ខេត្តក្រចេះ ៖ ឯកឧត្តម វ៉ា ថន អភិបាលខេត្តក្ថចេះ និងសហការីនាថ្ងៃពុធ ២រោច ខែស្រាពណ៍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៥ ខែសីហា ឆ្នាំ២០២១ បានអញ្ជើញទទួលអំណោយជាសម្ភារពីលោក គា ចាន់គង់ និងលោកស្រី អូ យូណៃ ម្ចាស់ដរចម្លងភូមព្រែកប្រលូង-ពាមតេ រួមមាន ៖ អាល់កុលចំនួន៣កាន ម៉ាស់ ៣០០ប្រអប់ ទឹកបរិសុទ្ធវីតាល់ចំនួន៣០កេស និងថវិកាចំនួន ៣.០០០.០០០រៀល (បីលានរៀល ) ដើម្បីចូលរួមចំណែកប្រយុទ្ធប្រឆាំងនឹងវិបត្តនៃជំងឺកូវីដ-១៩ នៅក្នុងមូលដ្ឋាន ភូមិសាស្រ្តនៃទឹកដីខេត្តក្រចេះជាមួយអាជ្ញាធរខេត្ត។ក្នុងឱកាសនោះ ឯកឧត្តមអភិបាលខេត្តបានមានប្រសាសន៍ថា អំណោយដែលបានចូលរួមជាមួយរដ្ឋបាលខេត្តនាពេលនេះ ក៏ដូចជាបានចូលរួមចំណែកជាមួយរាជរដ្ឋាភិបាលដែរ ក្នុងការការពារ ទប់ស្កាត់ជំងឺកូវីដ-១៩ ហើយជាការឆ្លើយតបនឹងតម្រូវការបច្ចុប្បន្ន ដែលជំងឺដ៏កាចសាហាវនេះកំពុងរីករាលដាលនៅក្នុងសហគមន៍។ជាមួយគ្នានេះ ឯកឧត្តម គណៈអភិបាលខេត្តក្រចេះ ក៏បានអំពាវនាវដល់ ពុក ម៉ែ បងប្អូន ព្រមទាំងមន្រ្តីរាជការ កងកម្លាំងគ្រប់ប្រភេទបន្តចូលរួមជាមួយអាជ្ញាធរខេត្ត ក៏ដូចបានចូលរួមជាមួយរាជរដ្ឋាភិបាល ក្នុងការ ការពារប្រយុទ្ធ ប្រឆាំង ទប់ស្កាត់ការរីករាលដាលនៃជំងឺដ៏កាចសាហាវនេះ ដើម្បីសុខភាព និងសុខមាលភាពខ្លួនឯង និងក្រុមគ្រួសារ ក៏ដូចជាសង្គមជាតិយើងទាំងមូល។ លើសពីនេះ ឯកឧត្តម អភិបាលខេត្តក៏បានក្រើនរំលឹកដល់ ពុក ម៉ែ បងប្អូន រួមនិងមន្ត្រីរាជការ កងកម្លាំងគ្រប់ប្រភេទ ព្រមទាំងព្រះសង្ឃផងដែរ មិនត្រូវភ្លេចវិធានរបស់រាជរដ្ឋាភិបាលនូវ «៣ការពារ ៣កុំ» និងវិធានផ្សេងៗទៀតពីក្រសួងសុខាភិបាល៕
ព័ត៌មានគួរចាប់អារម្មណ៍
សម្តេចធិបតី និងលោកជំទាវបណ្ឌិត បានអញ្ជើញចាកចេញពីរាជធានីភ្នំពេញហើយ ដើម្បីបំពេញទស្សនកិច្ចផ្លូវការនៅកូរ៉េខាងត្បូង ()
រដ្ឋបាលខេត្តមណ្ឌលគិរី ប្រារព្ធពិធីបុណ្យចម្រើនព្រះជន្មព្រះមហាក្សត្រ ()
រដ្ឋមន្រ្តីមហាផ្ទៃ បន្តសង្កត់ធ្ងន់ពីភាពចាំបាច់នៃការរឹតបន្តឹងការអនុវត្តច្បាប់ ខណៈគ្រោះថ្នាក់ចរាចរណ៍នៅតែប្រឈមខ្លាំង ()
៤ខែរាជរដ្ឋាភិបាល អនុម័ត គម្រោងថ្មីនិងពង្រីក១២៨គម្រោង ជាមួយទុនវិនិយោគ ជាង២ពាន់លានដុល្លារ ()
អយ្យការអមសាលាដំបូងរាជធានីភ្នំពេញ ចេញសេចក្តីប្រកាសព័ត៌មាន ជុំវិញការចាប់ខ្លួនលោក ស៊ុន ចន្ធី ប្រធានគណបក្សកម្លាំងជាតិ ()
វីដែអូ
ចំនួនអ្នកទស្សនា