ថ្ងៃសៅរ៍ ទី០៥ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ខេត្តកែបគ្រោងសាងសង់កំពង់ផែថ្មីមួយទៀតនៅលើកោះទន្សាយក្នុងគម្រោងទឹកប្រាក់១,៦លានដុល្លារ ជាកម្ចីរបស់ ADB
Thu,26 August 2021 (Time 10:43 AM)
ដោយ ៖ (ចំនួនអ្នកអាន: 406នាក់)

ខេត្តកែប ៖ លោក វ៉ៅ សុខា អភិបាលរង និងជាអ្នកនាំពាក្យរដ្ឋបាលខេត្តកែបបានប្រាប់អង្គភាពព័ត៌មាន «ភ្នំពេញដេលី» (Phnom Penh Daily Media) ឲ្យដឹងថា ខេត្តកែបនឹងគ្រោងសាងសង់កំពង់ផែថ្មីមួយទៀតដែលមានទីតាំងស្ថិតនៅលើកោះទន្សាយ សង្កាត់កែប ក្រុងកែប ខេត្តកែប ក្នុងគម្រោងទឹកប្រាក់១,៦លានដុល្លារ (មួយលាន ប្រាំមួយសែនដុល្លារ) ជាកម្ចីរបស់ធនាគារអភិវឌ្ឍន៍អាស៊ី (ADB) ដែលគម្រោងនេះនឹងបើកដំណើរការសាងសង់នាបំណាច់ចុងឆ្នាំ២០២១ខាងមុខនេះ។

លោកបញ្ជាក់ថា តាមរយៈកិច្ចប្រជុំនាពេលកន្លងមក យើងសម្រេចបានជោគជ័យលើការងារឯកភាពគ្នាក្នុងការសាងសង់កំពង់ផែថ្មីមួយទៀតនៅលើកោះទន្សាយ និងផ្លូវបេតុងព័ទ្ធជុំវិញកោះ ដោយពេលនេះគម្រោងបានសម្រេចការដាក់ឲ្យដេញថ្លៃរួចរាល់ហើយដែរ រង់ចាំតែការចុះកិច្ចសន្យាដំណើរការសាងសង់ប៉ុណ្ណោះ។

លោកថ្លែងថា ក្រោមកម្ចីរបស់ ADB ខេត្តកែបទទួលបានគម្រោងធំៗចំនួន៤ ក្នុងនោះមានដូចជាអាងប្រព្រឹត្តិកម្ម ទីលានចាក់សម្រាមស្តង់ដារ ដែលគម្រោងទាំង២នេះ បានធ្វើការសាងសង់ និងកំពុងដំណើរការសាងសង់ជិតរួចរាល់ជាស្ថាពរហើយ។ ចំណែកគម្រោងទី៣ ការស្ថាបនាផ្លូវប្របមាត់សមុទ្រមានប្រវែងជាង១០គ.ម និងគម្រោងទី៤ គឺការសាងសង់កំពង់ផែទេសចរណ៍នៅលើកោះទន្សាយនេះតែម្តង ដែលគម្រោងទាំង៤នេះត្រូវចំណាយថវិកាប្រមាណ៣០លានដុល្លារ។

សូមបញ្ជាក់ផងដែរថា តាមរយៈការអនុវត្តគម្រោងដោយក្រសួងសាធារណការ និងដឹកដឹកជញ្ជូនកំពុងធ្វើការសាងសង់កំពង់ផែទេសចរណ៍កោះទន្សាយដែលមានទីតាំងជាប់នឹងផែចាស់ បើគិតមកដល់ពេលនេះសម្រេចបានជិត ៨០%ហើយ និងគ្រោងបញ្ចប់នៅក្នុងបំណាច់ចុងខែវិច្ឆិកា ឆ្នាំ២០២១ ខាងមុខ ដែលគម្រោងខាងលើនេះបានចំណាយថវិកាជិត៥០០០លានរៀន (ជិតប្រាំពាន់លានរៀល)។

ពាក់ព័ន្ធការសាងសង់កំពង់ផែកោះទន្សាយនេះដែរ ត្រូវបានគេសម្លឹងឃើញថា ជាការពង្រីកសក្តានុពល ផ្នែកវិស័យទេសចរណ៍ និងសេដ្ឋកិច្ចរបស់ខេត្តកែបតាមរយៈផ្លូវទឹកទ្វេភាគីជាមួយប្រទេសក្នុងតំបន់ ហើយផែនេះអាចឈានដល់ការទទួលភ្ញៀវកម្រិតថ្នាក់អន្តរជាតិផងដែរនាថ្ងៃអនាគត៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
144 នាក់
ម្សិលមិញ :
658 នាក់
សប្តាហ៍នេះ :
6771 នាក់
ខែនេះ :
30005 នាក់
3 ខែនេះ :
115044 នាក់
សរុប :
1096796 នាក់