កំពង់ឆ្នាំង ៖ នៅថ្ងៃទី១៣ ខែកញ្ញា ឆ្នាំ២០២១ នៅសាលប្រជុំសាលាខេត្តកំពង់ឆ្នាំង បានរៀបចំពិធីសំណេះសំណាលជាមួយអង្គការសង្គមស៊ីវិល និងបើកយុទ្ធនាការចុះបាញ់ថ្នាំសម្លាប់មេរោគកូវីដ-១៩ ជុំទី៣ របស់វេទិកាសម្ព័ន្ធសង្គមស៊ីវិលក្នុងខេត្ត ក្រោមអធិបតីភាព ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាលនៃវេទិកាសង្គមស៊ីវិលនៃទីស្តីការគណ:រដ្ឋមន្រ្តី និងឯកឧត្តមស៊ុន សុវណ្ណារិទ្ធិ អភិបាលខេត្តកំពង់ឆ្នាំង ដោយមានការអញ្ជើញចូលរួមពីឯកឧត្តម នៃ ចារីអភិបាលរងខេត្ត។ឯកឧត្តមស៊ុន សុវណ្ណារិទ្ធិ អភិបាលខេត្ត បានថ្លែងអំណរគុណ និងគូសបញ្ជាក់អំពីភាពជាដៃគូ និងតួនាទីដ៏សំខាន់របស់អង្គការសង្គមស៊ីវិល និងសមាគមនានា ក្នុងការចូលរួមចំណែកជាមួយអាជ្ញាធរគ្រប់លំដាប់ថ្នាក់ក្នុងខេត្តកំពង់ឆ្នាំង នៅក្នុងការអភិវឌ្ឍមូលដ្ឋាន លើកកម្ពស់ជីវភាពរស់នៅរបស់ប្រជាពលរដ្ឋ កាត់បន្ថយភាពក្រីក្រ ស្របតាមកម្មវិធីនយោបាយ និងយុទ្ធសាស្ត្រចតុកោណរបស់រាជរដ្ឋាភិបាល។ ឯកឧត្តម ក៏បានថ្លែងអំណរគុណដល់វេទិកាសម្ព័ន្ធអង្គការសង្គមស៊ីវិល ដែលតែងបានផ្ដល់ការឧបត្ថម្ភគាំទ្រដល់រដ្ឋបាលខេត្ត និងបានរួមចំណែកក្នុងយុទ្ធនាការបង្ការ ទប់ស្កាត់ការឆ្លងរាលដាលនៃជំងឺកូវីដ-១៩។ឯកឧត្តម កឹមរ័ត្ន វិសិដ្ឋ បានគូសបញ្ជាក់អំពីសារៈសំខាន់របស់អង្គការសង្គមស៊ីវិល និងសមាគមនានា ដែលជាដៃគូដ៏ចាំបាច់មិនអាចខ្វះបានសម្រាប់ការអភិវឌ្ឍសង្គមទាំងមូល។ ឯកឧត្តមបានបញ្ជាក់ទៀតថា អង្គការសង្គមស៊ីវិល និងអាជ្ញាធរសាធារណៈ តែងបានរួមសហការល្អជាមួយគ្នានាពេលកន្លងមក ដោយបានបង្កើតនូវសមិទ្ធផលជាច្រើនសម្រាប់ប្រជាពលរដ្ឋក្នុងមូលដ្ឋាន។នៅក្នុងឱកាសនោះ ឯកឧត្តមប្រធានក្រុមប្រឹក្សាភិបាលនៃវេទិកាសង្គមស៊ីវិលនៃទីស្តីការគណៈរដ្ឋមន្រ្តី បានផ្តល់នូវ ឱសថចិន ម៉ាស់ ឧបករណ៍តេស្តរហ័ស និងបំពង់បាញ់អាល់កុលជូនដល់អង្គការសមាគមដែលមានវត្តមានក្នុងពិធីសំណេះសំណាលនេះផងដែរ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា