នៅព្រឹកថ្ងៃទី២៧ ខែសីហា ឆ្នាំ២០២១ គណៈប្រតិភូខេត្តមណ្ឌលគិរី ដឹកនាំដោយ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម ស្វាយ សំអ៊ាង អភិបាលខេត្ត និងគណៈប្រតិភូខេត្តក្រចេះ ត្បូងឃ្មុំ នៃព្រះរាជាណាចក្រកម្ពុជា បានអញ្ជើញចូលរួមកិច្ចប្រជុំជាមួយខេត្តប៊ិញភឿក នៃសាធារណរដ្ឋសង្គមនិយមវៀតណាម ដឹកនាំដោយលោក ង្វៀន ម៉ាញ់គឿង លេខាធិការបក្សខេត្តប៊ិញភឿក ស្ដីពី កិច្ចសហប្រតិបត្តិការ បង្ការ ទប់ស្កាត់ការឆ្លងរាលដាលជំងឺកូវីដ-១៩នៅតាមព្រំដែនកម្ពុជា-វៀតណាម ដែលកិច្ចប្រជុំនេះធ្វើឡើងនៅច្រកទ្វារអន្តរជាតិ វ៉ាលឺ នៅខេត្តប៊ិញភឿក ប្រទេសវៀតណាម។ គណៈប្រតិភូខេត្តទាំងបីនៃព្រះរាជាណាចក្រកម្ពុជា បានថ្លែងអំណរគុណយ៉ាងជ្រាលជ្រៅដល់អាជ្ញាធរ និងប្រជាពលរដ្ឋខេត្តប៊ិញភឿក ដែលតែងតែជួយគាំទ្ររាល់សកម្មភាពការអភិវឌ្ឍន៍ និងការលំបាករបស់ប្រជាពលរដ្ឋកម្ពុជា ពិសេស គឺខេត្តជាប់ព្រំដែន។ គណៈប្រតិភូនៃខេត្តទាំងបី បានសង្ឃឹម និងជឿជាក់ថា ទំនាក់ទំនងកិច្ចសហប្រតិបត្តិការរវាងខេត្តជាប់ព្រំដែនកម្ពុជា វៀតណាម កាន់តែមានការរីកចម្រើនថែមទៀត និងបង្កើនកិច្ចសហការរវាងកងកម្លាំងប្រដាប់អាវុធទាំងបីនៅខេត្តជាប់ព្រំដែននេះ ដើម្បីរួមគ្នាថែរក្សាសន្តិសុខ សណ្តាប់ធ្នាប់សាធារណៈ សុវត្ថិភាព ទប់ស្កាត់ បង្ក្រាបបទល្មើសនានា ព្រមទាំងរួមគ្នាបង្ការ ទប់ស្កាត់ ការឆ្លងរាលដាលជំងឺកូវីដ-១៩ផងដែរ។គណៈប្រតិភូកម្ពុជា ក៏បានស្នើសុំឲ្យមានការលើកកម្ពស់កិច្ចសហប្រតិបត្តិការលើការផ្លាស់ប្ដូរទំនិញ កសិផល គ្រឿងឧបភោគបរិភោគ និងទំនិញផ្សេងៗ សំដៅរួមគ្នាដោះស្រាយជីវភាពរស់នៅរបស់ប្រជាពលរដ្ឋនៅតំបន់ព្រំដែន ក៏ដូចជាប្រជាពលរដ្ឋ នៃខេត្តជាប់ព្រំដែន ក្នុងអំឡុងពេលនៃការឆ្លងរាលដាលនៃជំងឺកូវីដ-១៩៕
ព័ត៌មានគួរចាប់អារម្មណ៍
ទំព័រដើម ព័ត៌មានជាតិ ព័ត៏មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានថ្មីបំផុត ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ **|** ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ ()
សម្តេចមហាបវរធិបតី ហ៊ុន ម៉ាណែត រៀបចំពិធីលៀងសាយភោជន ជូននាយករដ្ឋមន្ត្រីឡាវ និងគណៈប្រតិភូ ()
ឧបនាយករដ្ឋមន្ត្រី ប្រាក់ សុខុន ចែករំលែកបទពិសោធន៍សន្តិភាពរបស់កម្ពុជា ()
ព្រឹកនេះ សម្តេចមហាបវរធិបតី ហ៊ុន ម៉ាណែត អញ្ជើញបើកកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន ()
សម្តេចបវរធិបតី ហ៊ុន ម៉ាណែត៖ ទឹកដីកម្ពុជា ធ្លាប់ជាវាលមីន ឥឡូវក្លាយជាដីមានជីជាតិ សម្រាប់ធ្វើកសិកម្ម ()
វីដែអូ
ចំនួនអ្នកទស្សនា