំខេត្តកំពង់ឆ្នាំង ប្រគល់អំណោយជូនដល់រដ្ឋបាលស្រុកសាមគ្គីមានជ័យ ដើម្បីចូលរួមក្នុងយុទ្ធនាការទប់ស្កាត់នៃការឆ្លងរីករាលដាលនៃជំងឺកូវីដ-១៩
Fri,30 July 2021 (Time 04:08 PM)
ដោយ ៖ (ចំនួនអ្នកអាន: 34នាក់)

ស្រុកសាមគ្គីមានជ័យ៖ នាព្រឹកថ្ងៃសុក្រទី៣០ ខែកក្កដា ឆ្នាំ២០២១ ឯកឧត្តម ស្រ៊ន សំឫទ្ធី អភិបាលរង នៃគណ:អភិបាលខេត្តកំពង់ឆ្នាំង តំណាងដ៏ខ្ពង់ខ្ពស់ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង បានដឹកនាំប្រតិភូខេត្តរួមមាន ក្រុមការងារថ្នាក់ខេត្តចុះជួយស្រុក ស្នងការដ្ឋាននគរបាលខេត្តកំពង់ឆ្នាំង មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មន្ទីរការងារ និងបណ្តុះបណ្តាលវិជ្ជាជីវៈខេត្ត មន្ទីរអភិវឌ្ឍន៍ជនបទខេត្ត ទីចាត់ការអន្តរវិស័យ ចុះសួរសុខទុក្ខ និងប្រគល់អំណោយជាគ្រឿងឧបភោគ បរិភោគ និងថវិកាមួយចំនួនជូនរដ្ឋបាលស្រុកសាមគ្គីមានជ័យ និងផ្តល់ជូនប្រជាពលរដ្ឋកំពុងធ្វើចត្តាឡីស័ក និងប្រជាពលរដ្ឋជួបការលំបាក ចំនួន ១០គ្រួសារ ក្នុងឃុំសេដ្ឋី ដើម្បីចូលរួមក្នុងយុទ្ធនាការទប់ស្កាត់នៃការឆ្លងរីករាលដាលនៃជំងឺកូវីដ ១៩ ក្នុងសហគមន៍។

ក្នុងឱកាសនៃការសួរសុខទុក្ខ និងប្រគល់ជូនអំណោយនេះ ឯកឧត្តម ស្រ៊ន សំឫទ្ធី បានពាំនាំនូវការផ្តាំផ្ញើសួរសុខទុក្ខ និងនឹករលឹកពីសំណាក់ សម្តេចចៅហ្វាវាំង គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំង ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ឯកឧត្ដម ស៊ុន សុវណ្ណារិទ្ធិ អភិបាលកំពង់ឆ្នាំង ដែលតែងតែយកចិត្តទុកដាក់លើសុខទុក្ខរបស់បងប្អូនប្រជាពលរដ្ឋនៅក្នុងសហគមន៍ ជាពិសេសស្ថិតក្នុងបរិបទថ្មីនៃជំងឺកូវីដ ១៩ ដែលធ្វើឲ្យប៉ះពាល់ទាំងសុខភាព និងជីវភាពរបស់បងប្អូនប្រជាពលរដ្ឋ។ ឯកឧត្តមបានសំណូមពរជាពិសេសត្រូវយកចិត្តទុក្ខដាក់លើបញ្ហាសុខភាពដែលយើងទាំងអស់គ្នាត្រូវរស់នៅក្នុងបរិបទថ្មី នៃការឆ្លងរីករាលដាលជំងឺកូវីដ ១៩ ក្នុងសហគមន៍ ដោយអនុវត្តនូវវិធានការរបស់រាជរដ្ឋាភិបាល ៣ការពារ ៣កុំ និងវិធានការទប់ស្កាត់របស់ក្រសួងសុខាភិបាល។

អំណោយជាគ្រឿងឧបភោគ បរិភោគ និងថវិកា ដែលផ្តល់ជូននាពេលនេះ ទទួលបានការជួយឧបត្ថម្ភគាំទ្រពីថ្នាក់ដឹកនាំខេត្ត ឯកឧត្តមព្រះរាជអាជ្ញាអមសាលាដំបូងខេត្ត មន្ទីរអង្គភាព ប្រធានការិយាល័យ ដ.ន.ស.ភ ស្រុកសាមគ្គីមានជ័យ និងសប្បុរសជនក្នុងខេត្ត រួមមានៈ អង្ករ ១តោន មីជាតិ ៧០កេស ម៉ាស ២៥ប្រអប់ អាល់កុល ៣០លីត្រ និងថវិកា ២.៥៥០.០០០រៀល ដើម្បីប្រើប្រាស់និងចែកជូនដល់គ្រួសារដែលកំពុងធ្វើចត្តាឡីស័ក ក្នុងព្រឹត្តិការណ៍សហគមន៌ ២០ កុម្ភ:។

បន្ទាប់ពីប្រគល់ជូនរដ្ឋបាលស្រុករួច ឯកឧត្តម ស្រ៊ន សំឫទ្ធី អភិបាលរង នៃគណ:អភិបាលខេត្តកំពង់ឆ្នាំង បានដឹកនាំប្រតិភូខេត្ត រដ្ឋបាលស្រុក រដ្ឋបាលឃុំ និងថ្នាក់ដឹកនាំភូមិ ចុះសួរសុខទុក្ខ និងចែកអំណោយជូនបងប្អូនប្រជាពលរដ្ឋដែលកំពុងធ្វើចត្តាឡីស័ក និងជួបការលំបាកនៅតាមខ្នងផ្ទះចំនួន ១០គ្រួសារ នៅភូមិបឹងលាជ និងភូមិថ្លុកឬស្សី ឃុំសេដ្ឋី។

អំណោយផ្តល់ជូនក្នុងមួយគ្រួសារទទួលបានៈ អង្ករ ២៥គីឡូក្រាម មី ១កេស ទឹកត្រី ១យួរ ទឹកស៊ីអ៊ីវ ១យួរ ទឹកសុទ្ធ ២យួរ ម៉ាស ១ប្រអប់ និងថវិកា ៤០.០០០រៀល។ ឧបត្ថម្ភជូនប្រជាការពារចំនួន ៣នាក់ ក្នុង១នាក់ ៥០.០០០រៀល៕

ព័ត៌មានគួរចាប់អារម្មណ៍

សូមប្រុងប្រយ័ត្ន រាជធានី-ខេត្តចំនួន១២ ប្រឈមនឹងជំនន់ទឹកភ្លៀង ពីថ្ងៃទី២២-២៦ ខែកញ្ញា ()

ព័ត៌មានគួរចាប់អារម្មណ៍

ខណៈនេះអ្នកឆ្លង COVID-19 លើលោកកើនដល់ជាង ២២៩លាន ៨១ម៉ឺននាក់ ស្លាប់ជាង ៤លាន ៧១ម៉ឺននាក់ ()

ព័ត៌មានគួរចាប់អារម្មណ៍

បារាំងអះអាងថា​នឹង​នៅតែ​បន្ត​រក្សា​វត្តមាន​យោធា​របស់ខ្លួន​នៅក្នុង​ប្រទេស​ម៉ាលី​ និងបន្ត​ប្តេជ្ញា​ក្នុងការ​ប្រយុទ្ធប្រឆាំង​​ភេរវកម្ម​ ()

ព័ត៌មានគួរចាប់អារម្មណ៍

សាលានៅខេត្តកំពង់ធំចំនួន២៨៧សាលានៅតំបន់ដែលមានហានិភ័យទាបបានបើកដំណើរការចូលរៀនឡើងវិញ ()

ព័ត៌មានគួរចាប់អារម្មណ៍

ប្រទះឃើញហ្វូងកូនសត្វក្រពើភ្នំ ដែលជាប្រភេទសត្វកំពុងរងគ្រោះថ្នាក់ជិតផុតពូជបំផុត នៅដែនជម្រកសត្វព្រៃស្រែពក ()

វីដែអូ

ចំនួនអ្នកទស្សនា

ថ្ងៃនេះ :
491 នាក់
ម្សិលមិញ :
309 នាក់
សប្តាហ៍នេះ :
2020 នាក់
ខែនេះ :
7866 នាក់
3 ខែនេះ :
22101 នាក់
សរុប :
80857 នាក់