ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ខេត្តមណ្ឌលគិរីមានអត្រាជំងឺកូវីដ១៩ សរុបជាង១០០០ករណី និងមានប្រភេទវីរុសបម្លែងថ្មីជាង២០ករណី
Tue,31 August 2021 (Time 02:34 PM)
ដោយ ៖ (ចំនួនអ្នកអាន: 372នាក់)

ខេត្តមណ្ឌលគិរី ៖ ស្ថានភាពវិវដ្តរបស់ជំងឺកូវីដ១៩នៅខេត្តមណ្ឌលគិរីបានបន្តរាលដាលឆ្លងទៅលើមនុស្សសរុបជាង១០០០ករណី និងរួមមានទាំងប្រភេទវីរុសបម្លែងថ្មី Delta ជាង២០ករណី ហើយចំពោះផលប៉ះពាល់នៃជំងឺឆ្លងដ៏កាចសាហាវបានបង្កឲ្យមានអ្នកពាក់ព័ន្ធផ្ទាល់និងប្រយោលជាច្រើន ចំណែកទីតាំងដែលការពាក់ព័ន្ធសរុបប្រមាណ២០៧កន្លែង ។

លោក ស៊ន សារុន នាយករដ្ឋបាលសាលាខេត្តមណ្ឌលគិរីបានបញ្ជាក់ឲ្យដឹងថា គិតត្រឹមល្ងាចថ្ងៃទី៣០ សីហា២០២១ ខេត្តមណ្ឌលគិរីមានអាត្រាឆ្លងជំងឺកូវីដ១៩ សរុប១,០១៤ករណី ករណីឆ្លងថ្មី៤៧ករណី ជាសះស្បើយ៤២១ករណី ស្លាប់០៤ករណី និងកំពុងសម្រាកព្យាបាល៥៨៩ករណី ក្នុងនោះក៏មានអ្នកជំងឺកូវីដ១៩ប្រភេទវីរុសបម្លែងDelta ចំនួន២៦ករណីផងដែរ។ លោកបញ្ជាក់ថា ចំពោះអ្នកកំពុងធ្វើចត្តាឡីស័កក្នុងមណ្ឌល និងកំពុងធ្វើចត្តាឡីស័កតាមផ្ទះរៀងៗខ្លួន មានប្រមាណជាង១,៥០០ករណី ។

នាយករដ្ឋបាលសាលាខេត្តមណ្ឌលគិរី បានឲ្យដឹងទៀតថា ទន្ទឹមនេះខេត្តមណ្ឌលគិរីក៏បានដំណើរការចាក់វ៉ាក់សាំងបង្ការទប់ស្កាត់ជំងឺកូវីដ១៩ជូនដល់មន្ត្រីរាជការ កងកម្លាំង និងប្រជាពលរដ្ឋប្រមាណជាង៥ម៉ឺននាក់ហើយ ក្នុងនោះមានទាំងមនុស្សពេញវ័យ និងកុមារ១២ឆ្នាំ ដល់ក្រោម១៨ឆ្នាំ ហើយនឹងបានចាក់ដូសជំរុញទី៣ ជាង៤ពាន់នាក់ផងដែរ ។

សូមបញ្ជាក់ថា សម្រាប់ខេត្តមណ្ឌលគិរី កូវីដ១៩បានរាតត្បាតនៅទូទាំងក្រុង/ស្រុកទាំង៥ ដោយក្នុងនោះក្រុងសែនមនោរម្យ មានអាត្រាអ្នកជំងឺច្រើនជាងគេ បន្ទាប់មកគឺស្រុកកោះញែក ហើយនៅថ្ងៃទី៣០ខែសីហាផ្ទាល់ ជំងឺកូវីដ-១៩ចំនួន៤៧នាក់ និងជាដះស្បើយចំនួន១៥នាក់ បានរាតត្បាតទៅស្រុកអូររាំងបន្ថែមទៀត ។ ស្ថានភាពជំងឺកូវីដ១៩នៅខេត្តមណ្ឌលគិរី មិនទាន់ប្រសើរនៅឡើយទេ ដោយអាជ្ញាធរខេត្ត និងមន្ត្រីជំនាញគ្រប់វិស័យ កំពុងសស្រាក់សស្រាំប្រយុទ្ធប្រឆាំងជាមួយជំងឺដ៏កាចសាហាវនេះ ៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
2229 នាក់
ម្សិលមិញ :
1033 នាក់
សប្តាហ៍នេះ :
6022 នាក់
ខែនេះ :
29480 នាក់
3 ខែនេះ :
113768 នាក់
សរុប :
1095197 នាក់