កំពង់ឆ្នាំង៖ នាព្រឹកថ្ងៃសុក្រទី២៧ ខែសីហា ឆ្នាំ២០២១ ឯកឧត្តម ស្រ៊ន សំឫទ្ធី អភិបាលរង នៃគណៈអភិបាលខេត្តតំណាងដ៏ខ្ពង់ខ្ពស់ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង អមដំណើរដោយលោក លី សុភា ប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្ត លោក ស៊ឹម សុវឌ្ឍនៈ អនុប្រធានមន្ទីរការងារ និងបណ្តុះបណ្តាលវិជ្ជាជីវៈខេត្ត លោក វន ស៊ីផា អភិបាលស្រុកសាមគ្គីមានជ័យ និងសហការី បានអញ្ជើញចុះសួរសុខទុក្ខ និងសំណេះសំណាលជាមួយក្រុមគ្រូពេទ្យសម្ព័ន្ធគ្រូពេទ្យសហភាពសព័ន្ធយុវជនកម្ពុជា ទាំងពីរក្រុមគឺក្រុមទី ១៩ (ឃុំត្បែងខ្ពស់) និងក្រុមទី២៣ (ឃុំឈានឡើង) ដែលកំពុងបំពេញបេសកកម្មស្ម័គ្រចិត្តធ្វើការជម្រុញចាក់វ៉ាក់សាំងការពារជំងឺកូវីដ-១៩ ជូនដល់ប្រជាពលរដ្ឋឱ្យមានភាពស៊ាំកាត់បន្ថយក្នុងការឆ្លងរីករាលដាលនៃជំងឺកូវីដ-១៩។ក្នុងឱកាសនោះដែរ ឯកឧត្តម ស្រ៊ន សំឫទ្ធី បានពាំនាំនូវការសួរសុខទុក្ខ និងថ្លែងអំណរគុណពីសំណាក់ឯឧត្តមអភិបាលខេត្ត ចំពោះក្រុមគ្រូពេទ្យទាំងអស់ដែលលះបង់នូវកំលាំងកាយ កំលាំងចិត្ត និងពេលវេលា មកជួយជម្រុញការចាក់វ៉ាក់សាំងជូនប្រជាពលរដ្ឋ តាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ឯកឧត្តម បានប្រគល់ជូនសម្ភារៈជាគ្រឿងឧបភោគ បរិភោគ និងថវិកាដល់ក្រុមគ្រូពេទ្យក្នុងមួយក្រុមទទួលបាន៖ ក្រុមទី១៩ (ឃុំត្បែងខ្ពស់): ទឹកសុទ្ធ Hi-tech ១០កេស មីជាតិ ១០កេស ត្រីខ ១កេសធំ ម៉ាស់ ១០ប្រអប់ ក្រម៉ា ១០ក្រម៉ា ទឹកក្រូច ៤កេស ទឹកស៊ីអ៊ីវ ២យួរ ទឹកត្រី ២យួរ អង្ករ ៥០គីឡូក្រាម អាល់កុល ១៥លីត្រ និងថវិកាចមនួន ១,០០០,០០០រៀល។ ក្រុមទី២៣ (ឃុំឈានឡើង): ទឹកសុទ្ធ Hi-tech ១០កេស ទឹកសុទ្ធVital ៤កេស មីជាតិ ១០កេស ត្រីខ ១កេសធំ ម៉ាស់ ២០ប្រអប់ ក្រម៉ា ១០ក្រម៉ា ទឹកក្រូច ២កេស អង្ករ ៥០គីឡូក្រាម អាល់កុល ១៥លីត្រ និងថវិកាចំនួន ១,០០០,០០០រៀល៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា