ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ថ្នាក់ដឹកនាំខេត្តកំពង់ចាម ចុះសួរសុខទុក្ខ និងនាំយកអំណោយរបស់រដ្ឋបាលខេត្តកំពង់ចាម ជូនដល់មន្ត្រីរាជការចំនួន៦៩នាក់ ដែលកំពុងធ្វើចត្តាឡឺស័ក នៅតាមមន្ទីរនីមួយៗ
Wed,04 August 2021 (Time 06:26 AM)
ដោយ ៖ (ចំនួនអ្នកអាន: 437នាក់)

នៅព្រឹកថ្ងៃទី០៣ ខែសីហា ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការខេត្តប្រយុទ្ធនឹងជំងឺកូវីដ-១៩ រួមដំណើរដោយ ឯកឧត្តមអភិបាលរងខេត្ត នាយករដ្ឋបាលខេត្ត បានអញ្ជើញចុះសួរសុខទុក្ខ និងនាំយកចែកអំណោយរបស់រដ្ឋបាលខេត្តកំពង់ចាម ជូនដល់មន្ត្រីរាជការចំនួន ៦៩នាក់ ក្នុងនោះ មន្ទីរផែនការខេត្ត ចំនួន ៣៦នាក់ មន្ទីរទេសចរណ៍ខេត្ត ចំនួន ១២នាក់ និងមន្ទីរពាណិជ្ជកម្មខេត្ត ចំនួន ២១នាក់ ដែលកំពុងធ្វើចត្តាឡឺស័ក រយៈពេល១៤ថ្ងៃ នៅតាមមន្ទីរនីមួយៗ បន្ទាប់ពីបានប៉ះពាល់ដោយប្រយោលជាមួយអ្នកវិជ្ជមានកូវីដ-១៩។

ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្ត បានធ្វើការណែនាំដល់មន្ត្រីរាជការដែលបានប៉ះពាល់ដោយផ្ទាល់ ឬប្រយោលជាមួយនឹង អ្នកវិជ្ជមានកូវីដ-១៩ សូមថែរក្សាសុខភាពឲ្យបានល្អ ទាំងការស្នាក់នៅ ហូបចុក ជាពិសេសការហាត់ប្រាណឲ្យបានទៀងទាត់ និងត្រូវចូលរួមអនុវត្តនូវវិធានការអនាម័យតាមការណែនាំរបស់សុខាភិបាល ក៏ដូចជាវិធានការ «៣ការពារ និង៣កុំ» ដើម្បីជៀសផុតពីជំងឺដ៏កំណាចនេះ និងត្រូវរាយការណ៍ដល់ថ្នាក់ដឹកនាំមន្ទីរដើម្បីមានវិធានការក្នុងករណីចេញរោគសញ្ញា ឬមានបញ្ហាសុខភាព។

ឯកឧត្តម អភិបាលខេត្ត បានបញ្ជាល់ថា ផ្អែកលើស្ថានការណ៍នៃការឆ្លងរាលដាលនៃជំងឺកូវីដ-១៩ ជាពិសេសមេរោគបម្លែងថ្មី ប្រភេទ ដែលតា (Delta) ក៏មានសន្ទុះខ្លាំងនៅប្រទេសជិតខាង និងបានរាលដាលមកដល់ខេត្តមួយចំនួនដែលនៅជាប់ព្រំដែនជាមួយនឹងប្រទេសកម្ពុជា ក្នុងនោះខេត្តកំពង់ចាមយើងនាពេលថ្មីៗនេះក៏បានរកឃើញមេរោគបំលែងថ្មី ចំនួន៣ នាក់ផងដែរ ហេតុនេះ សូមបងប្អូនទាំងអស់បង្កើនការប្រុងប្រយ័ត្នខ្ពស់ ការពារខ្លួន និងកែប្រែទម្លាប់នៃការរស់នៅតាមបែបគន្លងថ្មី សម្របតាមបរិបទនៃជំងឺកូវីដ-១៩ សំដៅបង្ការ គ្រប់គ្រង និងកាត់ខ្សែចម្លងនៃមេរោគកូវីដ-១៩។

អំណាចរបស់រដ្ឋបាលខេត្ត ដែលប្រគល់ជូននាពេលនេះ ក្នុងម្នាក់ៗអង្ករ ២៥គីឡូ មី០១កេស និងប្រគល់ក្នុង០១មន្ទីរ ទឹកសុទ្ធ១០កេស ម៉ាស១.០០០ និងជែល ២០ដប៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
2350 នាក់
ម្សិលមិញ :
1033 នាក់
សប្តាហ៍នេះ :
6143 នាក់
ខែនេះ :
29601 នាក់
3 ខែនេះ :
113889 នាក់
សរុប :
1095318 នាក់