នគរបាលស្រុកថ្មគោលអនុវត្តដីកាបង្គាប់ឱ្យចាប់ខ្លួន ឃុំខ្លួនជនត្រូវចោទម្នាក់ក្នុងករណីគ្រឿងញៀន៖
នៅថ្ងៃទី០២ខែសីហាឆ្នាំ២០២១វេលាម៉ោង១៧និង៣០នាទី នៅចំណុចក្រុមទី២៧ភូមិ ហៃសានឃុំ ជ្រៃស្រុកថ្មគោល ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមទាងយោប់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀនលោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំកម្លាំងផ្នែកប្រឆាំងគ្រឿងញៀនសហការណ៍ជាមួយកម្លាំងប៉ុស្តិនគរបាលរដ្ឋបាលជ្រៃ នៃអធិការដ្ឋាននគរបាល ស្រុកថ្មគោលអនុវត្តនដីកាបង្គាប់ឱ្យចាប់ខ្លួននិងឃុំខ្លួនលេខ១១៦ ត.ព្រ ចុះថ្ងៃទី០៣ខែកុម្ភៈឆ្នាំ២០២១របស់ឯកឧត្តមជា វណ្ណៈចៅក្រមជំនុំជម្រះសាលាដំបូងខេត្តបាត់ដំបង ដោយបង្គាប់ឱ្យចាប់និងឃាត់ខ្លួន ជនត្រូវចោទឈ្មោះ វ៉ង ឆៃភេទប្រុស អាយុ ៣៩ឆ្នាំមានទីលំនៅក្រុមទី៣០ភូមិហៃសានឃុំ ជ្រៃស្រុកថ្មគោល ខេត្តបាត់ដំបងជាប់ចោទពីបទរក្សាទុក ដឹកជញ្ជូននិងជួញដូរដោយខុសច្បាប់នូវសារធាតុញៀន ប្រព្រឹត្តនៅចំណុចភូមិហៃសានឃុំជ្រៃស្រុកថ្មគោល ខេត្តបាត់ដំបង កាលពីថ្ងៃទី២៧ខែធ្នូឆ្នាំ២០១៩។
នៅពេលនេះនគរបាលស្រុកបានរៀបចំកសាងសំណុំរឿងជនត្រូវចោទដេីម្បីបញ្ជូនមកការិយាល័យជំនាញចាត់ការបន្តតាមនីតិវិធី៕