ថ្ងៃអាទិត្យទី១២ ខែកញ្ញា ឆ្នាំ២០២១ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចអគ្គមហាសេនាបតីតេជោ ហ៊ុន សែន រួមជាមួយកងកម្លាំងចម្រុះ ចុះពិនិត្យ មើលទឹកជំនន់ទឹកភ្លៀង និងកាយបើកមុខទឹកបង្ហូរ និងបញ្ចៀសពីការជន់លិចផ្ទះរបស់ប្រជាពលរដ្ឋ នៅតំបន់អភិវឌ្ឍន៍បឹងជង្រុកតេជោ ឈ្នះឈ្នះស្ថិតនៅ ភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។បន្ទាប់មក ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានបន្តដំណើរពិនិត្យមើលស្ថានភាពទឹកនៅតាមបន្ទាត់ព្រំដែនកម្ពុជា-ថៃ និងពិនិត្យមើលសកម្មភាពគ្រឿងចក្រកាយបិទទប់ទំនប់ស្តេច ក្នុងភូមិស្តៅ ឃុំគោករមៀត ស្រុកថ្មពួក ដែលត្រូវបានទឹកហូរច្រោះដាច់។សូមជម្រាបជូនថា ក្នុងភូមិសាស្ត្រខេត្តបន្ទាយមានជ័យ ក្នុង១សប្តាហ៍នេះទទួលរងទឹកភ្លៀងធ្លាក់រាយប៉ាយពីបង្គួរទៅច្រើនជាប់ និងទទួលលំហូរទឹកមកពីព្រំដែនថៃ និងស្រុកបរវិល ខេត្តបាត់ដំបង បានបង្ករឲ្យមានការជនលិចនៅតំបន់មួយចំនួន ក្នុងស្រុកមួយចំនួន ។ តែមិនមានបញ្ហាអ្វីអោយរងគ្រោះខូចខាតផ្ទះសម្បែង ទ្រព្យសម្បត្តិ ដំណាំ និងមនុស្សសត្វនោះទេ។ឯកឧត្ត អ៊ុំ រាត្រី អភិបាលខេត្ត បានណែនាំ ក្រើនរំលឹកដល់មន្ត្រីជំនាញគ្រប់ថ្នាក់ អាជ្ញាធរមូលដ្ឋាន កងកម្លាំងប្រដាប់អាវុធគ្រប់ថ្នាក់ក្នុងខេត្ត មានវិធានត្រៀមលក្ខណៈគ្រប់មធ្យោបាយ កងកម្លាំង ដើម្បីឆ្លើយតបដោះស្រាយភ្លាមៗ ក្នុងករណីមានគ្រោះទឹកជំនន់ធ្ងន់ធ្ងរកើតឡើង ។ឯកឧត្តមក៏បានណែនាំឲ្យប្រជាពលរដ្ឋ ត្រូវមានការប្រុងប្រយ័ត្នស្តាប់តាមការជូនដំណឹង និងការប្រកាសរបស់អាជ្ញាធរ ដើម្បីជៀសផុតពីគ្រោះថ្នាក់ បើក្នុងករណីមានគ្រោះធម្មជាតិទឹកជំនន់នេះកើតឡើង៕
ព័ត៌មានគួរចាប់អារម្មណ៍
សម្ដេចធិបតី ហ៊ុន ម៉ាណែត ថ្លែងអំណរគុណរដ្ឋាភិបាលថៃ ដែលបានលើកលែងថ្លៃទិដ្ឋាការសម្រាប់ពលរដ្ឋខ្មែរ ដែលមកលេងស្រុកកំណើតក្នុងឱកាសបុណ្យចូលឆ្នាំខ្មែរ ()
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
វីដែអូ
ចំនួនអ្នកទស្សនា