រដ្ឋបាលខេត្តមណ្ឌលគិរីប្រកាសបន្តឃើញករណីវិជ្ជមានកូវីដ-១៩ ចំនួន២៩នាក់ទៀត
ខេត្តមណ្ឌលគិរី ៖ នៅថ្ងៃទី២២ខែ សីហា ឆ្នាំ ២០២១ រដ្ឋបាលខេត្តចេញសេចក្តីប្រកាសព័ត៌មានស្តីពីករណីអ្នកវិជ្ជមានកូវិដ-១៩ ចំនួន២៩នាក់បន្ថែមទៀត តាមរយៈការធ្វើតេស្តរហ័ស (Repid test)។
ជាមួយគ្នានេះ រដ្ឋបាលខេត្ត បានអំពាវនាវដល់អ្នកប៉ះពាល់ផ្ទាល់ សូមរួសរាន់ទៅជួបក្រុមគ្រូពេទ្យ និងធ្វើចត្តាឡីស័ក ដើម្បីយកសំណាកទៅពិនិត្យ ហើយចំពោះអ្នកប៉ះពាល់ប្រយោលត្រូវធ្វើចត្តាឡីស័កតាមផ្ទះរៀងៗខ្លួន ដោយមិនត្រូវពាក់ព័ន្ធ ឬប៉ះពាល់ជាមួយអ្នកដទៃដាច់ខាត និងបន្តចូលរួមអនុវត្តន៍ឲ្យបានត្រឹមត្រូវនូវវិធានការ របស់រាជរដ្ឋាភិបាល «៣ការពារ ៣កុំ» និងតាមការណែនាំផ្សេងៗទៀតរបស់ក្រសួងសុខាភិបាល៕
