ក្រសួងសេដ្ឋកិច្ច នឹងដំណើការ «ប្រព័ន្ធចុះបញ្ជីអាជីវកម្ម» ដំណាក់កាលទី២ នៅថ្ងៃទី១ ខែកញ្ញា
ភ្នំពេញ ៖ «ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន Online Business Registration» ដំណាក់កាលទី ២ នឹងត្រូវដាក់ឱ្យដំណើរការជាផ្លូវការនៅថ្ងៃទី ១ ខែកញ្ញា ឆ្នាំ២០២១។
ដោយយោងទៅលើសេចក្តីប្រកាសព័ត៌មាន បានរំលេចឲ្យដឹងថា ប្រព័ន្ធខាងលើនេះអភិវឌ្ឃន៍ឡើងបាន ២ ដំណាក់កាល។ សម្រាប់ដំណាក់កាលទីមួយ ដាក់ឲ្យប្រើប្រាស់កាលពីថ្ងៃទី ១៥ ខែមិថុនា ឆ្នាំ ២០២០ ប្រព័ន្ធបានគ្របដណ្ដប់លើ ការចុះបញ្ជីពាណិជ្ជកម្មរបស់ក្រសួងពាណិជ្ជកម្ម, ការចុះបញ្ជីពន្ធដាររបស់អគ្គនាយកដ្ឋានពន្ធដារ និងការផ្តល់សេចក្តីជូនដំណឹងបើកសហគ្រាសរបស់ក្រសួងការងារ។
