ខេត្តស្វាយរៀង ៖ ដោយក្តីអាអាណិតអាសូរពីសំណាក់ ឯកឧត្ដម បណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀង និងលោកជំទាវបានផ្ដល់ផ្ទះមួយខ្នងមានតម្លៃ៤០០០ដុល្លារ ដល់ដូនជីពិការជើងទាំងសងខាង រស់នៅក្នុងវត្តកោះជុំ ស្ថិតក្នុងឃុំបាសាក់ ស្រុកស្វាយជ្រំ ខេត្តស្វាយរៀង។ឯកឧត្តមបណ្ឌិត កែរ រដ្ឋា បានថ្លែងថា នៅព្រឹកថ្ងៃទី២១ ខែសីហា ឆ្នាំ២០២១នេះ ឯកឧត្ដម និងភរិយា បានប្រគល់ផ្ទះ១ខ្នង រួមទាំងសម្ភារប្រើប្រាស់ក្នុងផ្ទះ និងគ្រឿងឧបភោគបរិភោគមួយចំនួនជូនដល់ដូនជីពិការជើងទាំង២ ឈ្មោះ ថោង ធានី អាយុ៥៥ឆ្នាំ ដែលសព្វថ្ងៃរស់នៅក្នុងនៅវត្តកោះជុំ ដោយសារក្តី អាណិតអាសូរដល់គាត់គ្មានកូនចៅសាច់ញាតិ រស់នៅម្នាក់ឯងក្នុងវត្ត។ឯកឧត្តមបណ្ឌិតបានបន្តថា ដូនជីមិនត្រឹមតែពិបាកជើងទាំង២ទេ គាត់ថែមទាំងមានជំងឺរ៉ាំរ៉ៃ និងជំងឺខ្វះ ឈាមក្រហមផងដែរ។ ឯកឧត្តមបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តចំនួន៣លើករួចមក ហើយ។ ក្នុងមួយឆ្នាំគាត់ត្រូវឯកឧត្ដមបណ្ឌិតបញ្ជូនទៅសង្គ្រោះបន្ទាន់ម្តង ហើយម្តងៗត្រូវបញ្ចូល ឈាមពី២ទៅ៣ប្លោក។លោកយាយ ថោង ធានី មានក្តីរំភើបរីករាយក្រៃលែងដែលបានឯកឧត្ដមបណ្ឌិត កែរ រដ្ឋា និងលោក ជំទាវបានផ្ដល់នូវផ្ទះថ្មីមួយខ្នងនេះ។ លោកយាយមានប្រសាសន៍ថា ដោយសារឯកឧត្តមបណ្ឌិត កែរ រដ្ឋា បានយកគាត់ទៅព្យាបាល បច្ចុប្បន្ននេះគាត់ជាហើយ គាត់ស្រស់បស់ និងមានកំលាំងជាងមុនច្រើន ។ ទន្ទឹមនោះ លោកយាយបានថ្លែងអំណរគុណ និងជូនពរដល់ឯកឧត្ដមបណ្ឌិត និងលោកជំទាវ ព្រម ទាំងបុត្រា បុត្រីជួបប្រទះតែពុទ្ធពរទាំង៥ប្រការ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា