ខេត្តកំពង់ធំ ប្រកាសរកឃើញអ្នកវិជ្ជមានកូវីដ ១១នាក់ ជាសះស្បើយ១នាក់ និងស្លាប់១នាក់
ខេត្តកំពង់ធំ ៖ រដ្ឋបាលខេត្តកំពង់ធំ បានចេញសេចក្តីប្រកាសព័ត៌មានបញ្ជាក់ពីការរកឃើញអ្នកវិជ្ជមានជំងឺកូវីដ១៩ ចំនួន ១១នាក់ថ្មីបន្ថែមទៀត តាមរយៈការធ្វើតេស្តរហ័ស និងស្លាប់ចំនួន ១នាក់ នៅថ្ងៃទី២៥ ខែសីហា ឆ្នាំ២០២១។ ជាមួយគ្នានោះ ក៏មានអ្នកជាសះស្បើយ ១នាក់ទៀតដែរ។
ដើម្បីចូលរួមទប់ស្កាត់ការរីករាលដាលនៃជំងឺកូវីដ១៩ បន្ថែមទៀត រដ្ឋបាលខេត្តបានអំពាវនាវដល់អ្នកដែលធ្លាប់ប្រាស្រ័យទាក់ទងជាមួយអ្នកវិជ្ជមានខាងលើ សូមរួសរាន់ទំនាក់ទំនងទៅអាជ្ញាធរ ឬមណ្ឌលសុខភាពដែលនៅកៀកបំផុតដើម្បីពិនិត្យសុខភាព និងធ្វើចត្តាឡីស័ក រយៈពេល ១៤ថ្ងៃ ឱ្យបានត្រឹមត្រូវ៕
