ថ្ងៃពុធ ទី២២ ខែកញ្ញា ឆ្នាំ២០២១
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ថ្នាក់ដឹកនាំខេត្តសៀមរាប អញ្ជើញចូលរួមក្នុងពិធីប្រកាសចូលកាន់តំណែងជាស្នងការ នៃស្នងការដ្ឋាននគរបាលជាតិខេត្តសៀមរាប
Tue,14 September 2021 (Time 08:13 AM)
ដោយ ៖ (ចំនួនអ្នកអាន: 5នាក់)

នាថ្ងៃទី១៣ ខែកញ្ញា ឆ្នាំ២០២១ នៅសាលប្រជុំសាលាខេត្តសៀមរាបបានរៀបចំពិធីប្រកាសលោកឧត្តមសេនីយ៍ត្រី តេង ច័ន្ទណាត អត្តលេខ ៦៥២១២ ស្នងការរង នៃស្នងការដ្ឋាននគរបាលខេត្តសៀមរាបចូលកាន់តំណែងជាស្នងការ ជំនួសលោកឧត្តមសេនីយ៍ទោ ទិត្យ ណារ៉ុង ដែលបានចូលនិវត្តន៍ ក្រោមអធិបតីរបស់ឯកឧត្តមនាយឧត្តមសេនីយ៍ សន្និបណ្ឌិត នេត សាវឿន អគ្គស្នងការនគរបាលជាតិ តំណាងដ៏ខ្ពង់ខ្ពស់របស់ សម្តេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ត្រីក្រសួងមហាផ្ទៃ និង ឯកឧត្តម អ៊ាន ឃុន ប្រធានក្រុមប្រឹក្សាខេត្ត ឯកឧត្តម ទៀ សីហា អភិបាលខេត្តសៀមរាប និង មន្ត្រីរាជការជុំវិញខេត្ត។

ឯកឧត្តម ទៀ សីហា អភិបាលខេត្តសៀមរាប បានជឿជាក់យ៉ាងមោះមុតថា ក្នុងកម្មវិធីប្រកាសតែងតាំងនៅថ្ងៃនេះ យើងអាចថែរក្សាបានសន្តិសុខ សណ្តាប់ធ្នាប់ សុវត្ថិភាព ស្ថេរភាព នយោបាយនៃខេត្តសៀមរាបទាំងមូលឲ្យបានល្អប្រសើរថែមទៀត ក្នុងនោះឯកឧត្តម ក៏បានកោតសរសើរចំពោះលោកអតីតស្នងការ ដែលត្រូវបានចូលនិវត្តន៍ នាពេលកន្លងមកលោក បានលះបង់យ៉ាងច្រើនទាំងកម្លាំងកាយ កម្លាំងចិត្ត ដើម្បីការពារនៅផលប្រយោជន៏ជាតិនិងអនុវត្តកិច្ចការងាររបស់គណៈបញ្ជាការឯកភាពរដ្ឋបាលខេត្តសៀមរាប សំខាន់នោះ គឺការគ្រប់គ្រងកងកម្លាំង នៅស្នងការនិងអធិការនៅតាមបណ្តាក្រុង ស្រុកទាំង១២ បានល្អ ព្រមទាំងការបម្រើសេវាកម្មជូនប្រជាពលរដ្ឋបានទាន់ពេលវេលាទៀតផង។

ឯកឧត្តម បានបង្ហាញទៀតថា សម្រាប់ខេត្តសៀមរាបយើងនេះ រដ្ឋបាលខេត្តបានយកចិត្តទុកដាក់ជាមួយបងប្អូនប្រជាពលរដ្ឋ ដែលកំពុងតែជួបប្រទះនៅផលវិបាកផ្សេងៗដែលបណ្តាលមកវិបត្តិកូវីដ-១៩ ដែលបច្ចុប្បន្នបញ្ហាមេរោគបំប្លែងខ្លួនថ្មី (ដែលតា) គឺមានអ្នកឆ្លងហើយ ទើបរដ្ឋបាលខេត្តសៀមរាប បានសម្រេចបិទខ្ទប់ក្រុងសៀមរាប ចំនួនមួយសប្ដាហ៍ ក្នុងបំណងដើម្បីកាត់ផ្ដាច់ខ្សែចម្លងជំងឺកូវីដ-១៩ ក្នុងសហគមន៍ ខណៈដែលបច្ចុប្បន្នតួលេខអ្នកឆ្លងក្នុងក្រុងហាក់មានសន្ទុះកើនឡើងជាបន្តបន្ទាប់។

នាយឧត្តមសេនីយ៍សន្តិបណ្ឌិត នេត សាវឿន បានលើកឡើង ក្នុងការជម្រុញឲ្យស្នងការឡើងកាន់មុខតំណែងថ្មី នាពេលនេះ ដែលបានឡើងសច្ចានឹងសន្យាការងារថា យើងត្រូវតែធ្វើឲ្យបានល្អនោះ បើយើងសន្យាហើយដាច់ខាតយើងត្រូវតែធ្វើឲ្យបាន មិនមែនសន្យាចោលឡើយ ហើយបើយើងចង់ឲ្យខេត្តសៀមរាបទទួលបានជោគជ័យនោះទាល់តែយើងទាំងអស់គ្នារួមរួមសាមគ្គីគ្នា ទើបសម្រេចបានលទ្ធផលល្អប្រសើរ ជាចម្បងជានោះទៅទៀតនោះ គឺលើការអនុវត្តនៅភូមិឃុំមានសុវត្ថិភាព។

នាយឧត្តមសេនីយ៍សន្តិបណ្ឌិត នេត សាវឿន បានបន្តទៀតថា ការសន្យាចិត្ត ប្តេជ្ញាចិត្ត គឺជាទ្រឹស្តី ប៉ុន្តែសំខាន់ចាប់ពីពេលនេះទៅយើងត្រូវអនុវត្តជាក់ស្តែង យើងជាបញ្ជាការជាន់ខ្ពស់សម្រាប់ខេត្ត យើងត្រូវចាត់ចែងគ្រប់វិស័យពាក់ព័ន្ធ និង សន្តិសុខសណ្តាប់ធ្នាប់ ត្រូវមានកិច្ចសហការណ៍ល្អជាមួយកម្លាំងក្នុងគណបញ្ជាការឯកភាពរដ្ឋបាលខេត្ត និង ដើម្បីធ្វើការទាំងអស់នោះ ឲ្យបានជោគជ័យយើងមិនអាចធ្វើការម្នាក់ឯងបាននោះឡើយ។ ក្នុងឱកាលនោះដែរ ក៏មានធ្វើការប្រកាសផ្លាស់ប្តូរភារកិច្ច របស់មន្ត្រីនគរបាល នៃស្នងការដ្ឋាននគរបាលខេត្ត ចំនួន ២រូបផងដែរ។

សូមបញ្ជាក់ផងដែរ កម្មវិធីប្រកាសនេះ គឺត្រូវបានរដ្ឋបាលខេត្តអនុវត្តវិធានការការពាររបស់ក្រសួងសុខាភិបាលយ៉ាងតឹងរឹងដោយអ្នកចូលរួមត្រូវបានត្រួតពិនិត្យរកកូវីដ-១៩(តេស្តរហ័ស)មុននឹងអនុញ្ញាតឱ្យចូលរួម៕

ព័ត៌មានគួរចាប់អារម្មណ៍

សូមប្រុងប្រយ័ត្ន រាជធានី-ខេត្តចំនួន១២ ប្រឈមនឹងជំនន់ទឹកភ្លៀង ពីថ្ងៃទី២២-២៦ ខែកញ្ញា ()

ព័ត៌មានគួរចាប់អារម្មណ៍

ខណៈនេះអ្នកឆ្លង COVID-19 លើលោកកើនដល់ជាង ២២៩លាន ៨១ម៉ឺននាក់ ស្លាប់ជាង ៤លាន ៧១ម៉ឺននាក់ ()

ព័ត៌មានគួរចាប់អារម្មណ៍

បារាំងអះអាងថា​នឹង​នៅតែ​បន្ត​រក្សា​វត្តមាន​យោធា​របស់ខ្លួន​នៅក្នុង​ប្រទេស​ម៉ាលី​ និងបន្ត​ប្តេជ្ញា​ក្នុងការ​ប្រយុទ្ធប្រឆាំង​​ភេរវកម្ម​ ()

ព័ត៌មានគួរចាប់អារម្មណ៍

សាលានៅខេត្តកំពង់ធំចំនួន២៨៧សាលានៅតំបន់ដែលមានហានិភ័យទាបបានបើកដំណើរការចូលរៀនឡើងវិញ ()

ព័ត៌មានគួរចាប់អារម្មណ៍

ប្រទះឃើញហ្វូងកូនសត្វក្រពើភ្នំ ដែលជាប្រភេទសត្វកំពុងរងគ្រោះថ្នាក់ជិតផុតពូជបំផុត នៅដែនជម្រកសត្វព្រៃស្រែពក ()

វីដែអូ

ចំនួនអ្នកទស្សនា

ថ្ងៃនេះ :
463 នាក់
ម្សិលមិញ :
309 នាក់
សប្តាហ៍នេះ :
1992 នាក់
ខែនេះ :
7838 នាក់
3 ខែនេះ :
22073 នាក់
សរុប :
80829 នាក់