ហ្សាការតា ៖ លោក Luhut Pandjaitan រដ្ឋមន្រ្តីសម្របសម្រួលកិច្ចការដែនសមុទ្រនិងវិនិយោគបាននិយាយនៅថ្ងៃសុក្រនេះថា ប្រទេសឥណ្ឌូនេស៊ីអាចអនុញ្ញាតឱ្យអ្នកទេសចរបរទេសចាប់ផ្តើមវិលត្រឡប់មកកាន់កោះរមណីយដ្ឋានដ៏ពេញនិយមកោះបាលី និងផ្នែកផ្សេងទៀតនៃប្រទេសនៅខែតុលាខាងមុខនេះ បន្ទាប់ពីករណីឆ្លងជំងឺកូវីដ១៩ ធ្លាក់ចុះយ៉ាងគំហុក។ នេះបើយោងតាមការចេញផ្សាយដោយ សារព័ត៌មាន Reuters។លោក Luhut បានប្រាប់សន្និសីទសារព័ត៌មានថា «ថ្ងៃនេះយើងសប្បាយចិត្តណាស់ ដែលអត្រានៃការឆ្លងបានធ្លាក់ចុះទាបបំផុត…វាបង្ហាញថា ជំងឺរាតត្បាតនេះកំពុងស្ថិតក្រោមការគ្រប់គ្រងរបស់យើង»។ លោកបញ្ជាក់ថា ករណីឆ្លងនៃជំងឺកូវីដ១៩ បានធ្លាក់ចុះរហូតដល់ ៩៤.៥ភាគរយ ចាប់តាំងពីការកើនឡើងខ្ពស់បំផុតកាលពីពាក់កណ្តាលខែកក្កដា។ លោកបានបន្ថែមថា « យើងមានទំនុកចិត្តយ៉ាងខ្លាំងថា កោះបាលីអាចបើកឡើងវិញនៅខែតុលា ប្រសិនបើនិន្នាការដូចថ្ងៃនេះនៅតែបន្តកើតមាន»។សូមជម្រាបថា ប្រទេសឥណ្ឌូនេស៊ីមានករណីឆ្លងទាំងអស់ចំនួន ៤,១៨៥,១៤៤ករណី ក្នុងនោះស្លាប់ ១៤០,១៣៨នាក់ និងជាសះស្បើយ ៣,៩៧៦,០៦៤នាក់។ ករណីឆ្លងកូវីដ១៩ នៅក្នុងប្រទេសអាស៊ានមួយនេះបានធ្លាក់ចុះយ៉ាងគំហុកនាប៉ុន្មានសប្តាហ៍ចុងក្រោយនេះ ដោយថ្ងៃម្សិលមិញមានករណីឆ្លងថ្មីតែ ៣,៨៣៥ករណីប៉ុណ្ណោះ៕
ព័ត៌មានគួរចាប់អារម្មណ៍
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
ព្រឹកនេះ សម្តេចធិបតី អញ្ជើញសំណេះសំណាលជាមួយមន្ត្រីរាជការ បុគ្គលិក កម្មករនិយោជិត បម្រើការងារនៅកំពង់ផែស្វយ័តក្រុងព្រះសីហនុ ()
សេរីភាពសារព័ត៌មាននៅកម្ពុជាមានលក្ខណៈល្អប្រសើរ ()
នៅកម្ពុជាមានអ្នកសារព័ត៌មានចំនួនប្រមាណ ១មុឺននាក់ដែលកំពុងប្រកបវិជ្ជាជីវៈ ()
សហព័ន្ធសហជីពកម្ពុជាការពារកូនខ្មែរ ជាសមាជិករបស់ សហភាពសហជីពមរតកជាតិកម្ពុជា សូមគោរពគាំទ្រយ៉ាងពេញទំហឹង ចំពោះការអនុវត្តគម្រោងព្រែកជីកហ្វូណនតេជោ ()
វីដែអូ
ចំនួនអ្នកទស្សនា