ខេត្តក្រចេះ ៖ ឯកឧត្តម វ៉ា ថន អភិបាល នៃគណៈអភិបាលខេត្តក្រចេះ នាថ្ងៃអង្គារ ១រោច ខែស្រាពណ៍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៤ ខែសីហា ឆ្នាំ២០២១ បានបន្តចុះធ្វើបច្ចុប្បន្នភាពស្តីពីជំងឺកូវីដ-១៩ និងរុករកមេរោគបម្លែងថ្មី ( Delta ) នៅផ្សារក្រុងក្រចេះ ក៏ដូចជានៅមូលដ្ឋាន នៃទឹកដីខេត្តក្រចេះ។ក្នុងឱកាសនោះដែរ ដោយការអញ្ជើញចូលរួម និងអមដំណើរ ដោយលោកឧត្តសេនីយ៍ទោ លន់ សុផាត ស្នងការនៃស្នងការដ្ឋាននគរបាលខេត្តក្រចេះ និងលោកឧត្តមសេនីយ៍ទោ សាន្ត ប៊ុនថាន មេបញ្ជាការនៃកងរាជអាវុធហត្ថខេត្ត និងមន្រ្តីពាក់ព័ន្ធជុំខេត្តជាច្រើនរូបផងដែរ។ឯកឧត្តមអភិបាលខេត្តមានប្រសាសន៍ថា ស្ថិតក្នុងបរិការនេះ សូម ពុក ម៉ែ បងប្អូនត្រូវមានការប្រុងប្រយ័ត្នខ្ពស់បំផុត បន្តការពារខ្លួន និងធ្វើអនាម័យឲ្យបានជាប្រចាំនូវភូមិឋានឲ្យបានល្អ ហើយចេះរស់នៅរបៀបគន្លងថ្មីឲ្យសមស្របទៅនឹងបរិយាកាស មានបរិស្ថានល្អ ស្របនឹងបរិបទមានជំងឺកូវីដ-១៩។ ជាមួយគ្នានេះ ឯកឧត្តម អភិបាលខេត្តបានអំពាវនាវ សូមពុក ម៉ែបងប្អូនមេត្តាចូលរួមជាមួយអាជ្ញាធរ ក៏ដូចជាបានចូលរួមជារាជរដ្ឋាលភិបាលក្នុងការការពារ ទប់ស្កាត់ប្រយុទ្ធប្រឆាំងការរីករាលដាលនៃជំងឺដ៏កាចសាហាវមួយនេះ តាមរយៈ «៣ការពារ ៣កុំ» និងវិធានផ្សេងទៀតពីក្រសួងសុខាភិបាល។ឯកឧត្តមគណៈអភិបាលខេត្តបន្តថា ដើម្បីសុខមាលភាព និងសុខភាពរបស់ពុកម៉ែ បងប្អូន និងការរស់នៅគ្មានហានិភ័យ រដ្ឋបាលខេត្តក្រចេះនឹងចូលរួមការពារទប់ស្កាត់ប្រយុទ្ធប្រឆាំងនូវមេរោគរាតត្បាតនេះ តាមរយៈការធ្វើតេស្តរបស់ក្រុមគ្រូពេទ្យបន្តធ្វើនៅកន្លែងផ្សេងទៀតដើម្បីរុករកឲ្យឃើញអស់ ទើបពុក ម៉ែបងប្អូនរស់នៅគ្មានហានិភ័យ ។ជាថ្មីម្តងទៀត រដ្ឋបាលខេត្តក្រចេះ សូមអំពាវនាវ ដល់ពុក ម៉ែ បងប្អូនទាំអស់មេត្តាបន្តចូលរួមសហការជាមួយអាជ្ញាធរ និងក្រុមគ្រូពេទ្យ ដោយស្មារតីទទួលខុសត្រូវខ្ពស់ចំពោះសុខភាពខ្លួនឯង និងក្រុមគ្រួសារ និងប្រទេសជាតិយើងផងដែរ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា